ટીવી એક્ટ્રેસ અને ‘રોડીઝ 8’ની વિજેતા આંચલ ખુરાનાએ એક્ટ્રેસ શહેનાઝ ગિલ પર ઘણા ગંભીર આરોપો લગાવ્યા છે. ‘ટેલી મસાલા’ને આપેલા ઇન્ટરવ્યુમાં આંચલે દાવો કર્યો છે કે, શહેનાઝ ખરેખર એવી નથી જેવી તે સોશિયલ મીડિયા પર દેખાય છે.

તે ફક્ત ‘ક્યૂટ’ અને ભોળી બનવાનો ઢોંગ કરે છે, જ્યારે ખરેખર તે ખૂબ જ ચાલાક અને બદતમીઝ છે. આંચલના મતે, શહેનાઝ અને તેના ભાઈની સારી પબ્લિક ઇમેજ ફક્ત વીડિયોના ચાલાકીભર્યા એડિટિંગને કારણે જ બની રહી છે.

ટીવી એક્ટ્રેસ અને ‘રોડીઝ 8’ની વિજેતા આંચલ ખુરાના.

વીડિયો એડિટ કરીને બનાવી સારી ઇમેજ ઇન્ટરવ્યુમાં 35 વર્ષની આંચલ ખુરાનાએ કહ્યું કે, ‘શહનાઝ પોતે જ ખોવાયેલી રહેતી અને ઓછી IQ ધરાવતી વ્યક્તિ છે. તેના વીડિયોને એવી રીતે એડિટ કરવામાં આવે છે કે, તે ખૂબ જ સુંદર અને મનોરંજક લાગે.’

આંચલે દાવો કર્યો કે, તે પોતે 8 મહિના પંજાબમાં રહી છે અને ત્યાં શહનાઝના બેકગ્રાઉન્ડ વિશે કોઈ સારી વાત બોલવામાં આવતી નથી. ‘બિગ બોસ 13’ અને ‘મુજસે શાદી કરોગે’ જેવા શોમાં તેને એવી રીતે બતાવવામાં આવી હતી કે, જાણે તે ખૂબ સારી હોય, જ્યારે વાસ્તવિકતા તેનાથી અલગ છે.

શહેનાઝ ગીલ ‘બિગ બોસ’થી ચર્ચામાં આવી હતી.

ભાઈ શહેબાઝને બદતમીઝ કહ્યો શહેનાઝના ભાઈ શહેબાઝ બદેશા વિશે વાત કરતા આંચલે કહ્યું કે, ‘શહેબાઝ ખૂબ જ બદતમીઝ વ્યક્તિ છે.’ આંચલે જણાવ્યું કે, તેણે એકવાર શહેબાઝને ‘ફુદ્દૂ’ એટલે કે બેવકૂફ કહી દીધો હતો, જેના પર શહેબાઝે ઘણો હોબાળો મચાવ્યો હતો.

શહેબાઝે આંચલને કહ્યું હતું કે, ”રોડીઝ’ની શું ઔકાત છે, તેને કોણ જુએ છે અને તું કોણ છે?’ આંચલે કહ્યું કે, તેને આ ઇન્ટરવ્યુ પછી શહેબાઝ તરફથી આવનારી કોઈપણ પ્રતિક્રિયાથી કોઈ ડર નથી લાગતો.

શહેનાઝ અને તેનો ભાઈ શહેબાઝ બદેશા.

‘બિગ બોસ’થી બંને ભાઈ-બહેનને ઓળખ મળી શહેનાઝ ગિલને રિયાલિટી શો ‘બિગ બોસ 13’થી ઓળખ મળી હતી, ત્યારબાદ તેણે બોલિવૂડ અને પંજાબી ફિલ્મોમાં કામ કર્યું. જ્યારે તેના ભાઈ શહેબાઝ બદેશાને ‘બિગ બોસ 19’થી લોકપ્રિયતા મળી હતી. બીજી તરફ, 6 ઓગસ્ટ 1990ના રોજ દિલ્હીમાં જન્મેલી આંચલ ખુરાના ‘રોડીઝ સીઝન 8’ની વિજેતા રહી ચૂકી છે. તેણે ‘સપને સુહાને લડકપન કે’ સિરિયલથી ઓળખ બનાવી અને આ ઉપરાંત ‘CID’, ‘આહટ’, ‘સાવધાન ઇન્ડિયા’ અને ‘અર્જુન’ જેવી ટીવી સિરિયલોમાં કામ કર્યું છે.

દિવ્ય ભાસ્કરને Google પર મનપસંદ સોર્સ બનાવો