દેશભરના બેંક કર્મચારીઓ અને અધિકારીઓ સપ્ટેમ્બર અને ઓક્ટોબરમાં હડતાળ પર જઈ શકે છે. યુનાઈટેડ ફોરમ ઓફ બેંક યુનિયન્સ (UFBU) એ તેમની બે મુખ્ય માંગણીઓને લઈને સપ્ટેમ્બર અને ઓક્ટોબર મહિનામાં તબક્કાવાર રીતે દેશવ્યાપી હડતાળની જાહેરાત કરી છે.

બેંક યુનિયનોની મુખ્ય માંગ અઠવાડિયામાં 5 દિવસ કામને મંજૂરી આપવી અને સરકાર દ્વારા લાગુ કરવામાં આવેલી નવી પર્ફોર્મન્સ-લિંક્ડ ઇન્સેન્ટિવ એટલે કે PLI સ્કીમને પાછી ખેંચવી છે. જો સરકાર અને બેંક મેનેજમેન્ટે માંગણીઓ નહીં માને, તો 26 ઓક્ટોબરથી દેશભરની બેંકોમાં અનિશ્ચિત મુદતની હડતાળ શરૂ થઈ જશે.

હડતાળનું શેડ્યૂલ: 3 તબક્કામાં થશે પ્રદર્શન

5-દિવસીય બેંકિંગ પર 2 વર્ષથી અટકેલી મંજૂરી

UFBU નું કહેવું છે કે 8 માર્ચ 2024 ના રોજ ઇન્ડિયન બેંક્સ એસોસિએશન એટલે કે IBA સાથે 12મા દ્વિપક્ષીય કરાર અને 9મી સંયુક્ત નોંધ પર હસ્તાક્ષર થયા હતા. તેમાં 5-દિવસીય બેંકિંગ લાગુ કરવા પર સહમતિ બની હતી. આ અંતર્ગત કર્મચારીઓ સોમવારથી શુક્રવાર સુધી દરરોજ 40 મિનિટ વધારાનું કામ કરશે.

IBA એ આ પ્રસ્તાવને મંજૂરી આપીને કેન્દ્ર સરકારને મોકલ્યો હતો, પરંતુ બે વર્ષથી વધુ સમય વીતી જવા છતાં નાણા મંત્રાલય તરફથી તેને મંજૂરી મળી નથી.

5-દિવસીય બેંકિંગ પ્રસ્તાવ શું છે?

નવી PLI સ્કીમ પર વિવાદ: સિનિયર અધિકારીઓને ફાયદો, નીચલા સ્ટાફ સાથે ભેદભાવ

યુનિયનોએ નાણા મંત્રાલયના નાણાકીય સેવાઓ વિભાગ દ્વારા જારી કરાયેલી નવી PLI ગાઈડલાઈન્સનો વિરોધ કર્યો છે. યુનિયનોનો આરોપ છે કે આ સ્કીમ ભેદભાવપૂર્ણ છે:

UFBU નો તર્ક છે કે PLI સંપૂર્ણપણે બેંકના એકંદર પ્રદર્શન પર આધારિત હોવું જોઈએ અને સ્કેલ VII સુધીના તમામ કર્મચારીઓને સમાન દિવસોનું ઇન્સેન્ટિવ મળવું જોઈએ. આ નવો નિયમ IBA અને યુનિયનો વચ્ચે થયેલા કરારનું ઉલ્લંઘન છે.

દિલ્હી હાઈકોર્ટ અને શ્રમ આયુક્ત પાસે પહોંચ્યો મામલો

PLI સ્કીમને લઈને વિવાદ હવે મુખ્ય શ્રમ આયુક્ત સમક્ષ સમાધાન પ્રક્રિયા હેઠળ પેન્ડિંગ છે. આ ઉપરાંત આ મામલાને દિલ્હી હાઈકોર્ટમાં પણ પડકારવામાં આવ્યો છે. યુનિયનોએ માંગ કરી છે કે દ્વિપક્ષીય વાતચીત દ્વારા ઇન્સેન્ટિવ સ્કીમમાં સુધારો કરવામાં આવે.

પેન્શન અપડેશન અને OPS ની પણ માંગ

હડતાલના મુખ્ય કારણો ઉપરાંત, બેંક યુનિયનોએ ઘણી જૂની માંગણીઓને પણ ફરી ઉઠાવી છે:

દિવ્ય ભાસ્કરને Google પર મનપસંદ સોર્સ બનાવો