Anil Ambani Files Affidavit in ₹40k Crore Bank Fraud Case; Wont Leave India
નવી દિલ્હી3 કલાક પેહલા
- કૉપી લિંક
અનિલ અંબાણીએ આજે એટલે કે 19 ફેબ્રુઆરીના રોજ સુપ્રીમ કોર્ટમાં એક સોગંદનામું રજુ કર્યું છે. તેમાં તેમણે વચન આપ્યું છે કે તેઓ કોર્ટની મંજુરી વિના ભારત છોડીને જશે નહીં. આ સોગંદનામું તેમના રિલાયન્સ અનિલ ધીરુભાઈ અંબાણી ગ્રુપ (ADAG) ની કંપનીઓ સાથે સંકળાયેલા 40,000 કરોડ રૂપિયાના બેંક છેતરપિંડીની તપાસ વચ્ચે આવ્યું છે.
અંબાણીએ કોર્ટને એ પણ ખાતરી આપી છે કે તેઓ ED અને CBI દ્વારા કરવામાં આવી રહેલી તપાસમાં સંપૂર્ણ સહયોગ કરશે. આ બંને એજન્સીઓ અનિલ ધીરુભાઈ અંબાણી ગ્રુપ (ADAG) ની કંપનીઓ વિરુદ્ધ તપાસ કરી રહી છે.
વકીલ મુકુલ રોહતગી દ્વારા કરાયેલા મૌખિક વચનની પુષ્ટિ
મીડિયા રિપોર્ટ્સ મુજબ, અનિલ અંબાણીએ પોતાના સોગંદનામામાં સત્તાવાર રીતે તે અન્ડરટેકિંગ (વચન) ને અપનાવી લીધું છે, જે તેમની તરફથી સિનિયર એડવોકેટ મુકુલ રોહતગીએ 4 ફેબ્રુઆરીના રોજ કોર્ટમાં રજૂ કરી હતી. ત્યારે રોહતગીએ કોર્ટને મૌખિક રીતે ખાતરી આપી હતી કે અંબાણી દેશ છોડીને જશે નહીં. હવે લેખિત સોગંદનામું રજુ થયા પછી આ કાયદેસર રીતે જરૂરી બની ગયું છે.
શું છે ₹40,000 કરોડની છેતરપિંડીનો મામલો?
- આ આખી કાનૂની કાર્યવાહી પૂર્વ બ્યુરોક્રેટ ઈ.એ.એસ. સરમા દ્વારા કરાયેલી એક અરજીના જવાબમાં થઈ રહી છે.
- અરજીમાં આરોપ છે કે ADAG ગ્રુપની કંપનીઓએ અલગ-અલગ બેંકો સાથે મળીને 40,000 કરોડ રૂપિયાથી વધુની લોન છેતરપિંડી કરી છે.
- અરજદારે માંગ કરી હતી કે આ સમગ્ર મામલાની તપાસ સુપ્રીમ કોર્ટની દેખરેખ હેઠળ થવી જોઈએ, જેથી સત્ય સામે આવી શકે.
સુપ્રીમ કોર્ટની બેન્ચે આ મામલાને ગંભીરતાથી લેતા તપાસ એજન્સીઓને કડક નિર્દેશ આપ્યા છે.
બેંક અધિકારીઓની ભૂમિકાની પણ થશે તપાસ
સુપ્રીમ કોર્ટની બેન્ચે આ મામલાને ગંભીરતાથી લેતા તપાસ એજન્સીઓને કડક નિર્દેશ આપ્યા છે. કોર્ટે કહ્યું છે કે એજન્સીઓ આ વાતની પણ તરત તપાસ કરે કે શું બેંક અધિકારીઓની આ છેતરપિંડીમાં કોઈ મિલીભગત હતી.
તપાસમાં ભંડોળના દુરુપયોગનો ખુલાસો
EDએ અત્યાર સુધીની તેની તપાસમાં શોધી કાઢ્યું છે કે રિલાયન્સ હોમ ફાઇનાન્સ (RHFL) અને રિલાયન્સ કોમર્શિયલ ફાઇનાન્સ (RCFL)માં મોટા પાયે ભંડોળનો દુરુપયોગ થયો હતો. 2017 થી 2019 દરમિયાન, યસ બેંકે RHFLમાં 2,965 કરોડ અને RCFLમાં 2,045 કરોડનું રોકાણ કર્યું હતું.
ડિસેમ્બર 2019 સુધીમાં, આ રકમ નોન-પર્ફોર્મિંગ એસેટ્સ (NPA) બની ગઈ. RHFLના 1,353 કરોડ અને RCFLના 1,984 કરોડ હજુ પણ બાકી છે. કુલ મળીને, યસ બેંકને 2,700 કરોડથી વધુનું નુકસાન થયું. ED અનુસાર, આ ભંડોળ રિલાયન્સ ગ્રુપની અન્ય કંપનીઓમાં ડાયવર્ટ કરવામાં આવ્યું હતું.
લોન મંજૂરી પ્રક્રિયામાં પણ ઘણા ગોટાળાઓ મળ્યા હતા. જેમ કે, કેટલીક લોન તે જ દિવસે અરજી કરવામાં આવી, મંજૂર કરવામાં આવી અને વિતરિત કરવામાં આવી. ફીલ્ડ ચેક અને મીટિંગ્સ છોડી દેવામાં આવી હતી. દસ્તાવેજો ખાલી અથવા તારીખ વગરના મળ્યા. EDએ તેને ‘ઇન્ટેન્શનલ કંટ્રોલ ફેલ્યોર’ ગણાવ્યું છે. તપાસ PMLAની કલમ 5(1) હેઠળ ચાલી રહી છે અને 31 ઓક્ટોબર 2025ના રોજ એટેચમેન્ટ આદેશો જારી કરવામાં આવ્યા હતા.
——————
અનિલ અંબાણી સાથે જોડાયેલા આ સમાચાર પણ વાંચો…
અનિલ અંબાણી પછી પુત્ર અનમોલ પર FIR: યુનિયન બેંકમાંથી ₹228 કરોડની છેતરપિંડીનો આરોપ; પ્રથમ વખત ક્રિમિનલ કેસમાં સીધા આરોપી બન્યા
CBIએ રિલાયન્સ ગ્રુપના ચેરમેન અનિલ અંબાણીના મોટા પુત્ર જય અનમોલ વિરુદ્ધ છેતરપિંડીનો કેસ દાખલ કર્યો છે. આરોપ છે કે રિલાયન્સ હોમ ફાઇનાન્સ અને રિલાયન્સ કોમર્શિયલ ફાઇનાન્સ સાથે સંકળાયેલી કંપનીઓએ યુનિયન બેંક ઓફ ઇન્ડિયા સાથે 228.06 કરોડ રૂપિયાની છેતરપિંડી કરી છે.
latest video
news via inbox
Subscribe for the latest updates, promotions, and ads.
