લખનઉના એકાના ક્રિકેટ સ્ટેડિયમમાં સોમવારે રિંકુ સિંહે 414.29ની સ્ટ્રાઈક રેટથી બેટિંગ કરતા માત્ર 7 બોલમાં 29 રન બનાવ્યા. મેરઠ માવેરિક્સના કેપ્ટન રિંકુએ ગોરખપુર લાયન્સ સામેની પોતાની ઇનિંગ્સમાં 2 ચોગ્ગા અને 3 છગ્ગા ફટકાર્યા. તેની આ ઇનિંગ્સની મદદથી મેરઠે યુપી T20 લીગની 16મી મેચમાં ગોરખપુરને 10 વિકેટે હરાવ્યું. 8-8 ઓવરની મેચ રમાઈ વરસાદના કારણે મેચ 8-8 ઓવરની કરી દેવામાં આવી હતી. ગોરખપુર લાયન્સે પહેલા બેટિંગ કરતા 8 ઓવરમાં 6 વિકેટે 91 રન બનાવ્યા. જવાબમાં મેરઠ માવેરિક્સે 6.4 ઓવરમાં એક પણ વિકેટ ગુમાવ્યા વિના 92 રન બનાવીને મેચ જીતી લીધી. આ મેરઠ માવેરિક્સની આ સિઝનમાં સતત છઠ્ઠી જીત છે. ટીમ 12 પોઇન્ટ્સ સાથે પોઇન્ટ્સ ટેબલમાં પહેલા નંબર પર છે. જ્યારે, ગોરખપુર લાયન્સની 6 મેચમાં આ ચોથી હાર છે. ઝીશાને 2 ઓવરમાં 4 વિકેટ લીધી મેરઠે ટૉસ જીતીને પહેલા બોલિંગ કરવાનો નિર્ણય કર્યો. ગોરખપુરના ઓપનર અભય પ્રતાપ સિંહે 16 બોલમાં 33 રન બનાવ્યા. તેણે 4 ચોગ્ગા અને 2 છગ્ગા ફટકાર્યા. મેરઠના ઝીશાન અંસારીએ 2 ઓવરમાં માત્ર 10 રન આપીને 4 વિકેટ લીધી. તે પ્લેયર ઓફ ધ મેચ પણ રહ્યો. રિંકુ ઉપરાંત સ્વસ્તિકે 44 રન બનાવ્યા રિંકુ સિંહ ઉપરાંત મેરઠ માવેરિક્સ તરફથી સ્વસ્તિક ચિકારાએ અણનમ 44 રન બનાવ્યા. 92 રનના ટાર્ગેટને ચેઝ કરવા ઉતરેલી મેરઠે શરૂઆતથી જ ઝડપી બેટિંગ કરી. સ્વસ્તિકે 24 બોલની ઇનિંગ્સમાં 4 ચોગ્ગા અને 3 છગ્ગા ફટકાર્યા. અક્ષય દુબે 9 બોલમાં 13 રન બનાવીને રિટાયર હર્ટ થયો. સ્વસ્તિક સૌથી વધુ રન બનાવનાર બેટર સ્વસ્તિક ચિકારા યુપી T20 લીગમાં સૌથી વધુ રન બનાવનાર બેટર છે. તેણે 6 મેચમાં 229 રન બનાવ્યા છે. કરન શર્મા 5 મેચમાં 186 રન સાથે બીજા નંબર પર છે. બોલરોની યાદીમાં ઝીશાન અંસારી 14 વિકેટ સાથે પ્રથમ નંબર પર છે. અભિનંદન સિંહ 13 વિકેટ લઈને બીજા નંબર પર છે.