નેપાળે સંદીપ લામિછાનેને વન-ડે ટીમનો કેપ્ટન બનાવ્યો છે. તે રોહિત પૌડેલની જગ્યા લેશે. 26 વર્ષીય સંદીપ ACC મેન્સ પ્રીમિયર કપમાં ટીમની કમાન સંભાળશે. સોમવારે ટીમની જાહેરાત થઈ. ક્રિકેટ એસોસિએશન ઓફ નેપાળે આ પોસ્ટથી ટીમની જાહેરાત કરી… લામિછાને 14 વન-ડે મેચમાં કેપ્ટનશીપ કરી ચૂક્યો છે લામિછાનેએ 77 વન-ડેમાં 154 વિકેટ લીધી છે. તે 14 વન-ડેમાં કેપ્ટનશીપ કરી ચૂક્યો છે. ત્યારબાદ 2022માં પૌડેલે કેપ્ટનશીપ સંભાળી હતી. 8 વર્ષની સજા, પછી નિર્દોષ પણ છૂટ્યો વર્ષ 2022માં સંદીપ પર એક સગીરા પર બળાત્કારનો આરોપ લાગ્યો હતો, ત્યારબાદ કાઠમંડુ જિલ્લા અદાલતે તેને 8 વર્ષની સજા સંભળાવી હતી. જોકે, મે 2024માં નેપાળની પાટણ ઉચ્ચ ન્યાયાલયે તેને આ આરોપોમાંથી નિર્દોષ છોડી દીધો. ત્યારબાદ તેણે ક્રિકેટમાં ફરીથી કમબેક કર્યું. પૌડેલે 12માંથી 11 વન-ડે જીતાડી પૌડેલના કાર્યકાળમાં નેપાળે શાનદાર સફળતા હાંસલ કરી. તેની કેપ્ટનશીપ હેઠળ નેપાળે ICC ક્રિકેટ વર્લ્ડ કપ લીગ-2ના 12 માંથી 11 વન-ડે મેચ જીતી.