એક્ટ્રેસ પ્રિયંકા ચોપરાને તાજેતરમાં હૈદરાબાદ એરપોર્ટ પર સ્પોટ કરવામાં આવી હતી. તે એસ. એસ. રાજમૌલીની અપકમિંગ ફિલ્મ ‘વારાણસી’નું શૂટિંગ શેડ્યૂલ પૂરું કર્યા બાદ રવાના થઈ રહ્યા હતા. એરપોર્ટમાં એન્ટ્રી દરમિયાન તેણે માસ્ક પહેર્યું હતું, જે સિક્યોરિટી ચેક માટે ઉતરાવ્યું હતુ. એરપોર્ટ પર પ્રિયંકાનો ટ્રાવેલ લુક સિમ્પલ અને રિલેક્સ્ડ જોવા મળ્યો. તેણે મોનોક્રોમેટિક સફેદ આઉટફિટ પહેર્યો હતો, જેમાં સફેદ કાર્ગો ટ્રાઉઝર સાથે સફેદ ક્રોપ ટોપ સામેલ હતું. લુકને તેણે કેપ અને બન હેરસ્ટાઇલ સાથે પૂરો કર્યો. શનિવારે પ્રિયંકાએ હૈદરાબાદમાં કેબ રાઈડનો એક વીડિયો ઈન્સ્ટાગ્રામ પર શેર કર્યો હતો. વીડિયોમાં પ્રિયંકા ગાડીમાં મળેલા એક વિચિત્ર માસ્કને જોઈને હળવાશભર્યા અને મસ્તીભર્યા અંદાજમાં જોવા મળી હતી.
પ્રિયંકા ભારત ફિલ્મ ‘વારાણસી’ના શૂટિંગ માટે આવી હતી, જેને એસ. એસ. રાજમૌલી ડિરેક્ટ કરી રહ્યા છે. આ એક મોટા સ્તરની એક્શન-એડવેન્ચર ફિલ્મ છે, જેમાં મહેશ બાબુ મુખ્ય ભૂમિકામાં છે. આ ફિલ્મથી પ્રિયંકા ભારતીય ફિલ્મોમાં વાપસી કરી રહી છે અને ફિલ્મ 7 એપ્રિલ 2027ના રોજ રિલીઝ થશે. ફિલ્મ ‘ધ બ્લફ’માં જોવા મળશે પ્રિયંકા પ્રિયંકા ટૂંક સમયમાં ફિલ્મ ‘ધ બ્લફ’માં જોવા મળશે, જે 25 ફેબ્રુઆરીના રોજ એમેઝોન પ્રાઇમ વીડિયો પર રિલીઝ થશે. આ ફિલ્મ 19મી સદીના કેરેબિયન દ્વીપ સમૂહ પર આધારિત છે. પ્રિયંકા તેમાં ‘એર્સેલ બોડેન’ ઉર્ફે ‘બ્લડી મેરી’ નામની એક પૂર્વ દરિયાઈ ચાંચિયાની ભૂમિકા ભજવી રહી છે, જે પોતાના પરિવારને બચાવવા માટે પોતાના હિંસક ભૂતકાળનો સામનો કરે છે.
આ ફિલ્મ મૂળ રૂપે અંગ્રેજીમાં છે, પરંતુ ભારત માટે તેને હિન્દી, તમિલ અને તેલુગુ સહિતની ઘણી પ્રાદેશિક ભાષાઓમાં ડબ કરવામાં આવશે. તેનું નિર્દેશન ફ્રેન્ક ઇ. ફ્લાવર્સ દ્વારા કરવામાં આવ્યું છે અને તેને એવેન્જર્સ ફેમ રુસો બ્રધર્સ (AGBO) દ્વારા પ્રોડ્યુસ કરવામાં આવ્યું છે.