મહારાષ્ટ્રમાં BMC સહિત 29 મહાનગરપાલિકાઓ માટે ગુરુવારે સવારે 7:30 વાગ્યાથી મતદાન ચાલુ છે. બોલિવૂડ સેલેબ્સ પણ પોતાના મતાધિકારનો ઉપયોગ કરવા માટે મતદાન કેન્દ્ર પહોંચી રહ્યા છે. એક્ટર અક્ષય કુમાર પોતાની પત્ની ટ્વિંકલ ખન્ના સાથે પોલિંગ બૂથ પહોંચ્યો અને વોટ આપ્યો. ઉપરાંત જ્હોન અબ્રાહમ, રાકેશ રોશન, ગુલઝાર, હેમા માલિની, તમન્ના ભાટિયા, જુનૈદ ખાન અને કિરણ રાવ પણ વોટ આપવા આવ્યા. અક્ષય કુમારે વોટ આપ્યા બાદ મીડિયા સાથે વાતચીત કરી. એક્ટરે કહ્યું, “આજે BMC માટે મતદાન થઈ રહ્યું છે. મુંબઈવાસી હોવાના નાતે આજે રિમોટ કંટ્રોલ આપણા હાથમાં છે.” તેણે મુંબઈના લોકોને મોટી સંખ્યામાં બહાર નીકળીને વોટ નાખવાની અપીલ કરી. અક્ષય બોલ્યા, “જો આપણે મુંબઈના અસલી હીરો બનવું હોય, તો માત્ર વાતો નહીં, પરંતુ વોટ નાખવો જરૂરી છે.” ટ્વિંકલ ખન્નાએ વોટિંગ બાદ કહ્યું, “વોટ આપવો આપણને થોડું નિયંત્રણ અને તાકાત આપે છે. આનાથી આપણને આપણી વાર્તા નક્કી કરવાની તક મળે છે.” તેણે એમ પણ કહ્યું કે તે દરેક ચૂંટણીમાં મતદાન કરે છે. અક્ષય પાસે યુવતીએ મદદ માંગી વોટ નાખ્યા પછી જ્યારે અક્ષય પોતાની ગાડીમાં બેસી રહ્યો હતો, ત્યારે એક યુવતી તેની પાસે આવી. તેણે જણાવ્યું કે તેના પિતા દેણાંમાં ડૂબેલા છે અને મદદની વિનંતી કરી. આના પર અક્ષયે યુવતીને પોતાના સ્ટાફને નંબર આપવા કહ્યું. આ દરમિયાન યુવતીએ અક્ષયના પગ સ્પર્શ કર્યા, જેના પર એક્ટર તેને આવું કરતા રોકતા જોવા મળ્યો.
આ સેલેબ્સ પણ વોટ આપવા પહોંચ્યા