‘ખોટા એંગલને કવર બનાવે છે’

જ્હાનવી કપૂરે ઇન્ડિયન એક્સપ્રેસને આપેલા ઇન્ટરવ્યુમાં ખોટા એંગલથી વીડિયો બનાવવામાં આવતા હોવા પર કહ્યું હતું કે, ‘પાપારાઝીએ એક્ટ્રેસની પ્રાઇવસીનું સન્માન કરવું જોઈએ, કેટલાક પાપારાઝી આવું કરે છે પરંતુ કેટલાક આવું કરતા નથી. કેટલાક સામાન્ય વીડિયોમાં પણ ખોટા એંગલથી લઈને ફોટોનું કવર લગાવી દે છે અને તેને સનસનાટીભર્યા બનાવી દે છે, ખાસ કરીને આવું ત્યારે થાય છે જ્યારે તે વીડિયો કોઈ એક્ટ્રેસનો હોય.’

‘આ ખોટું અને ચિંતાજનક છે’

નેહા શર્માએ પણ ખોટા એંગલથી ફોટા પાડવા બદલ પાપારાઝીઓ સામે પોતાનો ગુસ્સો વ્યક્ત કર્યો. તેણે કહ્યું, ‘કેટલાક એવા દિવસો આવે છે જ્યારે તમે નથી ઈચ્છતા કે કોઈ તમને જુએ. તમે બ્રેક લેવા માંગો છો જે મેં છેલ્લા દિવસોમાં લીધો. જ્યાં સુધી ખોટા એંગલથી ફોટા લેવાની વાત છે, તો તે ખૂબ જ ખોટું અને ચિંતાજનક છે. આનાથી એક મહિલા હોવાને નાતે તમે એ સ્વતંત્રતા ગુમાવી દો છો કે તમે કેવા કપડાં પહેરવા માંગો છો. જો તમે પબ્લિક ફિગર છો તો તમારે ખૂબ જ સાવચેત રહેવું પડે છે કારણ કે ઘણી વાર વસ્તુઓ હાથમાંથી નીકળી જાય છે.’

‘આ ખૂબ જ ડિસ્ટર્બિંગ છે’

મોના સિંહે પાપારાઝીઓ પર ભડકતા કહ્યું હતું કે, ‘પાપારાઝીઓ મહિલાઓના શરીર પર ખોટી જગ્યાએ ફોકસ કરે છે જે ખૂબ જ ડિસ્ટર્બિંગ છે. શું તેઓ કોઈ પુરુષ અભિનેતાના આ રીતે ખોટા એંગલથી ફોટા લે છે? ના, પણ દરેક મહિલા સાથે તેઓ આવું જ કરે છે.’

આગળ તેણે કહ્યું, ‘જ્યારે પણ કોઈ ઇવેન્ટ કે ફંક્શનમાં જાઓ છો, ત્યારે પછીથી પોતાના આવા વીડિયો જોવા મળે છે. મને લાગે છે કે દરેક મહિલાએ આની વિરુદ્ધ અવાજ ઉઠાવવો જોઈએ. પાપારાઝી જે કરી રહ્યા છે, તે કૂલ નથી. એવું લાગે છે કે બસ તે કોઈ વોર્ડરોબ માલફંક્શનની રાહમાં હોય છે.

દિવ્ય ભાસ્કરને Google પર મનપસંદ સોર્સ બનાવો