બોલિવૂડ એક્ટર સલમાન ખાન શુક્રવારે SRA (સ્લમ રિહેબિલિટેશન ઓથોરિટી)ની ઓફિસે પહોંચ્યો, જ્યાં તેણે ઘણા વૃદ્ધોને તેમના સપનાના ઘરની ચાવીઓ સોંપી. એક્ટર ચુસ્ત સુરક્ષા સાથે પહોંચ્યો હતો, તેમ છતાં ભીડે તેને ઘેરી લીધો. સલમાન ખાનનો પર્સનલ સિક્યોરિટી હેડ શેરા પણ તેની સાથે હાજર રહ્યા. સલમાને ત્યાં હાજર વૃદ્ધ મહિલાઓને તેમના ઘરોની ચાવીઓ આપી અને હસતા હસતા હાથ મિલાવ્યો. જુઓ તસવીરો- માતૃભૂમિ સાથે જોડાયેલા પ્રશ્નો પૂછવાથી રોક્યા ઓફિસમાં સલમાન ખાન સાથે હાજર ટીમે ત્યાં પહોંચેલા લોકોને કહ્યું કે, તેઓ ઈચ્છે તો સવાલ પૂછી શકે છે. એક વ્યક્તિ તેની ફિલ્મ સાથે જોડાયેલો સવાલ પૂછે, તે પહેલાં જ સલમાને કહ્યું, ‘બસ એક સવાલ છોડીને બાકી કંઈ પણ પૂછી લેજો. તેનો જવાબ તો મારી પાસે પણ નથી.’ સલમાન ખાને SRAના ડેટા કલેક્શન અને સેગ્રેગેશન સપોર્ટ સેન્ટર (IT સર્વર રૂમ) નું ઉદ્ઘાટન પણ કર્યું. આ આધુનિક IT સર્વર રૂમ ડિજિટલ વહીવટને વધુ મજબૂત, સુરક્ષિત અને અસરકારક બનાવવામાં મહત્વપૂર્ણ ભૂમિકા ભજવશે. આ સાથે, SRA ની ઇ-ગવર્નન્સ પહેલોને પણ નવી ગતિ મળવાની અપેક્ષા છે. સલમાન ખાનની ફિલ્મ માતૃભૂમિ વિવાદોમાં છે