ગૌતમ અદાણીએ X પર ફોટો શેર કરતા લખ્યું- ‘આજનો દિવસ મારા માટે ખાસ છે, એક તરફ વિશ્વ શ્રમિક દિવસ છે અને બીજી તરફ મારા લગ્નની 40મી વર્ષગાંઠ.

આ પવિત્ર અવસરની શરૂઆત મેં મારી જીવનસંગિની પ્રીતિ સાથે કેદારનાથ ધામમાં ભગવાન મહાદેવના દર્શન અને આશીર્વાદથી કરી. ચાર દાયકાની આ યાત્રામાં, પ્રીતિનો સાથ મારા માટે ફક્ત જીવનનો આધાર જ નહીં, પરંતુ દરેક પડકારમાં એક શાંત શક્તિ અને દરેક સફળતામાં એક નમ્ર આધાર રહ્યો છે, આ માટે હું હૃદયથી તેમનો આભારી છું.

અમે મહાદેવને પ્રાર્થના કરી કે તેઓ આપણા દેશને નિરંતર પ્રગતિ, સમૃદ્ધિ અને શક્તિ પ્રદાન કરે, અને આપણે સૌને રાષ્ટ્ર નિર્માણમાં આપણું શ્રેષ્ઠ યોગદાન આપવાની પ્રેરણા આપે.

આજે, વિશ્વ શ્રમિક દિવસના અવસરે, હું અદાણી પરિવારના મારા 4 લાખથી વધુ સાથીઓ સાથે જોડાવા માટે એક નવી પહેલ, ‘આપણી વાત, આપણાંની સાથે’ની શરૂઆત કરી રહ્યો છું. આ મારા માટે માત્ર એક ઔપચારિક સંવાદ નથી, પરંતુ અદાણી પરિવારમાં સૌની સાથે દિલથી જોડાવાનો એક પ્રયાસ છે.

આ પહેલના માધ્યમથી, હું સમયાંતરે મારા વિચારો, મારા અનુભવો અને મારી શીખ શેર કરીશ અને તેટલી જ નમ્રતાથી શીખવાનો પ્રયાસ પણ કરીશ. મારો દ્રઢ વિશ્વાસ છે કે જ્યારે અદાણી પરિવારના લાખો સભ્યો એકબીજાના સહયોગી બનીને રાષ્ટ્ર નિર્માણના સંકલ્પ સાથે જોડાશે, ત્યારે આપણે માત્ર પરિયોજનાઓ જ નહીં બનાવીએ, પરંતુ વિકસિત ભારતના સ્વપ્નને સાકાર કરવાની દિશામાં આપણું નમ્ર યોગદાન પણ આપી શકીશું.

આપ સૌનો વિશ્વાસ અને સાથ જ મારી સૌથી મોટી શક્તિ છે.

જય શ્રમશક્તિ, જય રાષ્ટ્રશક્તિ.’

દિવ્ય ભાસ્કરને Google પર મનપસંદ સોર્સ બનાવો