ગુરુવારે સંસદમાં આમ આદમી પાર્ટીના રાજ્યસભા સાંસદ સંજય સિંહે ભાજપની સાંસદ અને એક્ટ્રેસ કંગના રનૌતનું નામ લીધા વિના તેના પર નિશાન સાધ્યું.

સંજય સિંહે ગૃહમાં કહ્યું, ‘તેમના એક સાંસદ છે. તેમણે ખેડૂત આંદોલનમાં ખેડૂતોને ગાળો આપી હતી. યુવાનોના આંદોલનમાં યુવાનો માટે એટલી અશ્લીલ ટિપ્પણી કરી, માનનીય, હું આ ગૃહમાં કહી શકતો નથી.’

તેમણે આગળ કહ્યું, ‘અમારી દીકરીઓના ચારિત્ર્ય પર સવાલ ઉઠાવવામાં આવ્યો.’

આ પછી સંજય સિંહે કહ્યું, ‘હું જે.પી. નડ્ડાજીને વિનંતી કરવા માંગુ છું, તમારા તે સાંસદને સમજાવો.’

પોતાના ભાષણ દરમિયાન સંજય સિંહે કહ્યું, ‘હજી તો તેને એક થપ્પડ પડી. માત્ર પાંચ આંગળીઓના નિશાન પડ્યા હતા. આવી વાત કરશો… તો આ દેશનો યુવાન તમારી સરકારને… પકડીને ગટરમાં નાખવાનું કામ કરશે.’

6 જૂન 2024ના રોજ કંગના રનૌતને ચંદીગઢ એરપોર્ટ પર CISF (કેન્દ્રીય ઔદ્યોગિક સુરક્ષા દળ)ના મહિલા કોન્સ્ટેબલ કુલવિંદર કૌરે થપ્પડ માર્યો હતો.

કંગનાએ શું કહ્યું હતું?

ખરેખર, તાજેતરમાં કંગનાએ એક ઇન્સ્ટાગ્રામ સ્ટોરીમાં લખ્યું હતું, ‘સૌથી વધુ આંચકાજનક વર્તન તે યુવાન હિન્દુ મહિલાઓનું છે, જેઓ તે આઝાદી કમાયા વિના સ્વતંત્ર કરિયર ધરાવતી મહિલાઓના જીવનની નકલ કરવા માંગે છે. જે મહિલાઓ ખરેખર સ્વતંત્ર હોય છે, તેઓ બળવાખોર નિર્ણયો લે છે, બોલ્ડ અભિપ્રાયો ધરાવે છે, બિન-પરંપરાગત કરિયર પસંદ કરે છે અને તેમના કાર્યોની જવાબદારી પોતે લે છે; તેમણે એવું કરવું જ પડે છે કારણ કે તેઓ પોતાના દમ પર હોય છે, તેઓ આ બધું પોતાના માતા-પિતા કે પરિવારના ભોગે નથી કરતી. અહીં સો-કોલ્ડ (તથાકથિત) પશ્ચિમી સંસ્કૃતિ અપનાવેલી ભારતીય મહિલાઓની એક નવી પેઢી છે, જેને હું ‘જનરેશન ગટર’ કહું છું. તેમાંથી કેટલીક પાસે સમાજને આપવા માટે કંઈ જ નથી, તેઓ અભ્યાસમાં પણ સારી નથી, પરંતુ તેઓ એટલી ખરાબ અને ભ્રષ્ટ છે કે તેઓ ગૃહિણી પણ બની શકતી નથી. તેમ છતાં તેઓ ડ્રગ્સ, દારૂ કે બોડી કાઉન્ટ્સ રાખવાની પોતાની આઝાદીનું ગર્વથી પ્રદર્શન કરે છે અને શરમ વગર પોતાના માતા-પિતાની કમાણી પર જીવે છે તથા વાસ્તવમાં સ્વતંત્ર બન્યા વિના સ્વતંત્ર જીવન જીવવા માટે સતત લડ્યા કરે છે. એક નમ્ર યાદ અપાવવાનું કે સ્વતંત્ર જીવન કમાવવું પડે છે. જો તમે જવાબદારી લીધા વગર સ્વતંત્ર રહેવાનો પ્રયત્ન કરો છો, તો તમે માત્ર એક વિકૃત વ્યક્તિ જ છો. ગટર છાપ.’

કંગના રનૌતની પોસ્ટ.

,

કંગના રનૌત સંબંધિત આ સમાચાર પણ વાંચો

‘હું થોડો-ઘણો યંગ હૃતિક રોશન જેવો દેખાઉં છું’:સૌરવ દાસે કંગનાની દુખતી નસ દબાવી, કહ્યું- એક્ટ્રેસ સાથે કોફી પર જવામાં મને કોઈ વાંધો નથી

ભાજપના સાંસદ અને એક્ટ્રેસ કંગના રનૌત સાથે ચાલી રહેલી શાબ્દિક યુદ્ધ વચ્ચે, CJP પ્રવક્તા સૌરવ દાસે કહ્યું કે તેના એક મિત્રએ તેને કહ્યું કે તે યંગ હૃતિક રોશન જેવા દેખાય છે. ‘ધ મોજો સ્ટોરી’ પર પત્રકાર બરખા દત્ત સાથેની વાતચીતમાં સૌરવે કહ્યું કે તેના મનમાં કંગના પ્રત્યે કોઈ અંગત દુશ્મની નથી. સંપૂર્ણ સમાચાર વાંચો…

દિવ્ય ભાસ્કરને Google પર મનપસંદ સોર્સ બનાવો