ભારતે અત્યાર સુધીમાં 15 મેડલ જીત્યા છે. જેમાં એક ગોલ્ડ, 4 સિલ્વર અને 10 બ્રોન્ઝનો સમાવેશ થાય છે. આ ટુર્નામેન્ટમાં ભારતને પ્રથમ મેડલ 1983માં પ્રકાશ પાદુકોણે અપાવ્યો હતો. જ્યારે, એકમાત્ર ગોલ્ડ પીવી સિંધુએ અપાવ્યો છે.

2011 પછી ભારતે દરેક આવૃત્તિમાં ઓછામાં ઓછો એક મેડલ જીત્યો છે. અત્યાર સુધીમાં ભારતના 11 ખેલાડીઓ આ ચેમ્પિયનશીપમાં મેડલ જીતી ચૂક્યા છે. પીવી સિંધુ, સાયના નેહવાલ અને સાત્વિક-ચિરાગની જોડી અલગ-અલગ આવૃત્તિઓમાં મેડલ જીતી ચૂકી છે.

આ વખતે કઈ કેટેગરીમાં ભારતની શું તકો છે?

સૌથી વધુ તકો વુમન્સ સિંગલ્સ કેટેગરીમાં છે. 15માંથી 7 મેડલ આ જ કેટેગરીમાં આવ્યા છે. પીવી સિંધુ સારી લયમાં દેખાઈ રહી છે. તેણે ગયા મહિને જાપાન ઓપન પણ જીત્યો હતો. તે અત્યાર સુધીમાં 5 મેડલ જીતી ચૂકી છે. તેને 9મી સીડિંગ મળી છે. જ્યારે, સાત્વિક-ચિરાગની જોડીએ ગયા વર્ષે બ્રોન્ઝ અપાવ્યો હતો.

ભારતના કેટલા ખેલાડીઓ રમી રહ્યા છે?

ભારતના 10 ખેલાડીઓ ભાગ લઈ રહ્યા છે. તેને તમામ 5 કેટેગરીમાં બે-બે એન્ટ્રી મળી છે. આગળ ભારતીય ટીમ જુઓ…

મેન્સ સિંગલ્સ: લક્ષ્ય સેન, આયુષ શેટ્ટી। વુમન્સ સિંગલ્સ: પીવી સિંધુ, ઉન્નતિ હુડા

મેન્સ ડબલ્સ: સાત્વિકસાઈરાજ રંકીરેડ્ડી-ચિરાગ શેટ્ટી, હરિહરન અમ્સકરુનન-એમઆર અર્જુન

વુમન્સ ડબલ્સ: ત્રિશા જોલી-ગાયત્રી ગોપીચંદ, કવિપ્રિયા સેલ્વમ-સિમરન સિંઘી

મિશ્ર ડબલ્સ: ધ્રુવ કપિલા-તનીષા ક્રાસ્ટો, રોહન કપૂર-રુથવિકા ગદ્દે, આશિથ સૂર્યા-અમૃતા પ્રમુથેશ

પહેલી મેચમાં કોણ કોની સામે રમશે?

ભારતે અગાઉ ક્યારે-ક્યારે યજમાની કરી છે?

ભારતે આ પહેલા માત્ર એક જ વાર 2009માં વર્લ્ડ ચેમ્પિયનશીપની યજમાની કરી હતી. ત્યારે તમામ મુકાબલા હૈદરાબાદના ગાચીબોવલી ઇન્ડોર સ્ટેડિયમમાં રમાયા હતા.

ચીનના લિન ડેને મેન્સ સિંગલ્સનો ખિતાબ જીત્યો હતો. તેની સાથે તેણે સતત ત્રીજી વાર વર્લ્ડ ચેમ્પિયન બનવાનો રેકોર્ડ બનાવ્યો હતો.

દિવ્ય ભાસ્કરને Google પર મનપસંદ સોર્સ બનાવો