એક્ટ્રેસ આકાંક્ષા ચમોલાએ તાજેતરમાં એક શોમાં જણાવ્યું કે ગૌરવ ખન્ના સાથે લગ્ન પહેલાં તે બાયસેક્સ્યુઅલ હતી.

લૉક અપ સીઝન 2 ના એક એપિસોડ દરમિયાન આકાંક્ષાએ કહ્યું, “હું લગ્ન પહેલાં બાયસેક્સ્યુઅલ હતી. મારા કેટલાક છોકરીઓ સાથે સંબંધો રહ્યા છે. ખૂબ વધારે ઇન્ટિમેટ સંબંધો નથી રહ્યા, પરંતુ હું કેટલીક છોકરીઓ સાથે રિલેશનશીપમાં રહી છું અને બસ એ જ છે. મતલબ મને છોકરીઓ ગમે છે. હું તેને એડમાયર કરું છું, હું તેની તરફ આકર્ષિત થાઉં છું અને મને લાગે છે કે આ જ મારી સેફ સ્પેસ છે.”

આકાંક્ષાના બાયસેક્સ્યુઅલ હોવાના નિવેદન પછી, સોશિયલ મીડિયા પર કેટલાક લોકોએ તેને માત્ર પબ્લિસિટી મેળવવાનો એક રસ્તો ગણાવ્યો. એક યુઝરે લખ્યું, “આ બધું ફક્ત પબ્લિસિટી માટે બોલવામાં આવ્યું છે.” બીજા યુઝરે કહ્યું, “રિયાલિટી શોનો એક જ ફોર્મ્યુલા છે, લોકોને ચોંકાવો, ટ્રેન્ડમાં આવો અને પછી તે જ પુનરાવર્તન કરો.”

જ્યારે, અન્ય એક યુઝરે લખ્યું, “આ બધું શો ચલાવવા માટે કરવામાં આવેલું ડ્રામા છે. બધું પહેલાથી જ સ્ક્રિપ્ટેડ હોય છે.”

બાળકો ન જોઈતા હોવાને કારણે અલગ થઈ રહ્યા છે

તાજેતરમાં લોક અપ શો દરમિયાન આકાંક્ષાએ તેના પતિ ગૌરવ ખન્નાથી અલગ થવાની જાહેરાત કરી હતી. તેના સહ-સ્પર્ધકો શ્રેયા કાલરા અને સૂફી મોતીવાલા સાથેની વાતચીતમાં તેણે તેનું કારણ જણાવ્યું હતું. આકાંક્ષાએ જણાવ્યું હતું કે લગ્ન પછી પણ તેને ક્યારેય બાળકો પ્રત્યે ‘માતૃત્વની વૃત્તિ’ જાગી ન હતી.

તેણે શરૂઆતમાં તેને સમજવાનો પ્રયાસ કર્યો, પરંતુ પછી તેને અહેસાસ થયો કે તે આ માટે બની નથી. આકાંક્ષાના મતે, ગૌરવ પહેલા આ વાત સાથે સહમત હતો, પરંતુ સમય જતાં તેની વિચારસરણી બદલાઈ ગઈ અને હવે તેને બાળકો જોઈએ છે, જ્યારે આકાંક્ષા બાળકો નથી ઈચ્છતી.

ગૌરવ ખન્ના અને આકાંક્ષા ચમોલાના સંબંધોની શરૂઆત ટીવી ઇન્ડસ્ટ્રીમાં કામ કરતી વખતે થઈ હતી.

ગૌરવ ખન્ના બોલ્યો- ‘પ્રેમ આજે પણ એટલો જ છે’

ગઈકાલે ગૌરવ ખન્નાએ તેની પત્ની આકાંક્ષા ચમોલાથી છૂટાછેડા અંગે પહેલીવાર નિવેદન આપ્યું. ‘લાફ્ટર શેફ્સ’ના સેટની બહાર મીડિયા સાથે વાત કરતા ગૌરવે કહ્યું કે, તે આકાંક્ષાને હંમેશા સપોર્ટ કરશે કારણ કે તે તેની પત્ની છે. ગૌરવે આકાંક્ષાને તેના નવા શો માટે શુભેચ્છાઓ પણ પાઠવી છે.

તેણે કહ્યું, ‘પ્રેમ આજે પણ એટલો જ છે અને સપોર્ટ પણ એટલો જ છે. હું હંમેશા આકાંક્ષાને સપોર્ટ કરીશ, તે મારી પત્ની છે. પ્રેમ કર્યો તો પાછળ કેમ હટું.’ ગૌરવે આગળ કહ્યું કે તે હંમેશા આકાંક્ષાની સાથે ઊભો છે અને ઈચ્છે છે કે તે શોમાં સારું રમે અને જીતીને આવે.

ગૌરવે બિગ બોસ સીઝન 19 જીત્યો છે. આ ઉપરાંત, તેમણે ‘સેલિબ્રિટી માસ્ટરશેફ ઇન્ડિયા’ની પ્રથમ સીઝન પણ પોતાના નામે કરી હતી.

નવેમ્બર 2016માં થયા હતા ગૌરવ-આકાંક્ષાના લગ્ન

ગૌરવ ખન્ના અને આકાંક્ષા ચમોલાના સંબંધની શરૂઆત ટીવી ઇન્ડસ્ટ્રીમાં કામ કરતી વખતે થઈ હતી. બંનેની પહેલી મુલાકાત એક ઓડિશનના સિલસિલામાં થઈ હતી, જેના પછી તે મિત્રો બની ગયા. લાંબા સમય સુધી એકબીજાને ડેટ કર્યા પછી, બંનેએ 24 નવેમ્બર 2016ના રોજ ગૌરવના હોમટાઉન કાનપુરમાં લગ્ન કર્યા હતા.

ગૌરવના હોમટાઉન કાનપુરમાં ત્રણ દિવસ સુધી ચાલેલા લગ્ન સમારોહમાં બંનેએ લગ્ન કર્યા હતા.

ગૌરવ ખન્ના જ્યાં ‘અનુપમા’ અને ‘બિગ બોસ 19’ જેવા શોથી ઓળખ બનાવી ચૂક્યો છે, ત્યાં આકાંક્ષા ચમોલાએ પણ ‘સ્વરાગિની’ જેવી ઘણી ટીવી સિરિયલોમાં મહત્વના પાત્રો ભજવ્યા છે.

દિવ્ય ભાસ્કરને Google પર મનપસંદ સોર્સ બનાવો