હોલીવુડના પીઢ એક્ટર ચક નોરિસના નિધન પર અક્ષય કુમારે દુઃખ વ્યક્ત કર્યું છે. અક્ષય કુમારે જણાવ્યું કે, માર્શલ આર્ટ શીખતી વખતે તેણે ચક નોરિસની ઘણી ફિલ્મો જોઈ હતી અને આ ફિલ્મો તેના માટે માત્ર મનોરંજન જ નહીં, પરંતુ એક શીખ હતી. ‘ચક નોરિસની ફિલ્મો મારા માટે શિક્ષણ સમાન હતી’ અક્ષય કુમારે સોશિયલ મીડિયા પ્લેટફોર્મ X (અગાઉ ટ્વિટર) પર ટ્વીટ કર્યું કે, ‘માર્શલ આર્ટ શીખવા દરમિયાન ‘વે ઓફ ધ ડ્રેગન’, ‘મિસિંગ ઇન એક્શન’ જેવી ફિલ્મોમાં ચક નોરિસને જોવા માત્ર એન્ટરટેઇનમેન્ટ જ નહીં પરંતુ મારા માટે એક શિક્ષણ સમાન હતું. તેમનું અનુશાસન, તાકાત અને સ્ક્રીન પર તેમની કમાન્ડે મને પ્રભાવિત કર્યો.’ 86 વર્ષની ઉંમરે નિધન થયું ચક નોરિસનું ગુરુવારે 86 વર્ષની ઉંમરે નિધન થયું. એક્ટરના પરિવારે તેમના ઇન્સ્ટાગ્રામ એકાઉન્ટ દ્વારા નિધનની જાણકારી આપી. પરિવારે જણાવ્યું કે, તેમનું નિધન થયું તે સમયે તેઓ પોતાના પરિવાર સાથે હતા. સિલ્વેસ્ટર સ્ટેલોને પણ દુઃખ વ્યક્ત કર્યું હોલીવુડના પ્રખ્યાત એક્શન ફિલ્મ મેકર સિલ્વેસ્ટર સ્ટેલોને પણ ચક નોરિસના નિધન પર દુઃખ વ્યક્ત કર્યું. તેમણે એક જૂની તસવીર શેર કરતા જણાવ્યું કે, તેમની સાથે કામ કરવાનો સારો અનુભવ રહ્યો અને તેઓ એક ઉત્તમ વ્યક્તિ હતા. માર્શલ આર્ટ અને ટીવી શોથી મળી ઓળખ
ચક નોરિસને માર્શલ આર્ટમાં મહારત હાંસલ હતી. તેમની પાસે કરાટે, તાઈક્વાન્ડો, તાંગ સૂ ડો, બ્રાઝિલિયન જિયુ-જિત્સુ અને જુડોમાં બ્લેક બેલ્ટ હતા. તેમણે બ્રુસ લી સાથે ‘ધ વે ઓફ ધ ડ્રેગન’માં કામ કર્યું. ત્યારબાદ તેઓ ઘણી એક્શન ફિલ્મોમાં દેખાયા અને CBS શો ‘વોકર, ટેક્સાસ રેન્જર’માં મુખ્ય ભૂમિકા ભજવી, જે નવ સીઝન સુધી ચાલ્યો. તેમની જાણીતી ફિલ્મોમાં ‘મિસિંગ ઇન એક્શન’, ‘કોડ ઓફ સાયલન્સ’ અને ‘ફાયરવોકર’નો સમાવેશ થાય છે. તેમને 1983ની ફિલ્મ ‘લોન વુલ્ફ મેકક્વાડ’માં ભૂમિકા માટે ખાસ ઓળખ મળી. તેઓ ટીવી શો ‘વોકર, ટેક્સાસ રેન્જર’ના લગભગ 200 એપિસોડમાં દેખાયા. શોનું રીબૂટ 2020માં શરૂ થયું અને 2024 સુધી ચાલ્યું.