India Vs Pakistan Womens Asia Cup 2026
દુબઈ5 મિનિટ પેહલા
- કૉપી લિંક
વિમેન્સ એશિયા કપ 2026માં આજે ભારત અને પાકિસ્તાન વચ્ચે મુકાબલો થશે. મેચ દુબઈ ઇન્ટરનેશનલ ક્રિકેટ સ્ટેડિયમમાં રાત્રે 8 વાગ્યાથી શરૂ થશે.
ભારત પોતાની બંને મેચ જીતીને પહેલાથી જ સેમિફાઇનલમાં પહોંચી ગયું છે. હરમનપ્રીત કૌર 150મી વખત ટી-20 ઇન્ટરનેશનલમાં કેપ્ટન તરીકે મેદાનમાં ઉતરશે. તેઓ આ સિદ્ધિ હાંસલ કરનાર વિશ્વની પ્રથમ ક્રિકેટર બનશે.
ભારતે પાકિસ્તાન સામેની છેલ્લી ચારેય મેચ જીતી
ટીમ ઇન્ડિયા છેલ્લી 4 મેચથી અજેય છે. પાકિસ્તાને છેલ્લી વખત ઓક્ટોબર 2022માં એશિયા કપની મેચમાં જ ભારત સામે જીત નોંધાવી હતી.
આ એશિયા કપ ટી-20માં ભારત સામે તેની એકમાત્ર જીત પણ છે. ટુર્નામેન્ટમાં રમાયેલી બાકીની 6 મેચો ભારતે પોતાના નામે કરી.
બંને ટીમો ટી-20 ઇન્ટરનેશનલમાં 17 વખત ટકરાઈ છે. જેમાં ભારતે 14 મેચમાં પાકિસ્તાનને હરાવ્યું છે. પાકિસ્તાન માત્ર 3 મેચ જીતી શક્યું છે.
પાકિસ્તાન જીતશે તો સેમિફાઇનલમાં પહોંચશે
ગ્રુપમાં ભારત 4 પોઈન્ટ સાથે પ્રથમ અને પાકિસ્તાન 2 પોઈન્ટ સાથે બીજા સ્થાને છે. આ મેચ જીતવા પર પાકિસ્તાન ટોપ-4માં પહોંચી જશે. હારની સ્થિતિમાં તેને પોતાની છેલ્લી લીગ મેચમાં હોંગકોંગને હરાવવું પડશે.
મંધાના અને દીપ્તિ શાનદાર ફોર્મમાં છે
આ ટુર્નામેન્ટમાં ભારત તરફથી ઓપનર સ્મૃતિ મંધાના અને સ્પિનર દીપ્તિ શર્મા ટોપ પર્ફોર્મર રહી છે. મંધાનાએ 2 મેચમાં 193.24ના સ્ટ્રાઈક રેટથી 143 રન બનાવ્યા છે. તેણે છેલ્લી મેચમાં 124 રનની ઇનિંગ રમી હતી.
બોલિંગમાં દીપ્તિ શર્મા હાઈએસ્ટ વિકેટ ટેકર રહી છે. તેણે 2 મેચમાં માત્ર 2.16ની ઇકોનોમીથી 6 વિકેટ ઝડપી છે. તેણે પ્રથમ મેચમાં થાઈલેન્ડ સામે એક પણ રન આપ્યા વગર 3 વિકેટ લીધી હતી.
પાકિસ્તાનને મુનીબા અલી અને સાદિયા ઇકબાલ પાસેથી અપેક્ષા
પાકિસ્તાન માટે ઓપનર મુનીબા અલી અને સ્પિનર સાદિયા ઇકબાલે ટુર્નામેન્ટમાં સૌથી વધુ પ્રભાવિત કર્યા છે. મુનીબાએ રમેલી એકમાત્ર મેચમાં 54 રન બનાવ્યા હતા.
જ્યારે બોલિંગમાં સાદિયાએ ટીમ માટે સૌથી વધુ વિકેટ લીધી છે. તેણે પ્રથમ મેચમાં થાઈલેન્ડ સામે 2.75ની ઈકોનોમીથી રન ખર્ચ કરીને 3 વિકેટ ઝડપી હતી.
દુબઈમાં સ્પિનર્સને 71, પેસર્સને 31 વિકેટ
એશિયા કપની શરૂઆતની 7 મેચોમાં 6 વખત ટોસ જીતનારી ટીમે પહેલા બોલિંગ પસંદ કરી. ટુર્નામેન્ટમાં અત્યાર સુધી માત્ર ભારતે 150+નો સ્કોર બનાવ્યો છે. બેટ્સમેનો શરૂઆતમાં ઝડપથી રન બનાવી રહ્યા છે, પરંતુ છેલ્લી ઓવરોમાં રન બનાવવાની ગતિ ઓછી થઈ છે.
પિચથી સ્પિનરોને મદદ મળી છે. સ્પિનર્સે માત્ર 5.1ની ઇકોનોમીથી રન ખર્ચ કરીને 71 વિકેટ લીધી છે. જ્યારે ઝડપી બોલરોને 31 વિકેટ મળી છે.
દુબઈમાં શનિવારે મેચ શરૂ થવાના સમયે તાપમાન લગભગ 37 ડિગ્રી રહેવાનો અંદાજ છે. ત્યારબાદ તાપમાનમાં વધુ ઘટાડો થશે નહીં. સ્મૃતિ મંધાનાએ દુબઈની પરિસ્થિતિઓને ‘સ્ટીમ બોક્સ’ જેવી ગણાવી હતી.
બંને ટીમોની પોસિબલ પ્લેઇંગ-11
ભારત: હરમનપ્રીત કૌર (કેપ્ટન), સ્મૃતિ મંધાના, શેફાલી વર્મા, પ્રતિકા રાવલ, ભારતી ફુલમાલી, રિચા ઘોષ, દીપ્તિ શર્મા, પ્રેમા રાવત, શ્રી ચરણી, ક્રાંતિ ગૌડ, નંદની શર્મા.
પાકિસ્તાન: ફાતિમા સના (કેપ્ટન), મુનીબા અલી (વિકેટકીપર), શવાલ ઝુલ્ફિકાર, ગુલ ફિરોઝા, આયેશા ઝફર, સદફ શમાસ, ઈમાન ફાતિમા, ઉમ્મ-એ-હાની, તુબા હસન, નશરા સંધુ, સાદિયા ઇકબાલ.
news via inbox
Subscribe for the latest updates, promotions, and ads.
