‘હીરામંડી: ધ ડાયમંડ બજાર’ ફેમ એક્ટ્રેસ સંજીદા શેખે પુણે વેકેશનની તસવીરોથી હર્ષવર્ધન રાણે સાથેના સંબંધોનો સંકેત આપ્યો છે. ખરેખર, થોડા સમય પહેલા જ સંજીદાએ પુણેના એક આઉટસ્કર્ટ રિસોર્ટની તસવીરો પોસ્ટ કરી હતી. તેમણે શેર કરેલી તસવીરોનું બેકગ્રાઉન્ડ એ જ હતું, જ્યાંથી હર્ષવર્ધન રાણેએ પણ તસવીરો પોસ્ટ કરી હતી. જુઓ સંજીદા અને હર્ષવર્ધનની તસવીરો, જેનાથી પ્રશ્નો ઉભા થયા- હર્ષવર્ધને પોતાની પોસ્ટમાં ઘણી વધુ તસવીરો પણ પોસ્ટ કરી હતી. આ તસવીરો પુણેના વિન્ડ્સ ઓવર વોટરના કેબિનની છે. બંનેએ એક જ લોકેશનની તસવીરો શેર કરી હતી, પરંતુ કોઈ પણ તસવીરમાં સાથે જોવા મળ્યા ન હતા. તસવીરો પછીથી જ બંનેની ડેટિંગની ખબરો તેજ બની ગઈ છે. બંનેની પોસ્ટમાં પણ ફેન્સ રિલેશનશિપ પર સવાલ કરી રહ્યા છે. ‘તૈશ’માં સાથે કામ કરી ચૂક્યા છે હર્ષવર્ધન-સંજીદા સંજીદા શેખે વર્ષ 2020ની ફિલ્મ ‘તૈશ’માં હર્ષવર્ધન રાણે સાથે કામ કર્યું હતું. ફિલ્મ રિલીઝ થયા બાદથી જ બંનેના ડેટિંગના સમાચાર ચર્ચામાં રહ્યા છે. આ પહેલા પણ બંને જંગલ સફારીના એક સરખા બેકગ્રાઉન્ડવાળી તસવીરોથી ચર્ચામાં રહી ચૂક્યા છે.