Jason Rawls Auction SA20 2026; Albie Morkel Statement
2 કલાક પેહલા
- કૉપી લિંક
SA20 સીઝન-5ના ઓક્શનમાં 18 વર્ષના જેસન રાઉલ્સ સૌથી મોંઘો ખેલાડી બન્યો. MI કેપ ટાઉન અને જોબર્ગ સુપર કિંગ્સ વચ્ચે તેને ખરીદવા માટે હરીફાઈ લાગી હતી.
જોબર્ગ સુપર કિંગ્સના હેડ કોચ અલ્બી મોર્કેલે ભાસ્કરને જણાવ્યું કે આટલી મોટી બોલીની અપેક્ષા નહોતી, જોકે ફ્રેન્ચાઇઝી એક વર્ષથી રાઉલ્સ પર નજર રાખી રહી હતી.
રાઉલ્સ આશરે 1.7 કરોડ રૂપિયામાં વેચાયો
જોબર્ગ સુપર કિંગ્સે રાઉલ્સને 2.9 મિલિયન રેન્ડ (આશરે 1.7 કરોડ રૂપિયા)ની બોલી લગાવીને ખરીદ્યો છે. તેના નામે અત્યાર સુધી માત્ર એક T20 મેચનો અનુભવ છે, જેમાં તેણે બેટિંગમાં 45 રન બનાવ્યા હતા અને બોલિંગમાં એક વિકેટ લીધી હતી. સૌથી આશ્ચર્યજનક વાત એ છે કે રાઉલ્સ હજુ પોતાનો અભ્યાસ પૂરો કરી રહ્યો છે.
રાઉલ્સ ડાબા હાથથી બોલિંગ કરે છે અને ડાબા હાથથી બેટિંગ કરે છે. તે હાલમાં સાઉથ આફ્રિકાની અંડર-19 ક્રિકેટ ટીમનો વાઇસ કેપ્ટન છે. તાજેતરમાં રમાયેલી CSA T20 ચેલેન્જ લીગમાં તેણે 31 બોલમાં 45 રન બનાવ્યા હતા.
ફ્રેન્ચાઇઝી છેલ્લા એક વર્ષથી નજર રાખી રહી હતી
મોર્કેલે કહ્યું કે રાઉલ્સ પ્રતિભાશાળી ખેલાડી છે અને ફ્રેન્ચાઇઝી છેલ્લા એક વર્ષથી તેની પ્રતિભા પર નજર રાખી રહી હતી. તેણે એક વર્ષ પહેલાં ટેલેન્ટ સ્કાઉટ કેમ્પમાં પણ ભાગ લીધો હતો. મોર્કેલના જણાવ્યા અનુસાર, દરેક ફ્રેન્ચાઇઝી એવા યુવા ખેલાડીની શોધમાં રહે છે, જે ભવિષ્યમાં મોટું નામ બની શકે. જોકે, રાઉલ્સ આ અપેક્ષાઓ પર કેટલા ખરા ઉતરે છે, તે આવનારો સમય જ બતાવશે.
મોટી રકમના દબાણને સંભાળવું પડશે
મોર્કેલે કહ્યું કે ઓક્શનમાં આટલી મોટી રકમ મળ્યા બાદ ખેલાડી પર અપેક્ષાઓનું દબાણ પણ વધે છે. જોકે, રાઉલ્સ સાથે સારી મેનેજમેન્ટ ટીમ છે, જે તેને આ પરિસ્થિતિને સંભાળવામાં મદદ કરી શકે છે. તેણે વિશ્વાસ વ્યક્ત કર્યો કે જોબર્ગ સુપર કિંગ્સનો કોચિંગ સ્ટાફ પણ રાઉલ્સને પોતાની પ્રતિભા નિખારવા અને વધુ સારા ખેલાડી બનવા માટે દરેક શક્ય તક આપશે.
news via inbox
Subscribe for the latest updates, promotions, and ads.
