ઈરાન સરકારે બુધવારે મોડી રાત્રે પ્રથમ વખત દિવંગત સર્વોચ્ચ નેતા સુપ્રીમ લીડર અયાતુલ્લા અલી ખામેનીના ઘર પર થયેલા હુમલા અને તેનાથી થયેલા વિનાશનો વીડિયો જાહેર કર્યો. વીડિયો 35 સેકન્ડનો છે. આ એવા સમયે આવ્યો છે, જ્યારે રાજધાની તેહરાનમાં ખામેનીના અંતિમ સંસ્કારનો કાર્યક્રમ ચાલી રહ્યો છે. આજે તેમને મશહદમાં દફનાવવામાં આવશે. ખામેની 28 ફેબ્રુઆરીના રોજ અમેરિકા અને ઇઝરાયલના સંયુક્ત હુમલાના પહેલા દિવસે માર્યા ગયા હતા. હુમલામાં તેમના પરિવારના ઘણા સભ્યો અને 40 અધિકારીઓના જીવ પણ ગયા હતા. આમાં ખામેનીની 14 મહિનાની પૌત્રી પણ સામેલ હતી. અમેરિકા-ઇઝરાયલે એક સાથે 30 મિસાઈલો ઝીંકી હતી. અયાતુલ્લા અલી ખામેનેઈના આવાસનો ફોટો ખામેનીના ઘરનું નામ ‘બૈત-એ-રહબરી’ હતું, સામાન્ય દેખાતું હતું ખામેનીના ઘરનું નામ ‘બૈત-એ-રહબરી’ હતું. આ અત્યંત સુરક્ષિત સરકારી સંકુલ હતું, જે તેહરાનના મધ્યમાં આવેલું હતું. આ જ તેમનું સત્તાવાર નિવાસસ્થાન, કાર્યાલય અને સત્તાનું મુખ્ય કેન્દ્ર હતું. આવાસની વિશેષતા… ખામેની ઈરાનના રાષ્ટ્રપતિ પણ રહ્યા આયતુલ્લા ખામેનેઈ 1989માં રૂહોલ્લાહ ખુમૈનીના નિધન પછી ઈરાનના સર્વોચ્ચ નેતાના પદ પર બિરાજમાન હતા. ઈરાનમાં 1979ની ઈસ્લામિક ક્રાંતિ દરમિયાન, જ્યારે શાહ મોહમ્મદ રઝા પહેલવીને હટાવવામાં આવ્યા, ત્યારે ખામેનીએ ક્રાંતિમાં મોટી ભૂમિકા ભજવી હતી. ઈસ્લામિક ક્રાંતિ પછી ખામેનીને 1981માં રાષ્ટ્રપતિ બનાવવામાં આવ્યા. તેઓ 8 વર્ષ સુધી આ પદ પર રહ્યા. 1989માં ઈરાનના સુપ્રીમ લીડર ખુમૈનીના મૃત્યુ પછી તેમને ઉત્તરાધિકારી બનાવવામાં આવ્યા હતા.