પીઢ એક્ટર અનુપમ ખેર મંગળવારે અયોધ્યા પહોંચ્યા. અહીં તેમણે સૌથી પહેલા હનુમાનગઢી અને રામ જન્મભૂમિમાં દર્શન-પૂજન કરીને બજરંગબલી અને ભગવાન રામના આશીર્વાદ લીધા. નવી ફિલ્મનું શૂટિંગ શરૂ કર્યું ત્યારબાદ તેમણે પોતાની નવી ફિલ્મ ‘શ્રી રામ ભૂમિ’નું શૂટિંગ શરૂ કર્યું. તેમણે જણાવ્યું કે ફિલ્મનું શૂટિંગ અયોધ્યામાં લગભગ 10 થી 12 દિવસ સુધી ચાલશે. અનુપમ ખેરે કહ્યું કે, કોઈપણ નવા કામની શરૂઆત ભગવાનના આશીર્વાદથી કરવી શુભ માનવામાં આવે છે. તેમણે બધા લોકોના સુખ, શાંતિ અને સારા સ્વાસ્થ્યની કામના કરી. રામ મંદિર સાથે જોડાયેલા તાજેતરના કથિત ચોરીના મામલે તેમણે કહ્યું કે, ‘ખોટું કામ કરનારાઓની ટીકા થવી જોઈએ, પરંતુ તેનાથી મંદિરની ગરિમા અને લોકોની આસ્થા પર કોઈ અસર થતી નથી.’ તેમના મતે, દાન શ્રદ્ધા અને વિશ્વાસથી કરવામાં આવે છે, તેથી કોઈની ભૂલને ભગવાન, મંદિર કે સનાતન ધર્મ સાથે જોડવી યોગ્ય નથી.