દેશમાં LPGની ઉપલબ્ધતાની વધતી ચિંતા વચ્ચે ઓનલાઈન શોપિંગ પ્લેટફોર્મ પર ઇન્ડક્શનની માંગ અચાનક વધી ગઈ છે. ઘણી ઈ-કોમર્સ સાઇટ્સ પર આ પ્રોડક્ટ આઉટ ઓફ સ્ટોક થઈ ગઈ છે.

એમેઝોન, ફ્લિપકાર્ટ અને બ્લિંકિટ જેવા પ્લેટફોર્મ પર ઇન્ડક્શનના સ્ટોકમાં નોંધપાત્ર ઘટાડો જોવા મળી રહ્યો છે. બ્લિંકિટ પર તો લગભગ બધા જ મોડલ આઉટ ઓફ સ્ટોક દેખાઈ રહ્યા છે, જ્યારે એમેઝોન અને ફ્લિપકાર્ટ પર પણ અમુક જ બ્રાન્ડ મળી રહી છે.

મિડલ ઈસ્ટમાં વધતા તણાવ અને ગેસ સપ્લાય પર અસરને કારણે ઘણા શહેરોમાં લોકો LPG સિલિન્ડર ન મળવાથી પરેશાન છે. આ જ કારણોસર બેકઅપ તરીકે ઇન્ડક્શન કુકટોપ ખરીદી રહ્યા છે.

એમેઝોન પર ઇન્ડક્શન આઉટ ઓફ સ્ટોક

ફ્લિપકાર્ટ પર ઇન્ડક્શનના અમુક જ મોડેલ મળી રહ્યા છે, ઘણા આઉટ ઓફ સ્ટોક

બ્લિંકિટ પર ઇન્ડક્શનનું એક જ મોડેલ બતાવી રહ્યું છે, તે પણ આઉટ ઓફ સ્ટોક

બ્લિંકિટ પર પણ બધા મોડેલ આઉટ ઓફ સ્ટોક.

ઇન્ડક્શનની માગ વધવાને કારણે કિંમત વધી

ભારતમાં સામાન્ય રીતે ઇન્ડક્શનની કિંમત ₹1300થી ₹2000થી શરૂ થાય છે. જ્યારે, મિડ રેન્જમાં તે ₹2,000 – ₹3,500માં મળે છે. પ્રીમિયમ મોડેલ ₹3,500 – ₹4,500+નું હોય છે.

ઇન્ડક્શન કુકટોપની માંગ વધ્યા પછી ઘણા બ્રાન્ડના મોડેલની કિંમતોમાં લગભગ 10-20% સુધીનો વધારો જોવા મળી રહ્યો છે. તે જ દિલ્હી, મુંબઈ, બેંગલુરુ, ચેન્નઈ અને કોલકાતા જેવા શહેરોમાં ઇન્ડક્શનનું વેચાણ ઝડપથી વધ્યું છે.

ઈ-કોમર્સ પ્લેટફોર્મ પર રેકોર્ડ વેચાણ

ઈ-કોમર્સ કંપનીઓ અનુસાર, છેલ્લા કેટલાક દિવસોમાં ઇન્ડક્શનના વેચાણમાં ઝડપી ઉછાળો આવ્યો છે. એમેઝોન પર વેચાણ લગભગ 30 ગણું અને ફ્લિપકાર્ટ પર વેચાણ લગભગ ચાર ગણું થઈ ગયું છે. આ ઉપરાંત, ઇલેક્ટ્રિક કેટલ, રાઇસ કૂકર અને અન્ય ઇલેક્ટ્રિક કુકિંગ ઉપકરણોનું વેચાણ પણ ઝડપથી વધી રહ્યું છે.

ઇલેક્ટ્રોનિક્સ રિટેલર ક્રોમા અનુસાર, છેલ્લા કેટલાક દિવસોમાં ઇન્ડક્શન કુકટોપની માંગ લગભગ 3 ગણી વધી ગઈ છે. જ્યારે, કિચન એપ્લાયન્સ બનાવતી કંપની સ્ટોવક્રાફ્ટે જણાવ્યું કે ઈ-કોમર્સ પ્લેટફોર્મ પર તેમનું સાપ્તાહિક વેચાણ લગભગ ચાર ગણું વધી ગયું છે.

સરકારે કહ્યું- ગભરાવાની જરૂર નથી

જોકે, સરકારે લોકોને કહ્યું છે કે ગભરાવાની જરૂર નથી. દેશનો ઉર્જા પુરવઠો સુરક્ષિત છે અને LPG ઉત્પાદન પણ વધારવામાં આવ્યું છે. અધિકારીઓ અનુસાર, ઘરેલું LPGનો પુરવઠો સામાન્ય છે અને સિલિન્ડર બુકિંગ પછી લગભગ અઢી દિવસમાં ડિલિવરી થઈ રહી છે.

————————— આ સમાચાર પણ વાંચો…

ભારત પાસે કેટલા દિવસનો LPG સ્ટોક બાકી છે:જો યુદ્ધ લાંબુ ખેંચાય તો સરકાર ક્યાંથી લાવશે રસોઈ ગેસ; તમારે શું કરવું જોઈએ

ભોપાલના રહેવાસી આદિત્યએ 6 માર્ચે IVRS કોલ દ્વારા એક LPG સિલિન્ડર બુક કર્યું. સામાન્ય રીતે 1 દિવસ પછી સિલિન્ડરની હોમ ડિલિવરી થઈ જતી હતી. જ્યારે 3 દિવસ પછી પણ સિલિન્ડર ઘરે ન પહોંચ્યું, ત્યારે તેમણે ફરીથી IVRS ડાયલ કર્યું. નંબર ઇનવેલિડ બતાવવા લાગ્યો. સંપૂર્ણ સમાચાર વાંચો

દિવ્ય ભાસ્કરને Google પર મનપસંદ સોર્સ બનાવો