એક્ટર અક્ષય કુમાર તેની આગામી ફિલ્મ ‘વેલકમ ટુ ધ જંગલ’ની રિલીઝ પહેલા જમ્મુ-કાશ્મીરમાં આવેલા માતા વૈષ્ણો દેવી મંદિર પહોંચ્યા. ગુરુવારે અક્ષય કુમારે ત્રિકુટા ટેકરીઓ પર આવેલા આ પવિત્ર મંદિરમાં માથું ટેકવ્યું અને આશીર્વાદ લીધા. મંદિર પરિસરમાં એક્ટરને જોતા જ ત્યાં હાજર ચાહકોએ તેને ઘેરી લીધો.

આ દરમિયાન અક્ષય કુમાર પરંપરાગત સફેદ કુર્તામાં જોવા મળ્યો. સોશિયલ મીડિયા પર પણ અક્ષયના ઘણા વીડિયો સામે આવ્યા છે, જેમાં ચાહકો તેની સાથે સેલ્ફી લેવાનો પ્રયાસ કરી રહ્યા છે. આ પહેલા પણ અક્ષય ઘણીવાર પોતાની ફિલ્મોની રિલીઝ પહેલા ધાર્મિક સ્થળોની મુલાકાત લઈને આશીર્વાદ લેતો રહે છે.

ચાહકોએ અક્ષય કુમાર સાથે સેલ્ફી લીધી.

અક્ષય કુમારને જોઈને ચાહકોમાં ઉત્સાહ.

નવા ગીત ‘દીવાને હૈં’ સાથે પ્રમોશન

અક્ષય કુમારની ફિલ્મ ‘વેલકમ ટુ ધ જંગલ’નું ટ્રેલર પહેલાથી જ રિલીઝ થઈ ચૂક્યું છે, જેને દર્શકો તરફથી મિશ્ર પ્રતિસાદ મળ્યો છે. જોકે, ફિલ્મનું સંગીત ખૂબ પસંદ કરવામાં આવી રહ્યું છે. ગુરુવારે જ મેકર્સે ફિલ્મનું નવું ગીત ‘દીવાને હૈં’ રિલીઝ કર્યું છે.

‘વેલકમ ટુ ધ જંગલ’નું ‘દીવાને હૈં’ ગીત રિલીઝ કરાયું.

અક્ષયે પોતે પોતાના ઇન્સ્ટાગ્રામ હેન્ડલ પરથી આ ગીત શેર કર્યું. તેણે કેપ્શનમાં લખ્યું, ‘જંગલમાં કેઓસ છે, કેઓસમાં સેલિબ્રેશન છે અને આ સેલિબ્રેશનમાં બધા દીવાના છે.’

‘વેલકમ ટુ ધ જંગલ’ ફિલ્મમાં અક્ષય કુમાર, સુનીલ શેટ્ટી, પરેશ રાવલ, અર્શદ વારસી સહિત 34 કલાકારો છે.

34 સ્ટાર્સથી સજ્જ છે ફિલ્મ અહેમદ ખાનના ડિરેક્શનમાં બનેલી આ ફિલ્મ 26 જૂન, 2026ના રોજ સિનેમાઘરોમાં રિલીઝ થવા માટે તૈયાર છે. ફિલ્મની સફર વર્ષ 2023થી શરૂ થઈ હતી, પરંતુ શૂટિંગ દરમિયાન આવેલી ઘણી મુશ્કેલીઓના કારણે તેની રિલીઝ ડેટને વારંવાર આગળ વધારવામાં આવી. આ ફિલ્મની સૌથી મોટી ખાસિયત તેની મોટી સ્ટાર કાસ્ટ છે.

‘વેલકમ ટુ ધ જંગલ’ 26 જૂન 2026ના રોજ રિલીઝ થશે.

‘વેલકમ ટુ ધ જંગલ’માં લગભગ 34 મોટા કલાકારો જોવા મળશે. તેમાં અક્ષય કુમાર સાથે સુનીલ શેટ્ટી, દિશા પટણી, જેકલીન ફર્નાન્ડિસ, રવીના ટંડન, લારા દત્તા, અરશદ વારસી, તુષાર કપૂર, શ્રેયસ તલપડે, આફતાબ શિવદાસાની અને જેકી શ્રોફ સહિત અન્ય ઘણા નામોનો સમાવેશ થાય છે. જોકે, ‘વેલકમ’ ફ્રેન્ચાઇઝના સૌથી મહત્ત્વના એક્ટર્સ નાના પાટેકર અને અનિલ કપૂરની ગેરહાજરી વર્તાઈ રહી છે.

દિવ્ય ભાસ્કરને Google પર મનપસંદ સોર્સ બનાવો