વડાપ્રધાન નરેન્દ્ર મોદીએ રવિવારે કોમનવેલ્થ ગેમ્સમાં મેડલ જીતનાર ભારતીય ખેલાડીઓ સાથે મુલાકાત કરી. તેમણે પોતાના ઇન્સ્ટાગ્રામ પર ખેલાડીઓ સાથે એક રીલ શેર કરી. 32 સેકન્ડની આ રીલમાં તેઓ ગોલ્ડ મેડલિસ્ટ બોક્સર સાક્ષી ચૌધરી અને અન્ય ખેલાડીઓ સાથે જોવા મળ્યા. આમાં વડાપ્રધાને કહ્યું- ‘જો ખેલેગા, વહીં ખીલેગા.’ ભારતે કોમનવેલ્થ ગેમ્સ 2026માં 13 ગોલ્ડ, 17 સિલ્વર અને 9 બ્રોન્ઝ સહિત કુલ 39 મેડલ જીત્યા. ભારત મેડલ ટેલીમાં ચોથા સ્થાને રહ્યું હતું. PMએ પ્લેયર્સ સાથે રીલ બનાવી… પહેલા પણ ખેલાડીઓને મળી ચૂક્યા છે મોદી બોક્સર્સે સૌથી વધુ મેડલ જીત્યા ભારતના 39 મેડલ્સમાં સૌથી મોટું યોગદાન બોક્સિંગનું રહ્યું. બોક્સર્સે 7 ગોલ્ડ અને 3 સિલ્વર સહિત કુલ 10 મેડલ જીત્યા. એટલે કે દર ચારમાંથી એક મેડલ બોક્સિંગમાંથી આવ્યો. એથ્લેટિક્સમાં 10 મેડલ આવ્યા, પરંતુ તેમાં ગોલ્ડ ન મળ્યો. વેટલિફ્ટિંગમાંથી 8, પેરા એથલેટિક્સમાંથી 6, જૂડોમાંથી 4 અને પેરા પાવરલિફ્ટિંગમાંથી 1 મેડલ મળ્યો. કુલ મળીને 39 માંથી 37 પદક માત્ર પાંચ રમતોમાંથી આવ્યા.