ભારત અને અફઘાનિસ્તાન વચ્ચે ત્રણ મેચની T20 સિરીઝ રમાશે. ક્રિકબઝના રિપોર્ટ અનુસાર, અફઘાનિસ્તાન ક્રિકેટ બોર્ડે T20 સિરીઝની તારીખો કન્ફર્મ કરી છે. મેચો 13, 15 અને 17 સપ્ટેમ્બરે નવી દિલ્હીના અરુણ જેટલી સ્ટેડિયમમાં રમાશે. બોર્ડે 10 ઓગસ્ટે મોકલેલા પત્રમાં જણાવ્યું હતું કે BCCIએ તારીખો પર સહમતિ આપી છે. આ સિરીઝની સાથે જ ભારતના બાંગ્લાદેશ પ્રવાસની શક્યતા લગભગ સમાપ્ત થઈ ગઈ છે. પહેલીવાર અફઘાનિસ્તાન ભારતની યજમાની કરશે સિરીઝ અંગે BCCI કે અફઘાનિસ્તાન બોર્ડ તરફથી કન્ફર્મેશન આવવાનું બાકી છે. આ પ્રથમ વખત હશે કે અફઘાનિસ્તાન દ્વિપક્ષીય સિરીઝમાં સત્તાવાર રીતે ભારતની યજમાની કરશે. બોર્ડે મીડિયા રાઇટ્સ હોલ્ડર્સને તેમની એડવાન્સ પ્લાનિંગ, શેડ્યુલિંગ, પ્રોડક્શન એરેન્જમેન્ટ, પ્રમોશનલ એક્ટિવિટીઝ અને અન્ય તૈયારીઓ શરૂ કરવા જણાવ્યું છે. બે વર્ષથી મુલતવી રહેલો ભારતનો બાંગ્લાદેશ પ્રવાસ બાંગ્લાદેશ ક્રિકેટ બોર્ડ (BCB)એ ભારત સાથે 6 મેચ માટે 1થી 13 સપ્ટેમ્બરની તારીખો નક્કી કરી હતી. જેમાં 3 T20 અને 3 વન-ડે મેચ રમવાની હતી. બોર્ડના પ્રમુખ તમીમ ઇકબાલે કહ્યું હતું કે અમે સરકારને ભારત સાથે વાત કરવા જણાવ્યું છે. તમીમે વિદેશ મંત્રાલય જઈને સુરક્ષાની ગેરંટી માગી હતી. જોકે, બાંગ્લાદેશ સરકાર કે BCCI તરફથી આ અંગે કોઈ નિવેદન આવ્યું નથી. હવે અફઘાનિસ્તાન સિરીઝની ઓછામાં ઓછી એક મેચ આ વિન્ડો સાથે ટકરાઈ રહી છે. બાંગ્લાદેશ સિરીઝને 3 પોઇન્ટ્સમાં સમજો… ગણેશ ચતુર્થી પર મેચ કરાવવાની વાત ચાલી રહી છે ક્રિકબઝના રિપોર્ટ અનુસાર, અફઘાનિસ્તાન બોર્ડે 14 સપ્ટેમ્બર એટલે કે ગણેશ ચતુર્થીના દિવસે મેચ કરાવવાનો પ્રસ્તાવ મોકલ્યો છે. બોર્ડે BCCIને પૂછ્યું છે કે શું પહેલી કે બીજી મેચ 14 સપ્ટેમ્બરે કરી શકાય છે. આનાથી સિરીઝને તહેવાર સાથે જોડી શકાશે.