Apple પ્રેમીઓ માટે આ અઠવાડિયું ખૂબ જ ઉત્સાહજનક રહેવાનું છે. લાંબા સમયની રાહ જોયા બાદ, કંપની આ અઠવાડિયે iOS 26.5 નું સ્ટેબલ વર્ઝન રિલીઝ કરવા જઈ રહી છે. હાલમાં આ અપડેટ ડેવલપર્સ અને બીટા ટેસ્ટિંગ તબક્કામાં છે, પરંતુ રિપોર્ટ્સ અનુસાર, સામાન્ય વપરાશકર્તાઓ માટે તે ગમે ત્યારે ઉપલબ્ધ થઈ શકે છે. જો કે, AI અને Siri ના મોટા ફેરફારો માટે વપરાશકર્તાઓએ iOS 27 સુધી રાહ જોવી પડશે, જે જૂન મહિનામાં WWDC ઇવેન્ટમાં રજૂ કરવામાં આવશે.

iOS 26.5 ના ત્રણ મુખ્ય આકર્ષણો

1. Apple Maps માં ‘સૂચવેલા સ્થળો’ અને જાહેરાતો

આ અપડેટમાં સૌથી મોટો ફેરફાર Apple Maps માં જોવા મળશે. હવે એપલ મેપ્સ વપરાશકર્તાના લોકેશન અને જૂના સર્ચ હિસ્ટ્રીના આધારે નવા સ્થળો સૂચવશે. જો કે, આ સુવિધા સાથે એપલ હવે મેપ્સમાં જાહેરાતો (Ads) ની શરૂઆત પણ કરી રહ્યું છે. યુએસ અને કેનેડામાં કંપનીઓ સર્ચ રિઝલ્ટ અને ‘સજેસ્ટેડ પ્લેસિસ’ વિભાગમાં પોતાની જાહેરાતો ટોચ પર બતાવી શકશે. આ પગલાથી એપલની રેવન્યુ મોડલમાં મોટો ફેરફાર આવશે.

2. RCS મેસેજિંગ અને એન્ડ-ટુ-એન્ડ એન્ક્રિપ્શન

iPhone અને Android વપરાશકર્તાઓ વચ્ચેના સંવાદને વધુ સુરક્ષિત બનાવવા માટે Apple હવે RCS (Rich Communication Services) મેસેજિંગમાં એન્ડ-ટુ-એન્ડ એન્ક્રિપ્શન (E2EE) પ્રદાન કરશે. આ ફીચરની મદદથી હવે આઇફોન અને એન્ડ્રોઇડ વચ્ચે મોકલેલા સંદેશાઓ ત્રીજી કોઈ વ્યક્તિ વાંચી શકશે નહીં. આ સુવિધા તબક્કાવાર રીતે અમલમાં આવશે અને શરૂઆતમાં પસંદગીના ટેલિકોમ કેરિયર્સ સુધી મર્યાદિત હોઈ શકે છે.

3. પ્રાઇડ એડિશન વોલપેપર્સ

દરેક નવા અપડેટની જેમ, આ વખતે પણ Apple કેટલાક સુંદર વોલપેપર્સ રજૂ કરી રહ્યું છે. iOS 26.5 માં ખાસ ‘પ્રાઇડ એડિશન’ વોલપેપર રિલીઝ કરવામાં આવશે. આ વોલપેપર્સમાં લિક્વિડ ગ્લાસ અને કલર રિફ્રેક્શનની અદભૂત ઈફેક્ટ જોવા મળશે. રસપ્રદ વાત એ છે કે વપરાશકર્તાઓ 75 જેટલા વિવિધ રંગોમાંથી 12 રંગો પસંદ કરીને પોતાની પર્સનલ થીમ પણ બનાવી શકશે.

આ પણ વાંચોઃ Smartwatch: હવે સ્માર્ટવોચ જીવ બચાવશે! બેહોશ થવાના 5 મિનિટ પહેલા આ વોચ આપશે ચેતવણી