બોલિવૂડ એક્ટ્રેસ સેલિના જેટલી હાલમાં છૂટાછેડા અને બાળકોની કસ્ટડીની કાનૂની લડાઈ લડી રહી છે. તેમણે દાવો કર્યો હતો કે પતિએ બાળકોને કોઈ ગુપ્ત જગ્યાએ છુપાવી દીધા છે, જેથી તેઓ તેમને મળી ન શકે. થોડા સમય પહેલા એક્ટ્રેસ દિવંગત પુત્રની કબર પર ધ્રુસકે ધ્રુસકે રડતી જોવા મળી હતી. હવે તેણે બાળકો સાથે એક જૂનો વીડિયો શેર કરીને લખ્યું છે કે ટ્રોમા તેમની પાસેથી બધું જ છીનવી લીધું છે. સેલિના જેટલીએ ઓફિશિયલ ઇન્સ્ટાગ્રામ એકાઉન્ટ પરથી બાળકો સાથે મસ્તી કરતો એક જૂનો વીડિયો શેર કરીને લખ્યું છે કે, ‘લોકો મને મજબૂત કહે છે, પરંતુ સત્ય એ છે કે પીડા અને આઘાતે મને ક્યારેય મજબૂત બનાવ્યો નથી. તેમણે મને વારંવાર તોડી, એટલી વાર કે એક દિવસ મારી પાસે પોતાને જોડતા શીખવા સિવાય કોઈ રસ્તો જ ન બચ્યો. અને જ્યારે-જ્યારે મને લાગે છે કે હવે હું સંભાળી ગઈ છું, ત્યારે જ કોઈ જૂનો ઘા ફરીથી રીસવા લાગે છે.’ આગળ તેમણે લખ્યું, ‘વીતી ગયેલી પળો અચાનક પાછી આવે છે. હૃદય ફરી એ જ દર્દથી ભરાઈ જાય છે, જાણે તે ફરીથી તૂટવાનું હોય. ત્યારે હું અટકી જાઉં છું. ઘોંઘાટથી થોડી દૂર જતી રહું છું. મારા દર્દથી થોડા પળ માટે અંતર બનાવી લઉં છું, ભાગવા માટે નહીં, પરંતુ પોતાને બચાવી રાખવા માટે.’ ‘હું મારા વિખરાયેલા ટુકડાઓને ફરીથી ભેગા કરું છું, એક ઊંડો શ્વાસ લઉં છું, અને ફરી એકવાર પોતાને સાજા કરવાની કોશિશ શરૂ કરી દઉં છું. ઘણીવાર લોકો કહે છે, “તારું દર્દ જ તારી તાકાત બની ગયું.” હું ફક્ત સ્મિત કરું છું, કારણ કે સત્ય આનાથી બિલકુલ અલગ છે. આઘાતે મને મજબૂત નથી બનાવ્યો. તેણે મને તોડ્યો, મારા પાસેથી મારું ઘણું બધું છીનવી લીધું. એવા ઘા આપ્યા જે કોઈને દેખાતા નથી. અને મારે મારા જ એવા રૂપોનો શોક મનાવવો પડ્યો, જે હવે ક્યારેય સંપૂર્ણપણે પાછા નહીં આવે.’ ભાવુક પોસ્ટના અંતે સેલિનાએ લખ્યું છે કે, ‘જો આજે લોકો મારી તાકાતની પ્રશંસા કરે છે, તો તે પીડાની દેન નથી. તે તાકાત મારી પોતાની છે. દરેક વખતે, દરેક તૂટ્યા પછી, પોતાને ફરીથી ઊભા કરવાનો નિર્ણય મારો હતો. દરેક તે અંધકાર સામે ઊભા રહેવાનો નિર્ણય મારો હતો, જે મને મિટાવી દેવા માંગતો હતો.’ ‘કદાચ સૌથી મજબૂત લોકો તે નથી હોતા, જે ક્યારેય તૂટતા જ નથી. સૌથી મજબૂત તો તે હોય છે, જે તૂટતા રહેવા છતાં, દરેક વખતે ફરીથી, પોતાને જોડવાનો, સંભાળવાનો અને જીવવાનો નિર્ણય કરે છે.’ જાણો શું છે સેલિના જેટલીનો આખો વિવાદ દિવંગત પુત્રની કબર પર પહોંચી સેલિના મે મહિનામાં છૂટાછેડાની સુનાવણી માટે ઓસ્ટ્રિયા ગયેલી સેલિના તેના દિવંગત પુત્ર શમશેરની કબર પર જઈને ભાવુક થઈ ગઈ. તેણે જણાવ્યું કે તેની 15મી લગ્નની વર્ષગાંઠ પર તેને ‘ગિફ્ટ’ તરીકે છૂટાછેડાના કાગળો પકડાવવામાં આવ્યા હતા. સેલિનાએ કહ્યું, “મારી પાસેથી બધું છીનવી લેવામાં આવ્યું છે, પરંતુ હવે હું મારી ગરિમા, સત્ય અને ન્યાય માટે ભારત પાછી ફરી રહી છું.” હવે સેલિનાએ વળતર તરીકે 50 કરોડ રૂપિયાની માંગણી કરી છે. મુંબઈ પોલીસે ભારતીય ન્યાય સંહિતા (BNS), 2023ની ઘણી કલમો હેઠળ કેસ નોંધ્યો છે. પોલીસનું કહેવું છે કે પીટર તપાસમાં સહયોગ નથી કરી રહ્યા, તેથી તેની સામે લુકઆઉટ સર્ક્યુલર જારી કરવામાં આવ્યું છે જેથી તેમના પર નજર રાખી શકાય. હાલમાં સેલિના ભારતમાં કાનૂની લડાઈ લડીને પોતાના બાળકોની કસ્ટડી પાછી મેળવવાનો પ્રયાસ કરી રહી છે. તેણે એવો પણ આરોપ લગાવ્યો કે પતિએ તેના બાળકોને હિંદુ ધર્મ વિરુદ્ધ ભડકાવ્યા અને તેને મળતા અટકાવ્યા.