મીનાક્ષી સામે મેચ હાર્યા બાદ મેટ છોડતા પહેલા વિનેશે કહ્યું- હું આ મેટ પર પાછી આવીશ. જોકે, બાદમાં તે દુઃખી પણ દેખાઈ.

વિનેશ ફોગાટને પછાડતી નીશુ. જોકે, વિનેશે કમબેક કરતા મુકાબલો 7-6થી જીતી લીધો.

જ્યોતિ સિહાગ સામેની પ્રથમ મેચની શરૂઆતથી જ વિનેશ આક્રમક દેખાઈ.

53 કિલો વજન વર્ગમાં વિનેશ ફોગાટને વિજેતા જાહેર કરતા રેફરી.

વિનેશ બોલી- હું નિષ્ફળ નથી થઈ

હાર બાદ વિનેશ ભાવુક દેખાઈ. તેણે કહ્યું- હું હારને મારી નિષ્ફળતા નથી માનતી. હું નિષ્ફળ નથી થઈ. હું ફરીથી કમબેક કરીશ. મારો સંઘર્ષ હજી પૂરો થયો નથી અને ભવિષ્યમાં ફરીથી પોતાને સાબિત કરવા માટે મેટ પર પાછી ફરીશ.

વિનેશ ફોગાટને પહેલા માત્ર 50 કિલોગ્રામ વર્ગમાં રમવા માટે કહેવામાં આવ્યું હતું, જેના પર તેણે વિરોધ કર્યો. વિવાદ બાદ WFI અધ્યક્ષ સંજય સિંહના હસ્તક્ષેપથી તેને 53 કિલોગ્રામ વર્ગના ટ્રાયલમાં પણ ઉતરવાની મંજૂરી મળી. ટ્રાયલ પહેલા વિનેશ ફોગાટે કહ્યું કે વજન-માપ માટે તેને લગભગ એક કલાક રાહ જોવડાવવામાં આવી. તેણે કહ્યું કે અહીં કોઈના પર હવે ભરોસો નથી.

વિનેશની મેચ 2 વાર અટકી

મીનાક્ષી પહેલા વિનેશનો મુકાબલો નીશુ સાથે થયો. શરૂઆતમાં નીશુએ વિનેશને પછાડીને પાંચ પોઈન્ટ મેળવ્યા. ત્યારબાદ વિનેશે ચાર પોઈન્ટ મેળવ્યા. આ દરમિયાન રેફરી સાથે વિનેશ અને તેના પતિ સોમબીર રાઠીની બોલાચાલી થઈ ગઈ. આપત્તિ બાદ મેચ થોડીવાર માટે રોકવામાં આવી. WFIના અધ્યક્ષ સંજય સિંહ પણ મેટ પર પહોંચી ગયા. રેફરીએ વિનેશને 7-6થી વિજેતા જાહેર કરી. નીશુએ વિનેશ સાથે હાથ પણ ન મિલાવ્યો.

વિનેશ ફોગાટ મેચ પહેલાં વોર્મઅપ કરતી.

વિનેશના ટ્રાયલનો મામલો સુપ્રીમ કોર્ટ સુધી પહોંચ્યો

વિનેશ ફોગાટને એશિયન ગેમ્સ 2026ના ટ્રાયલમાં સામેલ કરવાને લઈને વિવાદ થયો હતો. રેસલિંગથી દૂર રહેવાને કારણે WFIએ પોતાની પસંદગી નીતિનો હવાલો આપતા વિનેશને ટ્રાયલમાં રમવાની મંજૂરી આપી ન હતી, ત્યારબાદ વિનેશે દિલ્હી હાઈકોર્ટનો દરવાજો ખખડાવ્યો હતો.

હાઈકોર્ટે કહ્યું કે માતા બનવાના કારણે કોઈ ખેલાડીને તક આપવાનો ઇનકાર કરી શકાય નહીં અને તેમને ટ્રાયલમાં ભાગ લેવાની મંજૂરી આપી. WFI આ નિર્ણય વિરુદ્ધ સુપ્રીમ કોર્ટ પહોંચી. 29 મેના રોજ સુપ્રીમ કોર્ટે પણ હાઈકોર્ટના આદેશ પર રોક લગાવવાનો ઇનકાર કર્યો. આ પછી, વિનેશને એશિયન ગેમ્સના પસંદગી ટ્રાયલમાં ભાગ લેવાની મંજૂરી મળી ગઈ.

પૂર્વ WFI અધ્યક્ષ બ્રિજભૂષણ પર યૌન ઉત્પીડનના આરોપ લગાવ્યા હતા

18 જાન્યુઆરી 2023ના રોજ રેસલર વિનેશ ફોગાટ, સાક્ષી મલિક અને બજરંગ પૂનિયાએ દિલ્હીના જંતર-મંતર પર ધરણાં કરીને બ્રિજભૂષણ પર મહિલા રેસલર્સ સાથે યૌન ઉત્પીડનના આરોપો લગાવ્યા હતા.

આરોપો પર કુસ્તી સંઘના પૂર્વ અધ્યક્ષ બ્રિજભૂષણે કહ્યું હતું કે- કોઈપણ પ્રકારનું ઉત્પીડન થયું નથી. જો થયું હોય તો હું ફાંસી પર લટકી જઈશ. તેમણે કહ્યું હતું કે હવે આ ખેલાડીઓ નેશનલ લેવલ પર પણ રમવા યોગ્ય રહ્યા નથી.

વિનેશે ઑગસ્ટ 2024માં પેરિસ ઓલિમ્પિકમાં ડિસ્કવોલિફાય થયા પછી કુસ્તીમાંથી સંન્યાસની જાહેરાત કરી હતી. જોકે, તેમણે 16 મહિના પછી ડિસેમ્બર 2025માં સંન્યાસ પાછા ખેંચવાની જાહેરાત કરી.

દિવ્ય ભાસ્કરને Google પર મનપસંદ સોર્સ બનાવો