શ્રીલંકાએ વેસ્ટ ઇન્ડીઝ સામેની પહેલી ટેસ્ટની પ્રથમ ઇનિંગ્સમાં 308 રન બનાવ્યા છે. ગુરુવારે મેચના પ્રથમ દિવસની રમત સમાપ્ત થઈ ત્યાં સુધી વેસ્ટ ઇન્ડીઝ પોતાનું ખાતું પણ ખોલી શક્યું નથી. ટીમના ઓપનરો અણનમ પાછા ફર્યા છે. ત્રીજા સેશનમાં કેરેબિયન ઇનિંગ્સની પ્રથમ ઓવર સમાપ્ત થયા પછી અમ્પાયરોએ બેલ્સ ઉઠાવી લીધા. ઓપનર જોન કેમ્પબેલ 6 બોલ રમીને અણનમ રહ્યા. જ્યારે બ્રેન્ડન કિંગે એક પણ બોલનો સામનો કર્યો ન હતો.
આ પહેલા જોયડન સેલ્સે શ્રીલંકાની ટીમની છેલ્લી વિકેટ ઝડપી. તેણે અસિથા ફર્નાન્ડોને અલ્ઝારી જોસેફના હાથે કેચ કરાવ્યો. સેલ્સને શ્રીલંકાની ઇનિંગ્સમાં માત્ર એક જ વિકેટ મળી. શ્રીલંકાની ખરાબ શરૂઆત, 50 રનની અંદર 3 વિકેટ ગુમાવી ટૉસ હારતા પહેલી બેટિંગ કરી રહેલા શ્રીલંકાની શરૂઆત ખરાબ રહી. ટીમે 50 રનની અંદર 3 વિકેટ ગુમાવી દીધી હતી. કેમાર રોચે પ્રથમ ઓવરના છેલ્લા બોલ પર પાથુમ નિસાંકાને 2 રનના સ્કોર પર પેવેલિયન ભેગા કર્યો. ત્યારબાદ 10મી ઓવરમાં અલ્ઝારી જોસેફે નિશાન મધુષ્કા (23 રન) અને કામિન્દુ મેન્ડિસ (0)ને સતત બોલ પર આઉટ કર્યા. ચંદીમલ અને ડી સિલ્વાએ ઇનિંગ્સ સંભાળી નિસાંકા આઉટ થયા બાદ દિનેશ ચાંદીમલ ક્રિઝ પર ઉતર્યો અને ધનંજય ડી સિલ્વા સાથે ઇનિંગ્સ સંભાળી. બંનેએ 94 બોલમાં 68 રનની ભાગીદારી કરી. તે ચોથી વિકેટ તરીકે આઉટ થયો. તેને શમાર જોસેફે બોલ્ડ કર્યો. ચાંદીમલ 67 બોલમાં 54 રન બનાવીને આઉટ થયો. તેણે 8 ચોગ્ગા ફટકાર્યા. ડી સિલ્વાની સદી, સ્કોર 250 પાર પહોંચાડ્યો 110ના સ્કોર પર ચાંદીમલની વિકેટ ગુમાવ્યા બાદ ધનંજય ડી સિલ્વાએ શ્રીલંકાની ઇનિંગ્સને 250 પાર પહોંચાડી. ડી સિલ્વાએ 168 બોલમાં 120 રનની સદીની ઇનિંગ્સ રમી. આ ઇનિંગ્સમાં 17 ચોગ્ગા ફટકાર્યા. તેણે લોઅર ઓર્ડરમાં 2 ફિફ્ટીની ભાગીદારી કરી. જેમાં સોનલ દિનુષા (43 રન) સાથે 150 બોલમાં 99 રન અને મિલન રત્નાયકે સાથે 85 બોલમાં 64 રનની ભાગીદારીનો સમાવેશ થાય છે. ગ્રેવ્સે સૌથી વધુ વિકેટ, 3 બોલરોને 2-2 વિકેટ વેસ્ટ ઇન્ડીઝ તરફથી જસ્ટિન ગ્રેવ્સે સૌથી વધુ 3 વિકેટ લીધી. તેના સિવાય, 3 અન્ય બોલરોએ 2-2 વિકેટ ઝડપી. આમાં કેમાર રોચ, અલ્ઝારી જોસેફ અને શમાર જોસેફના નામ સામેલ છે. એક વિકેટ જોયડન સિલ્સને મળી.