ફ્લેક્સ ફ્યુઅલ વેગન-આરમાં પર્ફોર્મન્સ માટે એક નવું 1.2-લિટર ફ્લેક્સ-ફ્યુઅલ પેટ્રોલ એન્જિન આપવામાં આવ્યું છે, જે E85 ઇથેનોલ બ્લેન્ડેડ ફ્યુઅલ સાથે સુસંગત છે. E85 ફ્લેક્સ ફ્યુઅલ માટે એન્જિનમાં ઘણા યાંત્રિક ફેરફારો કરવામાં આવ્યા છે. કંપનીએ તેમાં અપગ્રેડેડ ફ્યુઅલ ઇન્જેક્ટર્સ, નવો ફ્યુઅલ પંપ, નવી ફ્યુઅલ લાઇન્સ, રી-કેલિબ્રેટેડ ECU અને એક સ્પેશિયલ ઇથેનોલ સેન્સર લગાવ્યું છે.

આ બદલાવના કારણે સ્પેશિફિકેશન્સમાં થોડો તફાવત આવ્યો છે, જે રેગ્યુલર 1.2-લિટર પેટ્રોલ એન્જિન થોડી વધુ પાવર અને ટોર્ક આપે છે. જોકે, કંપનીએ હાલમાં નંબર શેર કર્યા નથી. આ એન્જિન સાથે હાલમાં 5-સ્પીડ મેન્યુઅલ ગિયરબોક્સ આપવામાં આવશે.

માઇલેજની વાત કરીએ તો કંપનીએ હજુ સુધી ઓફિશિયલ આંકડા જાહેર કર્યા નથી. જોકે, તાજેતરમાં થયેલા ફ્યુઅલ ટેસ્ટ મુજબ, E85 ફ્યુઅલ પર ચાલવાથી માઇલેજમાં લગભગ 24% સુધીનો ઘટાડો જોવા મળી શકે છે. સ્ટાન્ડર્ડ પેટ્રોલ વેગન-આર મેન્યુઅલમાં 23.56kmpl નું માઇલેજ આપે છે.

એક્સટીરિયર: રેગ્યુલર મોડેલ જેવો જ બોક્સી લુક, ‘ફ્લેક્સ ફ્યુઅલ’ની બેજિંગ

નવી વેગન-આર ફ્લેક્સ ફ્યુઅલની ડિઝાઇન સ્ટાન્ડર્ડ મોડેલ જેવી જ છે, પરંતુ તેને અલગ ઓળખ આપવા માટે કેટલાક કોસ્મેટિક ફેરફારો કરવામાં આવ્યા છે. રેગ્યુલર મોડેલથી આ ખાસ વેરિઅન્ટને અલગ કરવા માટે કંપનીએ તેની બોડી પર ‘Flex Fuel’ ના ગ્રાફિક્સ આપ્યા છે. ટેલગેટ પર એક નાનો ‘Flex Fuel’ નો ક્રોમ બેજ પણ લગાવવામાં આવ્યો છે.

• ફ્રન્ટ પ્રોફાઇલ: આગળના ભાગમાં મોટા કદના ચોરસ હેલોજન હેડલેમ્પ્સ અને પહોળો બોનેટ આપવામાં આવ્યો છે. હેડલેમ્પ્સની વચ્ચે આડી ગ્રિલ છે, જેમાં સિંગલ ક્રોમ સ્લેટ અને હનીકોમ્બ ડિટેલિંગ આપવામાં આવી છે, જે તેને પહેલા કરતા વધુ આધુનિક લુક આપે છે. ફ્રન્ટ બમ્પર પર મોટો એર ડેમ છે અને કાળા ઘેરા વચ્ચે ફોગ લેમ્પ્સ ફીટ કરવામાં આવ્યા છે.

• સાઇડ પ્રોફાઇલ: સાઇડથી કારનો ‘બોક્સી અને ટોલ-બોય’ શેપ જોવા મળે છે. કારમાં મોટા કદની બારીઓ છે. સ્મૂધ રાઇડિંગ માટે તેમાં 14-ઇંચના એલોય વ્હીલ્સ છે. આ ઉપરાંત, કારના સી-પિલર પર બ્લેક ઇન્સર્ટનો ઉપયોગ કરવામાં આવ્યો છે જે તેને ‘ફ્લોટિંગ રૂફ’ જેવી ટ્રેન્ડી ઇફેક્ટ આપે છે.

• રીઅર પ્રોફાઇલ: કારનો પાછળનો ભાગ એકદમ ફ્લેટ અને સિમ્પલ છે. અહીં સિગ્નેચર સ્ટાઇલવાળા મોટા વર્ટિકલ ટેલલેમ્પ્સ આપવામાં આવ્યા છે. ટેલગેટ (ડિકીના દરવાજા) પર નંબર પ્લેટ લગાવવા માટે એક ખાંચો (કાસ્ટિંગ) બનેલો છે, જેના બરાબર ઉપર પ્રીમિયમ લુક આપવા માટે ક્રોમ ગાર્નિશની પટ્ટી આપવામાં આવી છે. સાથે જ રીઅર બમ્બરમાં પણ એક બ્લેક ઇન્સર્ટ મળે છે.

ઇન્ટિરિયર: ડ્યુઅલ-ટોન થીમ સાથે મોર્ડન કેબિન

એક્સટીરિયરની જેમ નવી વેગન-આર ફ્લેક્સ ફ્યુઅલનું અંદરનું લેઆઉટ પણ તેના સ્ટાન્ડર્ડ મોડેલ જેવું જ રાખવામાં આવ્યું છે. જોકે, કેબિનને વધુ પ્રેક્ટિકલ અને આરામદાયક બનાવવા માટે તેમાં ઘણી ખાસ સુવિધાઓ આપવામાં આવી છે.

• ડેશબોર્ડ અને થીમ: કારમાં થોડું ઊંચું ડેશબોર્ડ છે, જે ડ્રાઇવરને સારી ફ્રન્ટ વિઝિબિલિટી આપે છે. કેબિનને પ્રીમિયમ લુક આપવા માટે તેમાં બ્લેક અને બેજ કલરની ડ્યુઅલ ટોન થીમ આપવામાં આવી છે. ડેશબોર્ડની વચ્ચે ટચસ્ક્રીન ઇન્ફોટેનમેન્ટ સિસ્ટમ છે. તેની બંને બાજુ વર્ટિકલ (ઊભા આકારના) AC વેન્ટ્સ છે.
• કંટ્રોલ્સ અને ચાર્જિંગ: ઇન્ફોટેનમેન્ટ સિસ્ટમની નીચે મેન્યુઅલ AC કંટ્રોલ્સ આપવામાં આવ્યા છે. મોબાઇલ અને અન્ય ગેજેટ્સને ચાર્જ કરવા માટે નીચે ચાર્જિંગ પોર્ટ અને 12-વોલ્ટનો પાવર સોકેટ પણ મળે છે.
• સ્ટિયરિંગ વ્હીલ અને કન્સોલ: 3-સ્પોક સ્ટિયરિંગ વ્હીલ પર ઑડિયો અને મીડિયા કંટ્રોલ બટન (માઉન્ટેડ કંટ્રોલ્સ) મળે છે. તેની સામે એનાલોગ ઇન્સ્ટ્રુમેન્ટ ક્લસ્ટર છે, જે MID (મલ્ટી ઇન્ફોર્મેશન ડિસ્પ્લે) સ્ક્રીન સાથે આવે છે, જ્યાં ગાડી સંબંધિત જરૂરી જાણકારીઓ દેખાય છે.
• સીટિંગ અને સ્પેસ: કેબિનમાં ફિક્સ્ડ હેડરેસ્ટ સાથે પાતળી ફ્રન્ટ સીટો છે. ટૉલ-બૉય ડિઝાઇનને કારણે તેની પાછળની (રીઅર) સીટ આ સેગમેન્ટની અન્ય કાર કરતાં વધુ જગ્યા ધરાવે છે. ઊંચા કદના મુસાફરો માટે પણ તેમાં હેડરૂમ અને નીરૂમની કમી નથી, જેનાથી લાંબી મુસાફરી આરામદાયક રહે છે.

ફીચર્સ: 7-ઇંચનું ટચસ્ક્રીન ઇન્ફોટેનમેન્ટ સિસ્ટમ

નવી વેગન-આર ફ્લેક્સ ફ્યુઅલ એક શાનદાર અને ફીચર-લોડેડ પેકેજ છે. તેમાં 7-ઇંચનું ટચસ્ક્રીન ઇન્ફોટેનમેન્ટ સિસ્ટમ છે, જે વાયર્ડ એન્ડ્રોઇડ ઓટો અને એપલ કારપ્લેને સપોર્ટ કરે છે. તેમાં 4-સ્પીકરવાળી સાઉન્ડ સિસ્ટમ પણ છે.

કનેક્ટિવિટી માટે સિસ્ટમમાં જ ઇનબિલ્ટ નેવિગેશનની સુવિધા છે. કેબિનને ઠંડુ રાખવા માટે મેન્યુઅલ AC, સ્ટીયરિંગ પર જ ઓડિયો કંટ્રોલ્સ (સ્ટીયરિંગ માઉન્ટેડ કંટ્રોલ્સ) અને ચારેય દરવાજા પર પાવર વિન્ડોઝ આપવામાં આવી છે.

ડ્રાઇવિંગને આરામદાયક બનાવવા માટે ટિલ્ટ એડજસ્ટેબલ સ્ટીયરિંગ વ્હીલ અને મેન્યુઅલ ડે/નાઇટ IRVM આપવામાં આવ્યું છે. જ્યારે, ઇલેક્ટ્રિકલી એડજસ્ટેબલ અને પાવર ફોલ્ડિંગ ORVMs મળે છે.

સેફ્ટી ફીચર્સ: 6 એરબેગ અને ESP જેવા એડવાન્સ્ડ ફીચર્સ

કારમાં સલામતી માટે 6 એરબેગ્સ, રીઅર પાર્કિંગ સેન્સર્સ, સીટબેલ્ટ રિમાઇન્ડર, સ્પીડ સેન્સિટિવ ડોર લોક, ગાડીને લપસતી અટકાવવા માટે ઇલેક્ટ્રોનિક સ્ટેબિલિટી પ્રોગ્રામ (ESP) અને ઉત્તમ બ્રેકિંગ માટે ABS સાથે EBD, ચઢાણ પર કારને પાછળ સરકતી અટકાવવા માટે તેમાં હિલ હોલ્ડ આસિસ્ટ (HHA) જેવા ફીચર્સ છે.

દિવ્ય ભાસ્કરને Google પર મનપસંદ સોર્સ બનાવો