IPL ટીમ દિલ્હી કેપિટલ્સે આયર્લેન્ડના પૂર્વ ઓલરાઉન્ડર જોન મૂનીને ટીમના નવા ફિલ્ડિંગ કોચ બનાવ્યા છે. રિપોર્ટ અનુસાર, મૂની ટૂંક સમયમાં ભારત આવીને ટીમ સાથે જોડાશે અને આગામી સિઝનની તૈયારીઓમાં ભાગ લેશે. મૂનીએ એન્ટોન રૂક્સ અને જ્ઞાનેશ્વર રાવનું સ્થાન લીધું છે. વેસ્ટ ઇન્ડીઝ-અફઘાનિસ્તાન સાથે કામ કરી ચૂક્યા છે
44 વર્ષીય મૂની વન-ડે અને T20 ફોર્મેટમાં આયર્લેન્ડ માટે 90થી વધુ મેચ રમ્યા હતા. તેમણે પોતાની છેલ્લી મેચ વર્ષ 2015માં રમી હતી. ત્યારબાદ, તેમણે વર્ષ 2018 થી 2019 સુધી અફઘાનિસ્તાન ટીમ માટે ફિલ્ડિંગ કોચ તરીકેની જવાબદારી નિભાવી હતી, તે પછી વર્ષ 2019માં મૂનીએ થોડા સમય માટે વેસ્ટ ઇન્ડીઝ ટીમ માટે પણ કામ કર્યું હતું. IPLમાં મૂનીને પહેલીવાર કોઈ ટીમ સાથે કામ કરવાની તક મળી રહી છે. દિલ્હી તેની પ્રથમ મેચ 1 એપ્રિલે રમશે
દિલ્હી કેપિટલ્સ પ્રથમ તબક્કાના શેડ્યૂલમાં તેની પ્રથમ મેચ 1 એપ્રિલે લખનૌ સુપર જાયન્ટ્સ સામે લખનઉમાં રમશે. IPLના બીજા તબક્કાનું શેડ્યૂલ 5 રાજ્યોમાં યોજાનારી ચૂંટણીની તારીખોને ધ્યાનમાં રાખીને જાહેર કરવામાં આવશે. 2008માં IPL શરૂ થયા પછી જ્યારે પણ દેશમાં સામાન્ય ચૂંટણીઓ (2009, 2014, 2019 અને 2024) અથવા કોઈ રાજ્યમાં વિધાનસભા ચૂંટણીઓ યોજાઈ છે, ત્યારે ટુર્નામેન્ટનું શેડ્યૂલ બે ભાગમાં જાહેર કરવામાં આવ્યું છે. DC પ્રથમ સીઝન 2008થી IPLમાં ભાગ લઈ રહી છે. ટીમને પ્રથમ ખિતાબની શોધ છે.