ટીવીની પ્રખ્યાત એક્ટ્રેસ શ્વેતા તિવારી સોશિયલ મીડિયા પર મળી રહેલી અપમાનજનક કોમેન્ટ અને ગાળોથી ભડકી ગઈ છે. તેણે ગાળો આપનારા યુઝર્સની પ્રોફાઇલ અને તેમના પરિવારની તસવીરો શેર કરી છે. સાથે જ એક્ટ્રેસે રાજ ઠાકરેને પૂછ્યું છે કે, ‘શું તમારા સમર્થકો એવા છે, જે પોતાને મરાઠી કહે છે અને મહિલાઓને ગાળો આપે છે.’

શ્વેતા તિવારીએ ઓફિશિયલ ઇન્સ્ટાગ્રામ પરથી કેટલીક એવી પ્રોફાઇલ પણ શેર કરી, જેમાં ટ્રોલર મહારાષ્ટ્ર નવનિર્માણ સેનાના ચીફ રાજ ઠાકરેની પાર્ટી સાથે જોડાયેલો જોવા મળી રહ્યો છે.

‘આ ખૂબ ગંભીર અને ચિંતાનો વિષય છે’

શ્વેતાએ આ સાથે લખ્યું, ‘આજે હું એવી એક વાત કરવા માંગુ છું જે ખૂબ જ ગંભીર ચિંતાનો વિષય છે અને કમનસીબે સોશિયલ મીડિયા પર ખૂબ સામાન્ય બની ગઈ છે, કોઈપણ મહિલાને ગંદી ગાળો આપવી. કોઈપણ મહિલાને. કોઈપણ ઉંમરની. કોઈપણ વ્યવસાય સાથે જોડાયેલી. કોઈપણ પુરુષ, કોઈપણ બેકગ્રાઉન્ડમાંથી, ઓનલાઈન આવીને કોઈપણ મહિલાને અપમાનજનક શબ્દો કહી શકે છે.’

શ્વેતા તિવારીએ સોશિયલ મીડિયા પર લાંબી પોસ્ટ શેર કરી.

‘ગાળો આપનારાઓની પણ માતા-બહેનો અને પત્નીઓ છે’

શ્વેતાએ આગળ લખ્યું, ‘અને જે વાત મને સૌથી વધુ હચમચાવી દે છે, તે એ છે કે આ પુરુષો જરૂરી નથી કે અભણ હોય કે કોઈ ખરાબ વાતાવરણમાંથી આવતા હોય. તેમાંથી ઘણા લોકો ભણેલા-ગણેલા છે, દેખાવમાં સન્માનિત પરિવારોમાંથી આવે છે, તેમની પત્નીઓ છે, દીકરીઓ છે, માતા છે અને બહેનો છે અને તેમ છતાં તેઓ કોઈ બીજી મહિલા માટે સૌથી અપમાનજનક શબ્દોનો ઉપયોગ કરવામાં બિલકુલ સહજતા અનુભવે છે.’

શ્વેતા તિવારીએ ગાળો આપનારા કેટલાક યુઝર્સની પ્રોફાઇલ પણ શેર કરી અને સાથે તેમના પરિવારની તસવીરો પણ શેર કરી.

શ્વેતા તિવારીએ ગાળો આપનારા યુઝર્સના પ્રોફાઇલ શેર કર્યા.

રાજ ઠાકરેને પૂછ્યું- ‘શું આવું વર્તન યોગ્ય છે?’

શ્વેતાએ એક એવી પ્રોફાઇલ બતાવી, જેના પર રાજ ઠાકરેના સમર્થન સાથે જોડાયેલી વસ્તુઓ પોસ્ટ કરવામાં આવી હતી. તેણે પોસ્ટમાં લખ્યું, ‘એક વ્યક્તિ રાજ ઠાકરે અને તેમની પાર્ટીનો સપોર્ટર છે. આ વાત મારા માટે થોડી પર્સનલ થઈ ગઈ, કારણ કે હું મારી આખી જિંદગી મહારાષ્ટ્રમાં રહી છું.’

તેણે આગળ લખ્યું, ‘મારા પિતા મુંબઈમાં ઉછર્યા. મારો પણ અહીં જ જન્મ થયો અને આ જ શહેરમાં હું મોટી થઈ. આખી જિંદગી મેં મરાઠી માણસ સાથે જોડાયેલા ગર્વ અને સન્માનને અનુભવ્યું છે. મેં મરાઠી મહિલાઓને ગર્વથી કહેતા સાંભળ્યા છે કે, તેઓ મરાઠી મુલગી છે.’

શ્વેતાએ કહ્યું, ‘મને લાગે છે કે મરાઠી સંસ્કૃતિ મહિલાઓના સન્માન, તેમની તાકાત અને ગરિમાનું ધ્યાન રાખે છે. પરંતુ જ્યારે કોઈ મરાઠી માણસ કોઈ મહિલાને પર્સનલ મેસેજ કરીને ગાળો આપે છે, ત્યારે મને આશ્ચર્ય થાય છે.’

તેણે પૂછ્યું, ‘શું મરાઠી માણસનો આ જ અર્થ થાય છે? રાજ ઠાકરે, હું જાણવા માંગુ છું કે જો આવા લોકો તમારા સમર્થક છે, તો શું તમે માનો છો કે આવું વર્તન યોગ્ય છે?’

એક્ટ્રેસે લખ્યું, ‘પોતાને મરાઠી માણસ કહેવું જ પૂરતું નથી. મહિલાઓનું સન્માન કરવું પણ મરાઠી માણસની ઓળખ હોય છે.’

શ્વેતાના મતે, ટ્રોલ્સ એટલા નિર્લજ્જ બની ગયા છે કે, તેઓ તેમના 8 વર્ષના દીકરા અને દીકરી પલક વિશે પણ અપમાનજનક વાતો બોલે છે.

ઓનલાઈન ડિલિવરીમાં વંદો નીકળવા પર તુકારામ મુંઢેને ટેગ કર્યા

શ્વેતા તિવારીએ તાજેતરમાં ઓનલાઈન એનર્જી ડ્રિંક ઓર્ડર કરી હતી. જ્યારે ઓર્ડર ખોલવામાં આવ્યો, ત્યારે તેમાં વંદો મળતા એક્ટ્રેસ ગભરાઈ ગઈ. એક્ટ્રેસે વીડિયો જાહેર કરીને મહારાષ્ટ્રમાં ફૂડ સેફ્ટી કાર્યવાહીથી ચર્ચામાં રહેલા FDA (ફૂડ એન્ડ ડ્રગ્સ એડમિનિસ્ટ્રેશન) ઓફિસર તુકારામ મુંઢેને સવાલ કર્યો છે. આ સાથે એક તસવીર દ્વારા તેણે કોકરોચ જનતા પાર્ટી પર પણ કટાક્ષ કર્યો, જેમના વિરોધ પ્રદર્શનનો એક્ટ્રેસે જોરદાર વિરોધ કર્યો હતો. સંપૂર્ણ સમાચાર વાંચો…

દિવ્ય ભાસ્કરને Google પર મનપસંદ સોર્સ બનાવો