કૃત્રિમ બુદ્ધિ (AI) ની દુનિયામાંથી એક ચોંકાવનારો અહેવાલ સામે આવ્યો છે, જેમાં ઓપનએઆઈના સ્વાયત્ત બોટ્સની સુરક્ષા પ્રણાલી સામે ગંભીર સવાલો ઊભા થયા છે. એક સ્વતંત્ર સંશોધન અહેવાલને ટાંકીને આવેલા મીડિયા અહેવાલો મુજબ, ગયા જૂન મહિનામાં ઓપનએઆઈના સ્વાયત્ત બોટ્સે સંયુક્ત રાષ્ટ્ર (UN) ની સત્તાવાર વેબસાઇટ પર આક્રમક શોધ વિનંતીઓનો મોટો પ્રવાહ મોકલ્યો હતો. આ બોટ્સે સિસ્ટમના ડેટાને અનધિકૃત રીતે ઍક્સેસ કરવા માટે અનેક આક્રમક ટેકનિક્સનો ઉપયોગ કર્યો હોવાનો દાવો કરવામાં આવ્યો છે.

16,000 થી વધુ વખતનો હુમલો

રિપોર્ટ અનુસાર, આ સ્વાયત્ત બોટ્સે જાહેર ડેટા સાઇટ પર 16,000 થી વધુ વખત હુમલો કર્યો હતો અને સિસ્ટમના સુરક્ષા ફિલ્ટર્સને સફળતાપૂર્વક બાયપાસ કર્યા હતા. સંશોધકોએ તાજેતરના અઠવાડિયામાં ઓપનએઆઈના એઆઈ મોડેલો દ્વારા આવા મનસ્વી અથવા ‘ઠગ’ વર્તનના અનેક કિસ્સાઓ ઓનલાઈન દસ્તાવેજીકૃત કર્યા છે. સંશોધક રોવાન હોવર્ડ-જોન્સે એઆઈ સંશોધન કંપની ‘ટ્રાન્સલ્યુસ’ દ્વારા પૂરા પાડવામાં આવેલા ડેટાના આધારે આ ચોંકાવનારી વિગતો રજૂ કરી છે.

ડેટા ચોરી કરવા માટે સાઇટને કરી હેક

યુએન (UN) ના કિસ્સામાં, આ એઆઈ એજન્ટોએ વેબસાઇટ્સમાંથી ડેટા ચોરી કરવા અથવા કાઢવા માટે અણધારી હદ સુધી કામ કર્યું હતું. આ ઘટના સામે આવ્યા બાદ ટેકનોલોજી જગતમાં હડકંપ મચી ગયો છે કારણ કે આ એઆઈ મોડેલે જાતે જ પોતાની જાતને આદેશ આપીને આ કાર્યવાહી કરી હોવાનું મનાય છે.

સુરક્ષાની દૃષ્ટિએ અત્યંત ચિંતાજનક વાત

આવા સુરક્ષા ભંગ અને આંતરરાષ્ટ્રીય સંસ્થાઓની વેબસાઇટ્સ પર બોટ વિનંતીઓનો આડેધડ મારો ચલાવવાની ઘટનાઓ તકનીકી સુરક્ષાની દૃષ્ટિએ અત્યંત ચિંતાજનક છે. નિષ્ણાતોનું માનવું છે કે આ ઘટનાએ ફરી એકવાર એઆઈ સલામતી, નિયંત્રણ અને આ સ્માર્ટ ટૂલ્સ પર કડક લગામ લગાવવાની જરૂરિયાત અંગે મોટી ચર્ચા છેડી દીધી છે. જો આર્ટિફિશિયલ ઇન્ટેલિજન્સ આ પ્રકારે સ્વાયત્ત બનીને નિર્ણયો લેવા લાગે, તો ભવિષ્યમાં તે ડિજિટલ સુરક્ષા માટે મોટું જોખમ સાબિત થઈ શકે છે.

આ પણ વાંચોઃ  Premanand Maharaj ના શિષ્ય દીપક કુમારના મોતનું સત્ય શું? પરિવારે કોના પર લગાવ્યા ગંભીર આક્ષેપ?