ઝિમ્બાબ્વે સિરીઝમાં નવા બોલિંગ એટેકને અજમાવવાનું લક્ષ્ય હતું પરંતુ વર્તમાન ખરાબ પ્રદર્શનના કારણે હવે તેને ગમે તે ભોગે જીતવું જરૂરી બની ગયું છે. હરારે સ્પોર્ટ્સ ક્લબની પીચમાં ભેજ અને ઉછાળ રહે છે જેનાથી ભારતીય બેટર્સને મુશ્કેલી પડી શકે છે. બ્લેસિંગ મુઝારાબાની અને રિચર્ડ નગારાવાના ઝડપી આક્રમણનો સામનો કરવો ભારતીય બેટર્સ માટે સરળ નહીં હોય. વાઇસ કેપ્ટન તિલક વર્મા પાંચમા નંબરે સહજ દેખાતો નથી, જે T20માં ત્રીજા નંબરનો સારો બેટર છે. પરંતુ ઈશાન કિશનને આ ક્રમ પર ઉતારવામાં આવી રહ્યો છે. પાંચમા નંબર પર રિંકુ સિંહ વધુ સારો વિકલ્પ છે પરંતુ વાઇસ કેપ્ટનને બહાર કરવો બરાબર નહીં હોય. ભારત સામે અસલી પડકાર હર્ષ દુબે, શિવમ દુબે અને સૂર્યાંશ શેડગેમાંથી એકની પસંદગી કરવાનો છે. ત્રણેયમાંથી કોઈ પણ પરફેક્ટ ઓલરાઉન્ડર નથી. તેવામાં ત્રણેયને પણ રમાડી શકાય છે.

કેટલા વાગ્યે શરૂ થશે પ્રથમ T20I?