IPL 2026માં સંપૂર્ણપણે ભારતીય બેટર્સનું પ્રભુત્વ જોવા મળી રહ્યું છે. સીઝનની શરૂઆતની 38 મેચોમાં કુલ 13 હજાર 100 રન બન્યા છે. તેમાંથી ભારતીય બેટર્સએ 9066 રન બનાવ્યા છે, જે કુલ રનનો 69.21% છે. આ કોઈ એક સીઝનની શરૂઆતની 38 મેચ પછી ભારતીય બેટર્સના યોગદાનનો સૌથી મોટો આંકડો છે. ગયા વર્ષે આ તબક્કા સુધી 12,858 રન બન્યા હતા, જેમાં ભારતીય બેટર્સએ 66.25% યોગદાન આપ્યું હતું. IPLના શરૂઆતના વર્ષોમાં આ આંકડો 50%ની આસપાસ રહેતો હતો અને 2009માં તો તે 47.51% સુધી ઘટી ગયો હતો. પરંતુ આ વર્ષે ભારતીય બેટર્સએ રનનો જે ઢગલો કર્યો છે, તેણે વિદેશી બેટર્સની ચમક ઝાંખી કરી દીધી છે. વિદેશી બેટર્સએ આ સીઝનમાં 30.79% રન (4034) બનાવ્યા છે, જે ભારતીય બેટર્સના અડધા પણ નથી. વિસ્ફોટક બેટિંગ: ટૉપ-11 સ્ટ્રાઈક રેટમાં તમામ ભારતીય બેટર્સ વિદેશી દિગ્ગજોનો ફ્લોપ શો… અનકેપ્ડની શ્રેષ્ઠ સીઝન : સર્વાધિક યોગદાન-સર્વાધિક એવોર્ડ્સ
ભારતીય અનકેપ્ડ ખેલાડીઓએ 2757 રન બનાવ્યા છે, જે કોઈપણ સીઝનની પ્રથમ 38 મેચના હિસાબે સૌથી વધુ છે. તેમનો સ્ટ્રાઈક રેટ 160.48 પણ કોઈપણ સીઝનમાં સર્વશ્રેષ્ઠ રહ્યો છે. સ્ટ્રાઈક રેટના મામલે ટૉપ-11માંથી ચાર અનકેપ્ડ ભારતીય છે. પ્રિયાંશે 249.01ના સ્ટ્રાઈક રેટથી બોલરોની ધજ્જિયાં ઉડાવી છે, જ્યારે વૈભવ 234.86ના સ્ટ્રાઈક રેટ સાથે બીજા નંબર પર છે. પ્રભસિમરન અને આયુષ મ્હાત્રેએ દિગ્ગજોને પાછળ છોડી દીધા છે. આ સીઝનમાં અનકેપ્ડ ભારતીયોએ 6 વખત ‘પ્લેયર ઑફ ધ મેચ’નો એવોર્ડ જીત્યો છે, જે એક નવો રેકોર્ડ છે.