વર્ષ 2025માં દેશમાં 50 હજારથી વધુ નવા સ્ટાર્ટઅપ શરૂ થયા છે. એટલે કે, સરેરાશ દરરોજ 136 નવા સ્ટાર્ટઅપ ખુલ્યા છે. આ પછી હવે દેશમાં રજિસ્ટર્ડ સ્ટાર્ટઅપની સંખ્યા 2.09 લાખ થઈ ગઈ છે. છેલ્લા સ્ટાર્ટઅપ દિવસ (જાન્યુઆરી, 2025) ના અવસરે દેશમાં સ્ટાર્ટઅપની સંખ્યા 1.59 લાખ હતી. છેલ્લા એક દાયકામાં આ સૌથી ઝડપી વાર્ષિક વૃદ્ધિ છે.

ઉદ્યોગ અને આંતરિક વ્યાપાર સંવર્ધન વિભાગ (DPIIT) ના રિપોર્ટ અનુસાર, 52.6 ટકા સ્ટાર્ટઅપ મેટ્રો શહેર નહીં, પરંતુ ટિયર-2 અને ટિયર-3 શહેરોમાંથી છે. 50 ટકા સ્ટાર્ટઅપમાં ઓછામાં ઓછી એક મહિલા ડિરેક્ટર્સ છે, જે બેબી પ્રોડક્ટ્સથી લઈને ભારે ઉદ્યોગ મશીનો બનાવતી સંસ્થાઓ સાથે સંકળાયેલી છે.

છેલ્લા એક દાયકામાં સ્ટાર્ટઅપ્સે દેશભરમાં લગભગ 21 લાખ નોકરીઓનું સર્જન કર્યું. એટલે કે, એક સ્ટાર્ટઅપે સરેરાશ 10 લોકોને સીધો રોજગાર આપ્યો. ગયા વર્ષે ફક્ત 7 સ્ટાર્ટઅપ યુનિકોર્ન (એક અબજ ડોલર કે તેથી વધુ મૂલ્ય ધરાવતી કંપની) બન્યા. PM મોદીએ પણ X પર પોસ્ટ દ્વારા લોકોને સ્ટાર્ટઅપ ડેની શુભેચ્છાઓ પાઠવી.

10 વર્ષ દરમિયાન 6,385 સ્ટાર્ટઅપ બંધ

ઓનલાઈન ગેમિંગ કાયદો લાગુ થવાથી 4 યુનિકોર્ન (ડ્રીમ11, એમપીએલ, ગેમ્સક્રાફ્ટ, ગેમ્સ24ઇનટુ7)નો દરજ્જો છીનવાઈ ગયો. DPIITના સંયુક્ત સચિવ સંજીવના જણાવ્યા અનુસાર, દેશમાં છેલ્લા 10 વર્ષ દરમિયાન 6,385 સ્ટાર્ટઅપ બંધ થયા છે. આ કુલ સ્ટાર્ટઅપના માત્ર 3 ટકા છે. આ દર દુનિયાભરમાં સૌથી ઓછો છે.

સ્ટાર્ટઅપ ઇન્ડિયાથી એન્ટરપ્રેન્યોરિયલ ભારત તરફ આગળ વધી રહ્યું છે