તાજેતરમાં વિશાલ ભારદ્વાજની મલ્ટીસ્ટારર ફિલ્મ ‘ઓ રોમિયો’નું ટીઝર રિલીઝ થયું. આમાં શાહિદ કપૂર પછી જો કોઈએ બધાંનું ધ્યાન ખેંચ્યું હોય, તો તે પીઢ એક્ટ્રેસ ફરીદા જલાલ છે. ટીઝરમાં ફરીદા જલાલ નવા અંદાજમાં જોવા મળ્યાં. ફિલ્મના ટીઝરમાં તેઓ ગાળ બોલતા જોવા મળ્યાં ત્યારથી દર્શકોમાં તે ચર્ચાનું કારણ બની ગયા છે. ‘વિશાલે મને પૂછ્યું કે તમે ગાળો બોલશો ને?’ હવે તેમણે આ અંગે ખૂલીને વાત કરી છે. તેમણે જણાવ્યું કે, વિશાલ ભારદ્વાજ તેમના મનપસંદ ડિરેક્ટરોની યાદીમાં સામેલ હતા અને તેઓ તેમને ના પાડી શક્યા નહીં. ‘ઝૂમ’ને આપેલા ઇન્ટરવ્યુમાં ફરીદા જલાલે કહ્યું કે, ‘વિશાલ મારા ઘરે આવ્યા અને તેમણે મને પૂછ્યું કે તમે ગાળો બોલશો ને?’ વિશાલના પ્રશ્ન પર પોતાની પ્રતિક્રિયા શેર કરતા ફરીદા જલાલે કહ્યું- ‘શું તમે કલ્પના કરી શકો છો? મને સમજાતું નહોતું કે શું કહું. હું એટલી અભિભૂત હતી કે મને તેમની સાથે કામ કરવાની તક મળવાની હતી. ના રહેવા દો, છોડી દો… હું આવું બોલવાની નહોતી.’ ‘હું મા-બહેનની ગાળો તો નહીં જ બોલું’ ફરીદા આગળ કહે છે- ‘તે માણસ, જેની સાથે હું હંમેશા કામ કરવા માંગતી હતી, તે મારી સામે બેઠો હતો. મેં બસ એટલું જ કહ્યું કે હું નગ્ન, ગંદી-ગંદી ગાળો નહીં દઉં. નાની, સામાન્ય હોય તો આપી શકું છું. મારા હિસાબે આ વધારે અશ્લીલ કે ગંદી નહોતી. હું મા-બહેન તો નહીં બોલું. તેઓ હસવા લાગ્યા અને મારી વાત સમજી ગયા.’ ‘મેં એક જ ડાયલોગ બોલ્યો અને કેટલો હોબાળો મચી ગયો’ ફરીદાએ પોતાના ડાયલોગ પર સોશિયલ મીડિયા પર આવેલી પ્રતિક્રિયાઓને પણ સંબોધિત કરી. તેમણે કહ્યું, ‘મેં ફિલ્મમાં આ વાત ફક્ત એક જ વાર કહી છે અને જુઓ કેટલો હોબાળો મચી ગયો છે.’ ‘સોશિયલ મીડિયા પર લોકો કહી રહ્યા છે કે, અમારી વહાલી દાદી/માએ ગાળ આપી. તેઓ બાળપણથી મને જોતા આવ્યા છે અને હું પણ આવા ડાયલોગથી દૂર રહી છું. પરંતુ પાત્ર એવું છે. તે હંમેશા ગુસ્સામાં રહે છે. જો પાત્ર પસંદ કરી લીધું હોય, તો તેમાં સંપૂર્ણપણે ડૂબી જવું પડે છે.’ ‘ઓ રોમિયો’ 13 ફેબ્રુઆરીએ રિલીઝ થશે વિશાલ ભારદ્વાજની ‘ઓ રેમિયો’ 13 ફેબ્રુઆરીએ રિલીઝ થવા જઈ રહી છે. તેમાં શાહિદ કપૂર ઉપરાંત નાના પાટેકર, વિક્રાંત મેસી, અવિનાશ તિવારી, ફરીદા જલાલ, તૃપ્તિ ડિમરી, દિશા પાટની અને તમન્ના ભાટિયા જેવા કલાકારોએ કામ કર્યું છે. ફિલ્મને સાજિદ નાડિયાદવાલાએ પ્રોડ્યુસ કરી છે. આ પહેલીવાર હશે, જ્યારે વિશાલ અને સાજિદ સાથે કામ કરી રહ્યા છે.