ક્રિસ્ટોફર નોલનની ફિલ્મ ધ ઓડેસી રિલીઝ થઈ ચૂકી છે. તેની સૌથી ખાસ વાત એ રહી કે તેમણે પોતાની ફિલ્મનું પહેલું ભારતીય પ્રીમિયર મુંબઈમાં કર્યું. આ પહેલીવાર છે જ્યારે નોલન જેવા નિર્દેશકે ભારતને લંડન, પેરિસ અને ન્યૂયોર્કની બરાબર પોતાની સત્તાવાર ગ્લોબલ પ્રમોશન સૂચિમાં રાખ્યું. આ હસ્તીઓએ મુંબઈના કોલાબામાં આવેલા 108 વર્ષ જૂના ઓલિમ્પિયા કોફી હાઉસમાં મસ્કાબનનો આનંદ પણ લીધો. હોલિવૂડ ફિલ્મો માટે ભારત સૌથી ઝડપથી વિકસતું બજાર છે. 2026માં હોલિવડ ફિલ્મોની કમાણી ભારતમાં પહેલીવાર 2 હજાર કરોડ રૂપિયાને પાર પહોંચી શકે છે. હોલિવૂડ અપનાવી રહ્યું છે ‘ઇન્ડિયા-ફર્સ્ટ’ નીતિ 1. ભારતીય દર્શકોએ પહેલા પણ વિશ્વાસ વ્યક્ત કર્યો છે ભારતમાં ઓપેનહાઇમર નોલનની પહેલી 100 કરોડ રૂપિયાથી વધુ કમાણી કરનારી ફિલ્મ બની. આ અમેરિકા પછી ટોચના કમાણી કરતા બજારોમાં સામેલ થઈ હતી. 2. ત્રણ મહિના પહેલા શરૂ થઈ રહી છે ફિલ્મોની બુકિંગ માર્વેલ સ્ટુડિયોઝ 20 જુલાઈથી એવેન્જર્સ: ડૂમ્સડેની એડવાન્સ બુકિંગ શરૂ કરવાની તૈયારીમાં છે, જ્યારે ફિલ્મ 18 ડિસેમ્બરે રિલીઝ થશે. શરૂઆતની બુકિંગ ઇન્ફિનિટી વિઝન જેવા પ્રીમિયમ મોટા સ્ક્રીન ફોર્મેટ માટે હશે. 3. માત્ર હિન્દી જ નહીં, પ્રાદેશિક ભાષાઓ પર પણ ભાર ‘અવતાર: ફાયર એન્ડ એન્શ’માં અંગ્રેજી ટ્રેલર કરતાં હિન્દી, તમિલ, તેલુગુ અને બીજી ભાષાઓ પર વધુ ભાર મૂકવામાં આવ્યો. માર્વેલની ફિલ્મ એવેન્જર્સ: ડૂમ્સડેમાં પણ અલગ-અલગ ભારતીય ભાષાઓના મોટા કલાકારો પાસે ડબિંગ કરાવવામાં આવી રહી છે. 4. માત્ર ફિલ્મ જ નહીં, ‘ઇવેન્ટ’ વેચાઈ રહ્યો છે બ્રેડ પિટની F1 માત્ર ફિલ્મ નહોતી. ભારતમાં રેસિંગ સિમ્યુલેટર લગાવવામાં આવ્યા. ગેમિંગ એરેના સાથે ભાગીદારી થઈ. સ્પોર્ટ્સ ચેનલો સાથે પ્રચાર કરવામાં આવ્યો. આઇમેક્સ અને 4DX અનુભવને મુખ્ય આકર્ષણ બનાવવામાં આવ્યું. 5. ભારતમાં પ્રીમિયમ સ્ક્રીનનો ક્રેઝ પણ વધી રહ્યો છે ભારતમાં હજુ 70mm આઇમેક્સ જેવા થિયેટરો નથી, તેમ છતાં નોલને ભારતને પ્રાથમિકતા આપી. તેનું કારણ એ છે કે અહીં આઇમેક્સ અને અન્ય પ્રીમિયમ ફોર્મેટમાં ફિલ્મો જોનારા દર્શકોની સંખ્યા ઝડપથી વધી રહી છે. ટ્રેન્ડ; હોલિવૂડ ફિલ્મોની 6 વર્ષ પછી સૌથી વધુ કમાણી 2019માં હોલિવૂડ ફિલ્મોએ ભારતમાં રેકોર્ડ 1,595 કરોડ કમાયા અને કુલ બોક્સ ઓફિસમાં 15% હિસ્સેદારી મેળવી. પરંતુ મહામારી પછી આ ગતિ તૂટી ગઈ. આ જ કારણ છે કે હવે હોલિવૂડ પોતાની રણનીતિ બદલી રહ્યું છે. રેકોર્ડ; 6 મહિનામાં હોલિવૂડ કરશે રૂ.1500 કરોડ કમાણી જાન્યુઆરીથી જૂન વચ્ચે અંગ્રેજી ફિલ્મોએ 512 કરોડ રૂપિયાનો કારોબાર કર્યો છે. પરંતુ 2026 પહેલું વર્ષ હોઈ શકે છે જ્યારે ભારતમાં હોલિવૂડ ફિલ્મોની કમાણી પહેલીવાર ₹2,000 કરોડ રૂપિયાનો આંકડો પાર કરી જાય.