કેન્દ્રીય કર્મચારીઓ અને પેન્શનર્સ માટે જુલાઈ 2026ના મોંઘવારી ભથ્થા (DA) અને મોંઘવારી રાહત (DR) અંગે મોટી માહિતી સામે આવી રહી છે. 8મું પગાર પંચ લાગુ થાય તે પહેલાં 7મા પગાર પંચ હેઠળ જુલાઈ 2026ના DA વધારાની જાહેરાત થઈ શકે છે.

ઔદ્યોગિક શ્રમિકો માટેના અખિલ ભારતીય ગ્રાહક ભાવ સૂચકાંક (AICPI-IW)ના નવા આંકડાઓ અનુસાર, આ વખતે DAમાં 3 ટકાનો વધારો નક્કી માનવામાં આવી રહ્યો છે. આ વધારા બાદ કેન્દ્રીય કર્મચારીઓનું કુલ મોંઘવારી ભથ્થું વર્તમાન 60 ટકાથી વધીને 63 ટકા થઈ જશે.

કેન્દ્રીય મંત્રીમંડળની મંજૂરી મળ્યા બાદ આ વધારો 1 જુલાઈ 2026થી લાગુ માનવામાં આવશે. જોકે, હજુ સુધી સરકાર તરફથી કોઈ જાહેરાત કરવામાં આવી નથી.

મોંઘવારી ભથ્થામાં 3 ટકાનો વધારો શા માટે થઈ શકે છે?

સરકાર દર વર્ષે બે વખત (જાન્યુઆરી અને જુલાઈમાં) AICPI-IWના 12 મહિનાના સરેરાશ આંકડાઓના આધારે DAમાં ફેરફાર કરે છે. લેબર બ્યુરો દ્વારા જાહેર કરવામાં આવેલા જૂન 2026ના આંકડાઓ સાથે જુલાઈ 2026 માટે જરૂરી 12 મહિનાનું ચક્ર પૂર્ણ થઈ ગયું છે.

જૂન 2026નો CPI-IW સૂચકાંક મે મહિનાના 150.8 અંકથી 1.1 અંક વધીને 151.9 અંક પર પહોંચ્યો. જુલાઈ 2025થી જૂન 2026 સુધીના આંકડાઓની સરેરાશ 148.65 અંક આવે છે. આવી સ્થિતિમાં જોવામાં આવે તો 7મા પગાર પંચ હેઠળ મોંઘવારી ભથ્થું વધીને 63 ટકા થઈ શકે છે, એટલે કે DAમાં 3 ટકાનો ઉછાળો આવી શકે છે.

પગાર કેટલો વધશે?

જો સરકાર તરફથી મોંઘવારી ભથ્થામાં 3 ટકાનો વધારો કરવામાં આવે છે, તો 18,000 રૂપિયાના મૂળ પગાર પર દર મહિને 540 રૂપિયાનો વધારો થશે. જ્યારે 30,000 રૂપિયાના મૂળ પગાર પર દર મહિને 900 રૂપિયાનો વધારો થશે. 50,000 રૂપિયાના મૂળ પગાર પર મોંઘવારી ભથ્થામાં 1,500 રૂપિયાનો વધારો થશે.

—————————–

આ સમાચાર પણ વાંચો:

ઓછા રિસ્કમાં કરો વધારે કમાણી:બેંકની ફિક્સ્ડ ડિપોઝિટમાં ગેરેન્ટેડ રિટર્ન મળશે, આ બેંકોમાં FD પર મળી રહ્યું છે 8.50% સુધીનું વ્યાજ

નિવૃત્તિ પછી જે લોકોને પોતાની કમાણીનું સુરક્ષિત જગ્યાએ રોકાણ કરવું હોય તેમના માટે બેંકની ફિક્સ્ડ ડિપોઝિટ એક સારો અને લોકપ્રિય વિકલ્પ છે. સિનિયર સિટિઝન્સને સામાન્ય ગ્રાહકોની સરખામણીમાં વધારાનું વ્યાજ પણ મળે છે. જોકે, બેંક અને FDની મુદત અનુસાર દરો અલગ-અલગ હોઈ શકે છે.

સૌથી વધુ વ્યાજ આપતી બેંકોમાં સ્મોલ ફાઇનાન્સ બેંકો સૌથી આગળ છે. ઇક્વિટાસ સ્મોલ ફાઇનાન્સ બેંક, ESAF સ્મોલ ફાઇનાન્સ બેંક અને સૂર્યોદય સ્મોલ ફાઇનાન્સ બેંક સિનિયર સિટિઝન્સને 8.50% સુધીનું વ્યાજ આપી રહી છે. વાંચો સંપૂર્ણ સમાચાર…

દિવ્ય ભાસ્કરને Google પર મનપસંદ સોર્સ બનાવો