ઇન્ડિયા ગોટ લેટેન્ટથી વિવાદોમાં રહી ચૂકેલી અપૂર્વા માખિજા ફરી એકવાર વિવાદોમાં ઘેરાઈ ગઈ છે. તાજેતરમાં તેનો એક જૂનો વીડિયો કેટલાક દિવસોથી સોશિયલ મીડિયા પર ફરીથી વાઇરલ થઈ રહ્યો છે, જેમાં તેણે કહ્યું છે કે, હું 2 રૂપિયાના રોલ માટે કોઈની સાથે સૂતી નથી, હા જો દુબઈનો કોઈ શેખ મારા પર 10-15 કરોડ ફેંકીને મારે તો કદાચ હું આ વિશે વિચારીશ. તેનો વીડિયો વાઇરલ થયા પછી કેટલાક ટ્રોલર્સે તેને અલગ-અલગ રેટ ઓફર કરવાનું શરૂ કરી દીધું, જેના પર ઇન્ફ્લુએન્સર ભડકી ગયા. અપૂર્વાએ આવા જ 12 હજાર ઓફર કરી રહેલા એક વ્યક્તિની કંપનીમાં જ તેની ફરિયાદ કરી દીધી છે. જેના પછી કથિત રીતે તે વ્યક્તિને તેની માફી માંગવી પડી છે. અપૂર્વાએ વાંધાજનક કમેન્ટ કરનાર વ્યક્તિ પ્રશાંત વિશે તપાસ કરી તો સામે આવ્યું કે તે વ્યક્તિ પ્રોડક્શન હાઉસ DNEGમાં ગ્રાફિક્સ ડિઝાઇનર તરીકે કામ કરે છે. અપૂર્વાએ તે કંપનીને મેન્શન કરતા ઘટનાની જાણકારી આપી, જેના પછી પ્રોડક્શન હાઉસ તરફથી જવાબ આવ્યો કે તે આવા વ્યક્તિની સખત નિંદા કરે છે, જોકે 2024થી તે છોકરો તેની સાથે કામ કરવાનું બંધ કરી ચૂક્યો છે. વધુ માહિતી એકત્ર કરતાં સામે આવ્યું કે તે પ્રશાંત ILM VFX માં કામ કરે છે. અપૂર્વાએ તે કંપનીને ટેગ કરીને લખ્યું, તમારી કંપનીનો કર્મચારી સ્ત્રીઓ માટે અપશબ્દો બોલે છે, શું આ યોગ્ય છે? જોકે, અત્યાર સુધી તેને આ કંપની તરફથી કોઈ જવાબ મળ્યો નથી. કાર્યવાહી કરતા પહેલા અપૂર્વાએ ચેતવણી આપી હતી અપૂર્વા માખિજાએ ઓફિશિયલ ઇન્સ્ટાગ્રામ એકાઉન્ટના સ્ટોરી સેક્શનમાંથી તે વ્યક્તિ દ્વારા મોકલવામાં આવેલા મેસેજનો સ્ક્રીનશોટ શેર કર્યો છે. અપૂર્વાએ છેલ્લી વાતચીત કરતા કહ્યું, “હું તારી સાથે કામ કરનારાઓને શોધી કાઢીશ અને તેમને વ્યક્તિગત રીતે મેસેજ કરીશ.” આગળ તેણે લખ્યું – “તેં કહ્યું કે તું મને 12 હજારમાં ખરીદી લઈશ. હું જોવા માંગીશ કે તું આ કેવી રીતે કરે છે.” જવાબમાં તે વ્યક્તિએ કહ્યું – “શું તારી પાસે એટલો સમય છે?” અપૂર્વાએ કહ્યું – “હા.” ઇન્ડિયાઝ ગોટ લેટેન્ટથી વિવાદોમાં રહી છે અપૂર્વા ગયા વર્ષે ફેબ્રુઆરીમાં અપૂર્વા માખિજા વિરુદ્ધ દેશભરના ઘણા શહેરોમાં ફરિયાદ નોંધાઈ હતી. અપૂર્વા માખિજા 8 ફેબ્રુઆરીએ આવેલા સમય રૈનાના શો ઇન્ડિયાઝ ગોટ ટેલેન્ટમાં જજ બની હતી. તેણે મજાક ઉડાવી રહેલા એક સ્પર્ધકને ઠપકો આપતા કેટલાક અપશબ્દો કહ્યા હતા. આ જ એપિસોડમાં રણવીર અલ્લાહબાદિયાએ માતા-પિતા પર આપત્તિજનક ટિપ્પણી કરી, જેના કારણે શો સાથે સંકળાયેલા લોકો વિરુદ્ધ ફરિયાદ નોંધાઈ. બળાત્કાર અને જાનથી મારી નાખવાની ધમકીઓ મળ્યા પછી અપૂર્વા માખિજાએ મુંબઈ છોડી દીધું હતું. જોકે, મામલાઓ પૂરા થયા પછી હવે તે મુંબઈમાં ફરીથી કામ કરવાનું શરૂ કરી ચૂકી છે. અપૂર્વા માખિજા વિશે-