ઇંગ્લેન્ડ vs કોંગો ડીઆર

કોંગોએ સાતમી મિનિટમાં જ લીડ લીધી

પ્રથમ વખત વર્લ્ડ કપની નોકઆઉટ મેચ રમી રહેલા કોંગો ડીઆરએ શરૂઆતમાં જ ગોલ કરીને બધાને ચોંકાવી દીધા. મેચની સાતમી મિનિટે ચાન્સલ મ્બેમ્બાના પાસ પર બ્રાયન સિપેંગાએ લો-શોટ માર્યો. બોલ ઇંગ્લેન્ડના ગોલકીપર જોર્ડન પિકફોર્ડને ચકાવીને ગોલ પોસ્ટમાં જતો રહ્યો. આ બ્રાયનનો પહેલો ઈન્ટરનેશનલ ગોલ હતો.

ત્યારબાદ કોંગોના ડિફેન્સ અને ગોલકીપર લિયોનેલ મ્પાસીએ શાનદાર રમત બતાવી. મ્પાસીએ પહેલા હાફમાં ઘણા ઉત્તમ સેવ કરીને ઇંગ્લેન્ડના એટેકને રોકી રાખ્યા. હાફ ટાઈમ સુધી કોંગો 1-0થી આગળ હતું.

બ્રાયન સિપેંગાએ આંતરરાષ્ટ્રીય મેચમાં પોતાનો પહેલો ગોલ કર્યો.

હેરી કેને છેલ્લી 15 મિનિટમાં રમત પલટી નાખી

મેચની 75મી મિનિટે ઇંગ્લેન્ડ તરફથી બરાબરીનો ગોલ આવ્યો. આ ગોલ ઇંગ્લેન્ડના સ્ટાર ફોરવર્ડ હેરી કેને કર્યો હતો. એન્થોની ગોર્ડનના શાનદાર પાસ પર, કેને જોરદાર હેડરથી ગોલ કરીને ઇંગ્લેન્ડને 1-1ની બરાબરી અપાવી.

પ્રથમ ગોલ કર્યા પછી હેરી કેન.

તેના બરાબર 11 મિનિટ પછી, એટલે કે 86મી મિનિટે, કેને ગોલ કરીને ઇંગ્લેન્ડને 2-1ની લીડ અપાવી. આ વખતે કેને મ્પાસીને ચકમો આપીને બોલને ટોપ કોર્નરમાં નાખી દીધો.

કેને 86મી મિનિટે બીજો ગોલ કરીને ઇંગ્લેન્ડને લીડ અપાવી.

ઇન્જરી ટાઇમમાં ફ્રી-કિક પર કોંગો ગોલ કરી શક્યું નહીં

સેકન્ડ હાફના ઇન્જરી ટાઇમમાં કોંગોને બોક્સની બરાબર બહાર ફ્રી-કિક મળી. યોઆન વિસાએ બરાબરીની છેલ્લી તક સંભાળતા શોટ લીધો. જોકે બોલ ક્રોસબારની ઉપરથી નીકળી ગયો અને કોંગો આ હાર સાથે જ ટુર્નામેન્ટમાંથી બહાર થઈ ગયું.

કાંગો ડીઆરના ખેલાડીઓ હાર બાદ નિરાશ દેખાયા.

ઇંગ્લેન્ડ 60 વર્ષ પછી હાફ ટાઇમમાં પાછળ રહ્યા બાદ જીત્યું

ઇંગ્લેન્ડ ફૂટબોલ ટીમની આ જીત ઐતિહાસિક રહી. 1966ના વર્લ્ડ કપ ફાઇનલ પછી આ પહેલો પ્રસંગ છે, જ્યારે ઇંગ્લેન્ડ વર્લ્ડ કપની કોઈ મેચમાં હાફ-ટાઇમ સુધી પાછળ રહ્યા બાદ મેચ જીત્યું છે.

જીત બાદ દર્શકોનું અભિવાદન કરતી ઇંગ્લેન્ડની ટીમ.

દિવ્ય ભાસ્કરને Google પર મનપસંદ સોર્સ બનાવો