‘ધુરંધર 2’ વિશ્વભરમાં ત્રીજી સૌથી વધુ કમાણી કરનારી ભારતીય ફિલ્મ બની ગઈ. ફિલ્મે વિશ્વભરમાં 1,748.91 કરોડ રૂપિયાની કમાણી કરી. આ ફિલ્મે 1,742.10 કરોડ રૂપિયા કમાવનાર અલ્લુ અર્જુનની ફિલ્મ ‘પુષ્પા 2’ને પાછળ છોડી દીધી. હવે તે માત્ર દંગલ (₹2070 કરોડ) અને બાહુબલી 2 (₹1,788.06 કરોડ)થી પાછળ છે. ટ્રેડ વેબસાઇટ સેકનિલ્ક અનુસાર, ફિલ્મે રિલીઝના 31મા દિવસે ભારતમાં 4.65 કરોડ રૂપિયાનું નેટ કલેક્શન કર્યું. ફિલ્મનું કુલ ભારત નેટ કલેક્શન હવે 1,110.47 કરોડ રૂપિયા સુધી પહોંચી ગયું, જ્યારે ભારતમાં તેનું ગ્રોસ કલેક્શન 1,329.31 કરોડ રૂપિયા થઈ ગયું. ગ્રોસ કલેક્શન એ ટિકિટમાંથી કુલ કમાણી છે અને નેટ કલેક્શન ટેક્સ પછીની કમાણી હોય છે. વિદેશમાં ફિલ્મે 31મા દિવસે 1.10 કરોડ રૂપિયાની કમાણી કરી. આ સાથે ફિલ્મનું કુલ વિદેશી ગ્રોસ કલેક્શન 419.60 કરોડ રૂપિયા સુધી પહોંચી ગયું. જ્યારે, ફિલ્મનું વર્લ્ડવાઇડ ગ્રોસ કલેક્શન હવે 1,748.91 કરોડ રૂપિયા થઈ ગયું છે. ફિલ્મની કમાણીમાં પાંચમા અઠવાડિયામાં ઘટાડો જોવા મળ્યો છે, પરંતુ વીકએન્ડ પર તેમાં હળવો વધારો થયો. 30મા દિવસે જ્યાં ફિલ્મે 2.70 કરોડ રૂપિયાનું નેટ કલેક્શન કર્યું હતું, ત્યાં 31મા દિવસે તે વધીને 4.65 કરોડ રૂપિયા થઈ ગયું. ફિલ્મના હિન્દી વર્ઝને 31મા દિવસે 4.50 કરોડ રૂપિયાનું સૌથી વધુ કલેક્શન કર્યું, જ્યારે તમિલમાં 6 લાખ રૂપિયા, તેલુગુમાં 7 લાખ રૂપિયા અને કન્નડમાં 2 લાખ રૂપિયાનું નેટ કલેક્શન થયું. ધુરંધરને શાનદાર રિસ્પોન્સ મળ્યો હતો ધુરંધરના પહેલા પાર્ટે ભારત અને આંતરરાષ્ટ્રીય બોક્સ ઓફિસ પર શાનદાર પ્રદર્શન કર્યું અને વિશ્વભરમાં લગભગ 1,307 કરોડ રૂપિયા કમાવ્યા. ભારતમાં ફિલ્મનું ગ્રોસ કલેક્શન 1,005.85 કરોડ રૂપિયા રહ્યું, જ્યારે નેટ કલેક્શન લગભગ 840 કરોડ રૂપિયા થયું. વિદેશી બજારોમાં પણ ફિલ્મને જબરદસ્ત રિસ્પોન્સ મળ્યો. ઓવરસીઝમાં તેણે લગભગ 299.5 કરોડ રૂપિયા કમાવ્યા. અમેરિકા અને કેનેડામાં 193.06 કરોડ રૂપિયાથી વધુની કમાણી કરીને બાહુબલી 2નો રેકોર્ડ પણ તોડ્યો.