વુમન્સ T20 વર્લ્ડ કપમાં ગ્રુપ-Aનું સમીકરણ સંપૂર્ણપણે બદલાઈ ગયું છે. મંગળવારે માન્ચેસ્ટરમાં રમાયેલી મેચમાં સાઉથ આફ્રિકાએ ભારતને 6 વિકેટે હરાવીને ટુર્નામેન્ટમાં તેની પ્રથમ હાર આપી. ટીમ ઈન્ડિયાએ પહેલી બેટિંગ કરતા 158/7 રન બનાવ્યા હતા. છેલ્લી ઓવરમાં સાઉથ આફ્રિકાએ ટાર્ગેટ ચેઝ કરી લીધો. આ હાર બાદ ભારતનું સેમિફાઈનલમાં પહોંચવું મુશ્કેલ બની ગયું છે. ટીમને હવે તેની બાકીની બંને મેચ બાંગ્લાદેશ અને ઓસ્ટ્રેલિયા સામે જીતવી જ પડશે. બીજી તરફ પાકિસ્તાન, નેધરલેન્ડ્સ, આયર્લેન્ડ અને સ્કોટલેન્ડ ટુર્નામેન્ટમાંથી બહાર થઈ ચૂક્યા છે. અત્યાર સુધીનું પોઇન્ટ્સ ટેબલ સમીકરણ શું છે? ગ્રુપ-Aમાં ઓસ્ટ્રેલિયા, ભારત, સાઉથ આફ્રિકા અને બાંગ્લાદેશ વચ્ચે સેમિફાઈનલની જંગ ચાલુ છે. ઓસ્ટ્રેલિયાનો રનરેટ (+4.724) સૌથી સારો છે. ભારતનો રનરેટ સાઉથ આફ્રિકા કરતાં સારો છે. ગ્રુપ-Bમાં યજમાન ઇંગ્લેન્ડ અને વેસ્ટ ઇન્ડીઝ મજબૂત સ્થિતિમાં છે. ભારત સેમિફાઈનલમાં કેવી રીતે પહોંચી શકે છે? સાઉથ આફ્રિકા સામે હાર્યા બાદ ભારતની બંને મેચ નોકઆઉટ જેવી બની ગઈ છે. ટીમ પોતાની આગામી મેચ 25 જૂને બાંગ્લાદેશ સામે રમશે. ત્યારબાદ 28 જૂને તેનો મુકાબલો ઓસ્ટ્રેલિયા સામે થશે. ભારતીય ટીમ માટે બાંગ્લાદેશની સરખામણીમાં ઓસ્ટ્રેલિયાને હરાવવું ઘણું મુશ્કેલ હશે. આંકડા પણ આ જ દર્શાવે છે. ભારતે બાંગ્લાદેશ સામે 23માંથી 20 T20 જીતી છે. જ્યારે T20 વર્લ્ડ કપમાં પણ ભારતે બાંગ્લાદેશ સામે રમેલી તમામ ત્રણ મેચ જીતી છે. ઓસ્ટ્રેલિયા સામે ભારતનો રેકોર્ડ સારો રહ્યો નથી. બંને ટીમ વચ્ચે રમાયેલી 38 T20 મેચમાં ભારતને માત્ર 9 જીત મળી છે. જ્યારે T20 વર્લ્ડ કપમાં પણ ઓસ્ટ્રેલિયાનું પલડું ભારે રહ્યું છે. બંને ટીમ વચ્ચે રમાયેલી 7 મેચમાં ઓસ્ટ્રેલિયાએ 5 અને ભારતે માત્ર 2 મેચ જીતી છે. ભારત સેમિફાઈનલમાં પહોંચશે જો… ઓસ્ટ્રેલિયા સામે શું સમીકરણ છે? પાકિસ્તાન સામે જીત બાદ ઓસ્ટ્રેલિયાએ સેમિફાઈનલમાં સ્થાન લગભગ નિશ્ચિત કરી લીધું છે. ટીમે અત્યાર સુધી રમેલી ચારેય મેચ જીતી છે અને 8 પોઇન્ટ્સ સાથે ગ્રુપ-Aમાં ટોચ પર છે. તેનો નેટ રનરેટ પણ સૌથી સારો (+4.724) છે. ઓસ્ટ્રેલિયાને લીગ સ્ટેજમાં તેની છેલ્લી મેચ 28 જૂને ભારત સામે રમવાની છે. ઓસ્ટ્રેલિયા સેમિફાઈનલમાં પહોંચશે જો… સાઉથ આફ્રિકાનો રસ્તો કેવો છે? સાઉથ આફ્રિકાના 3 મેચમાં 2 જીત અને 4 પોઇન્ટ્સ છે. ટીમે પાકિસ્તાન અને ભારતને હરાવ્યા, પરંતુ ઓસ્ટ્રેલિયા સામે 65 રનની મોટી હારને કારણે તેનો નેટ રનરેટ -0.546 છે. હવે તેને પોતાની છેલ્લી બે મેચ નેધરલેન્ડ્સ (25 જૂન) અને બાંગ્લાદેશ (28 જૂન) સામે રમવાની છે. સાઉથ આફ્રિકા સેમિફાઈનલમાં પહોંચશે જો… બાંગ્લાદેશ પાસે પણ તક બાંગ્લાદેશને ભારત અને સાઉથ આફ્રિકા સામે રમવાનું છે. ટીમે અત્યાર સુધી 3 મેચમાં 2 જીત મેળવી છે અને તેના 4 પોઇન્ટ્સ છે. સેમિફાઈનલ માટે બાંગ્લાદેશને બાકીની બંને મેચ જીતવી પડશે. જો ટીમ ભારત અને સાઉથ આફ્રિકા બંનેને હરાવી દે છે, તો તેના 8 પોઇન્ટ્સ થઈ જશે અને સેમિફાઈનલમાં જવું લગભગ નિશ્ચિત થઈ જશે. ભારત અને સાઉથ આફ્રિકા સામેની મેચ માત્ર બાંગ્લાદેશ માટે જ નહીં, પરંતુ આખા ગ્રુપ-Aનું ચિત્ર નક્કી કરી શકે છે. જો બાંગ્લાદેશ આમાંથી કોઈ એક ટીમને પણ હરાવી દે છે, તો સેમિફાઈનલની રેસ વધુ રોમાંચક બની જશે. બાંગ્લાદેશ સેમિફાઈનલમાં પહોંચશે જો… ગ્રુપ-Bમાં ઇંગ્લેન્ડ સૌથી મજબૂત દાવેદાર ઇંગ્લેન્ડે અત્યાર સુધી તેની ત્રણેય મેચ જીતી છે. ટીમના 3 મેચમાં 6 પોઇન્ટ્સ છે. જોકે, ગ્રુપ-બીમાં ઇંગ્લેન્ડનો રસ્તો હજુ સંપૂર્ણપણે સરળ નથી. તેને તેની છેલ્લી બે મેચ વેસ્ટ ઇન્ડીઝ અને ન્યૂઝીલેન્ડ સામે રમવાની છે. જો ઇંગ્લેન્ડ વેસ્ટ ઇન્ડીઝને હરાવી દે છે, તો તેના 8 પોઇન્ટ્સ થઈ જશે અને સેમિફાઈનલની ટિકિટ પાકી થઈ જશે. જ્યારે ન્યૂઝીલેન્ડ સામેની છેલ્લી મેચ ગ્રુપની ટોપ-2 રેન્કિંગ નક્કી કરી શકે છે. ઇંગ્લેન્ડ સેમિફાઈનલમાં પહોંચશે જો… વેસ્ટ ઇન્ડીઝને માત્ર એક જીતની જરૂર છે વેસ્ટ ઇન્ડીઝ પણ ત્રણેય મેચ જીતી ચૂક્યું છે. ટીમના 3 મેચમાં 6 પોઇન્ટ્સ છે. હવે વેસ્ટ ઇન્ડીઝ સામે બે મોટી મેચ છે. ટીમ 24 જૂને ઇંગ્લેન્ડ અને 27 જૂને આયર્લેન્ડ સામે ટકરાશે. આમાંથી આયર્લેન્ડ સામેની મેચ સરળ માનવામાં આવી રહી છે, પરંતુ ઇંગ્લેન્ડ સામેની મેચ ગ્રુપ-Bનું ચિત્ર બદલી શકે છે. જો વેસ્ટ ઇન્ડીઝ ઇંગ્લેન્ડને હરાવી દે છે તો તેના 8 પોઇન્ટ્સ થઈ જશે અને સેમિફાઈનલ નિશ્ચિત થઈ જશે. જ્યારે આયર્લેન્ડ પર જીત સાથે ટીમ 10 પોઇન્ટ્સ સુધી પહોંચી શકે છે. બીજી તરફ ઇંગ્લેન્ડથી હારવાની સ્થિતિમાં પણ વેસ્ટ ઇન્ડીઝ પાસે આયર્લેન્ડ સામે જીત નોંધાવીને 8 પોઇન્ટ્સ સુધી પહોંચવાની તક રહેશે. વેસ્ટ ઇન્ડીઝ સેમિફાઈનલમાં પહોંચશે જો… ન્યૂઝીલેન્ડ-શ્રીલંકાની આશાઓ જીવંત, પરંતુ અન્ય પર નિર્ભર ન્યૂઝીલેન્ડ અને શ્રીલંકાની સેમિફાઈનલની આશાઓ હજુ પણ જીવંત છે, પરંતુ હવે બંને ટીમે પોતાના પ્રદર્શનની સાથે સાથે અન્ય મેચના પરિણામો પર પણ નિર્ભર રહેવું પડશે. ન્યૂઝીલેન્ડે સ્કોટલેન્ડને હરાવીને 4 મેચમાં 4 પોઇન્ટ્સ મેળવી લીધા છે અને તેની છેલ્લી મેચ 27 જૂને ઇંગ્લેન્ડ સામે છે. જ્યારે, શ્રીલંકાએ આયર્લેન્ડને 9 વિકેટે હરાવીને 4 મેચમાં 4 પોઇન્ટ્સ મેળવી લીધા છે. ટીમની છેલ્લી મેચ 26 જૂને સ્કોટલેન્ડ સામે છે. બંને ટીમ વધુમાં વધુ 6 પોઇન્ટ્સ સુધી પહોંચી શકે છે. આવી સ્થિતિમાં, તેમના માટે સૌથી મહત્વપૂર્ણ મેચ 24 જૂને રમાનારી ઇંગ્લેન્ડ અને વેસ્ટ ઇન્ડીઝની મેચ હશે. જો આ મેચમાં હારનારી ટીમ પોતાની આગામી મેચ પણ હારી જાય છે, તો ન્યૂઝીલેન્ડ અને શ્રીલંકા માટે સેમિફાઈનલનો માર્ગ ખુલ્લો રહેશે. ત્યારે બીજા સેમિફાઈનલિસ્ટનો નિર્ણય 6-6 પોઇન્ટ્સ પર નેટ રનરેટથી થઈ શકે છે. પાકિસ્તાન, નેધરલેન્ડ્સ, આયર્લેન્ડ અને સ્કોટલેન્ડ બહાર ગ્રુપ-Aમાં પાકિસ્તાન અને નેધરલેન્ડ્સની ટીમ સેમિફાઈનલની રેસમાંથી બહાર થઈ ગઈ છે. બંને પોતાની શરૂઆતની ત્રણેય મેચ હારી ચૂકી છે. જ્યારે ગ્રુપ-Bમાં આયર્લેન્ડ અને સ્કોટલેન્ડનો પ્રવાસ પણ સમાપ્ત થઈ ગયો છે. સ્કોટલેન્ડને ન્યૂઝીલેન્ડ સામે ત્રીજી હાર મળી. ટીમે એકમાત્ર મેચ આયર્લેન્ડ સામે જીતી છે. ટીમની છેલ્લી મેચ શ્રીલંકા સામે છે. આ જીતીને પણ તે 4 પોઇન્ટ્સ સુધી જ પહોંચી શકશે. આ સેમિફાઈનલમાં જવા માટે પૂરતું નથી. આયર્લેન્ડ પણ પોતાની ચારેય મેચ હારીને બહાર થઈ ગયું છે.