એક્ટર સલમાન ખાન પરિવાર સાથે મંગળવારે તેના ફેમિલી ફ્રેન્ડ કુમુદ રાણેના અંતિમ સંસ્કારમાં પહોંચ્યો. આ દરમિયાન સલમાનના ભાઈ સોહેલ, અરબાઝ અને તેમની માતા સલમા ખાન પણ હાજર હતાં. અંતિમ સંસ્કાર દરમિયાન સલમાન ખૂબ જ ભાવુક દેખાયો. કોણ હતા કુમુદ રાણે? હજુ સુધી એ માહિતી સામે આવી નથી કે કુમુદ રાણેનું નિધન કયા કારણે થયું. કુમુદ દુબઈમાં વર્ષ 2005માં સ્થાપિત લક્ઝરી બ્યુટી લાઉન્જ અને સલૂન ‘રેઈન બ્યુટી બાર’ના માલિક હતા. તેઓ સલમાન ખાન, સીમા સજદેહ, મહીપ કપૂર અને સંજય કપૂર જેવા અનેક ફિલ્મી સેલેબ્સના નજીકના મિત્ર હતા. તેમના નિધન પર સંજય કપૂરે પોસ્ટ કરતા લખ્યું, તમે હંમેશા અમારા દિલમાં રહેશો. કુમુદના નિધન પર મેકઅપ આર્ટિસ્ટ શીબા ઇકબાલે લખ્યું, આજે હું મારા પ્રિય બોસ કુમુદ રાણે મેડમને ઊંડા સન્માન અને કૃતજ્ઞતા સાથે યાદ કરી રહી છું. તમે મારા માટે માત્ર એક બોસ નહોતા. તમે એક દયાળુ નેતા, માર્ગદર્શક અને એવી વ્યક્તિ હતા, જે હંમેશા પોતાની આસપાસના લોકોને પ્રોત્સાહિત અને સહયોગ કરતા હતા.તમારી સાથે કામ કરતી વખતે મેં માત્ર મારા વ્યવસાય વિશે જ નહીં, પરંતુ સમર્પણ, વ્યાવસાયિક વલણ અને અન્ય પ્રત્યે દયાનું મહત્વ પણ શીખ્યું. તમારા માર્ગદર્શને મારી કારકિર્દીને આકાર આપ્યો અને તમારા ભરોસાએ મને મારા કામમાં આત્મવિશ્વાસ આપ્યો.
તેમણે આગળ લખ્યું, તમારી દયા અને સહયોગની યાદો હંમેશા મારી સાથે રહેશે. ભલે આજે તમે અમારી વચ્ચે નથી, પરંતુ અમારા જીવન પર તમારી અસર હંમેશા રહેશે.ઈશ્વર તમારી આત્માને શાંતિ આપે અને તમને સ્વર્ગમાં સર્વોચ્ચ સ્થાન પ્રદાન કરે. તમે હંમેશા અમારી યાદોમાં જીવંત રહેશો અને તમારી ખોટ હંમેશા અનુભવાશે. ગયા મહિને પણ સલમાનના મિત્રનું નિધન થયું હતું ગયા મહિને સલમાન ખાને પોતાના 42 વર્ષ જૂના નજીકના મિત્ર સુશીલ કુમારના નિધન પર સોશિયલ મીડિયા પોસ્ટ દ્વારા દુઃખ વ્યક્ત કર્યું હતું. સલમાને જણાવ્યું હતું કે સુશીલ તેના માટે માત્ર મિત્ર જ નહીં, પરંતુ એક ભાઈ જેવા હતા. સુશીલ માટે સલમાને એક લાંબી અને ભાવનાત્મક નોંધ લખી હતી. સલમાને પોતાના અને પિતા સલીમ ખાન સાથે સુશીલની જૂની તસવીરો શેર કરી છે. એક્ટરે લખ્યું કે સુશીલ છેલ્લા 42 વર્ષથી તેમની સાથે ભાઈની જેમ હતા. તેઓ ખૂબ જ દયાળુ અને મદદગાર વ્યક્તિ હતા. સલમાનના મતે, ભલે આર્થિક તંગી હોય, ભાવનાત્મક પરેશાની હોય કે શારીરિક બીમારી, સુશીલના ચહેરા પરથી સ્મિત ક્યારેય ઓછું થતું નહોતું. તેઓ મુશ્કેલથી મુશ્કેલ પરિસ્થિતિઓમાં પણ ડાન્સ કરતા હતા અને હસતા રહેતા હતા. ‘કી ફરક નઈ પૈંદા’ કહેતા હતા સુશીલ
સલમાને સુશીલની સકારાત્મક વિચારસરણીને યાદ કરતા જણાવ્યું હતું કે તેઓ હંમેશા એક જ વાત કહેતા હતા- “કી ફરક નઈ પૈંદા, બધું ઠીક થઈ જશે” (કોઈ ફરક પડતો નથી, બધું ઠીક થઈ જશે). સલમાને તેમને એક એવા યોદ્ધા ગણાવ્યા જેમણે મૃત્યુનો સામનો કોઈ ‘હેવીવેઇટ ચેમ્પિયન’ની જેમ કર્યો. એક્ટરે લખ્યું હતું, “તારા માટે મારી આંખોમાં આંસુ નથી ભાઈ, પરંતુ ફક્ત તારી યાદો અને હાસ્ય છે. મારો ભાઈ ચહેરા પર સ્મિત લઈને દુનિયામાંથી ગયો.” ‘માતૃભૂમિ’ ફિલ્મમાં જોવા મળશે સલમાન
વર્કફ્રન્ટની વાત કરીએ તો, સલમાન ખાન હાલમાં તેની આગામી ફિલ્મ ‘માતૃભૂમિ: મે વોર રેસ્ટ ઇન પીસ’ની તૈયારી કરી રહ્યો છે. આ ફિલ્મનું નિર્માણ સલમા ખાનના બેનર સલમાન ખાન ફિલ્મ્સ હેઠળ થઈ રહ્યું છે. ફિલ્મનું નિર્દેશન અપૂર્વ લાખિયા કરી રહ્યા છે અને તેમાં ચિત્રાંગદા સિંહ લીડ રોલમાં જોવા મળશે.