ઈન્ડિયા-એ એ શ્રીલંકા-A સામેની પ્રથમ અન-ઑફિશિયલ ટેસ્ટ પર પોતાની પકડ વધુ મજબૂત કરી લીધી છે. ગૉલમાં ત્રીજા દિવસે ટીમે 170 રનની લીડ મેળવી અને સ્ટમ્પ્સ સુધી કોઈ વિકેટ ગુમાવ્યા વિના 48 રન બનાવ્યા. દેવદત્ત પડિકલ અને આયુષ પાંડે અણનમ પરત ફર્યા. પ્રથમ ઇનિંગ્સમાં સદી ફટકારનાર ઓપનર સાઈ સુદર્શન માત્ર 7 રન બનાવીને ઈજાગ્રસ્ત થવાને કારણે રિટાયર્ડ હર્ટ થયો. ઝડપી બોલર આકિબ નબીની 4 વિકેટની મદદથી શ્રીલંકા-Aની પ્રથમ ઇનિંગ્સ 330 રનમાં સમેટાઈ ગઈ. આ પહેલા ભારતે 452/6 પર ઇનિંગ્સ ડિક્લેર કરી હતી. આકિબ નબીએ નીચલા ક્રમના બેટર્સે પેવેલિયન ભેગા કર્યા શ્રીલંકા-Aએ ત્રીજા દિવસે 113/2 થી આગળ રમવાનું શરૂ કર્યું. નુવાનિદુ ફર્નાન્ડો અને અશેન બંડારાએ ત્રીજી વિકેટ માટે 105 રનની ભાગીદારી કરી. ફર્નાન્ડોને 84 રન પર યશ ઠાકુરે આઉટ કર્યો. આ પછી કેપ્ટન સહાન અરાચ્ચિગે અને અશેન બંડારાએ ચોથી વિકેટ માટે 117 રન જોડીને ટીમને સંભાળી. બંડારાએ 70 અને અરાચ્ચિગેએ 72 રન બનાવ્યા. એક સમયે શ્રીલંકા-Aનો સ્કોર 300 રનને પાર પહોંચી ગયો હતો, પરંતુ આ પછી ભારતીય બોલરોએ શાનદાર કમબેક કર્યું. આકિબ નબીએ છેલ્લી પાંચમાંથી ચાર વિકેટ લઈને શ્રીલંકા-Aની ઇનિંગ્સ 330 રન પર સમેટી દીધી. તેણે 19.4 ઓવરમાં 58 રન આપીને 4 વિકેટ લીધી. હર્ષ દુબે અને યશ ઠાકુરને બે-બે વિકેટ મળી. સાઈ સુદર્શન ઈજાગ્રસ્ત, ભારતની ચિંતા વધી 122 રનની લીડ સાથે બીજી ઇનિંગ્સ શરૂ કરવા ઉતરેલી ઈન્ડિયા-Aને શરૂઆતમાં જ ઝટકો લાગ્યો. પહેલી ઇનિંગ્સમાં સદી ફટકારનાર સાઈ સુદર્શન ચોથી ઓવરમાં 7 રન બનાવીને ઈજાગ્રસ્ત થયો અને રિટાયર્ડ હર્ટ થઈને મેદાન છોડવું પડ્યું. પડિકલ અને આયુષે ઇનિંગ્સ સંભાળી સાઈ સુદર્શનના રિટાયર્ડ હર્ટ થયા બાદ દેવદત્ત પડિકલ અને છત્તીસગઢના યુવા બેટર આયુષ પાંડેએ જવાબદારી સંભાળી. બંનેએ કોઈ પણ વિકેટ ગુમાવ્યા વિના દિવસની રમત સમાપ્ત થવા સુધી 48 રન જોડ્યા. પડિકલ અને આયુષ બંને 20-20 રન બનાવીને અણનમ પરત ફર્યા. ઈન્ડિયા-A હવે ચોથા દિવસે પોતાની લીડને 250 રનથી વધુ કરીને શ્રીલંકા-A સામે મુશ્કેલ ટાર્ગેટ રાખવા માંગશે.