જંતર-મંતર પર એક મહિનાથી ચાલુ હતું CJPનું પ્રદર્શન

દિલ્હીના જંતર-મંતર પર કોકરોચ જનતા પાર્ટી (CJP)ના નેતૃત્વમાં વિદ્યાર્થી સંગઠનો લગભગ એક મહિનાથી સતત પ્રદર્શન કરી રહ્યા છે. વિદ્યાર્થીઓની માંગ છે કે NEET પેપર લીક અને અન્ય પરીક્ષાઓમાં થયેલી ગેરરીતિના વિરોધમાં કેન્દ્રીય શિક્ષણ મંત્રી ધર્મેન્દ્ર પ્રધાન પોતાના પદ પરથી રાજીનામું આપે. આ સાથે જ દેશની સંપૂર્ણ પરીક્ષા પ્રણાલી અને શિક્ષણ વ્યવસ્થામાં મોટા સુધારા લાગુ કરવામાં આવે.

,

આ સમાચાર પણ વાંચો…

કમલ હાસને શિક્ષણ પ્રણાલી પર સવાલો ઉઠાવ્યા, ઇમરાન ખાન જંતર-મંતર પહોંચ્યો; કરીના-વરુણ પણ વિદ્યાર્થીઓ પડખે આવ્યા

દિલ્હીમાં કોકરોચ જનતા પાર્ટીના નેતૃત્વ હેઠળ ચાલી રહેલા નીટ પેપર લીક અને શિક્ષણ સુધાર આંદોલનને હવે બોલિવૂડ હસ્તીઓનો મોટો ટેકો મળી રહ્યો છે. સલમાન ખાન, આલિયા ભટ્ટ અને અનન્યા પાંડે પછી હવે કરીના કપૂર ખાન, કમલ હાસન, વરુણ ધવન, ઇમરાન ખાન અને પીયૂષ મિશ્રા પણ વિદ્યાર્થીઓના પક્ષમાં આવી ગયા છે.

કરીના કપૂરે કહ્યું કે દેશના યુવાનોની માંગ સાંભળવી એ કોઈ અહેસાન નથી, પરંતુ આપણી ફરજ છે. જ્યારે કમલ હાસને વર્તમાન શિક્ષણ વ્યવસ્થાને સડેલી ગણાવી છે. ઇમરાન ખાને મુંબઈમાં પોતે રસ્તા પર ઉતરીને વિદ્યાર્થીઓ સાથે પ્રદર્શન કર્યું.

કરીના બોલી- બાળકો આવતીકાલની તૈયારી નથી કરી રહ્યા, તેઓ જ આવતીકાલ છે

કરીના કપૂરે પોતાના ઇન્સ્ટાગ્રામ એકાઉન્ટ પર એક નોટ શેર કરી છે. તેણે લખ્યું, હું છેલ્લા કેટલાક દિવસોથી આ મુદ્દે શાંત હતી, પરંતુ હવે ચૂપ રહી શકતી નથી. પોતાનો અવાજ ઉઠાવનારા યુવાનોની અવગણના કરવી અશક્ય છે અને આવું થવું પણ ન જોઈએ.

શિક્ષાથી બાળકને વિશ્વાસ અને આશા મળે છે. પરંતુ શિક્ષા ત્યારે જ કામ કરે છે જ્યારે બાળકોને તેના પર વિશ્વાસ હોય. જો તેમને લાગશે કે ઈમાનદારી, મહેનત અને મેરિટનો કોઈ અર્થ નથી, તો તેમનો વિશ્વાસ ઉઠી જશે.

કરીનાએ આગળ લખ્યું, “વિદ્યાર્થીઓને એવી વ્યવસ્થા મળવી જોઈએ જેના પર તેઓ વિશ્વાસ કરી શકે. જ્યારે આખી પેઢી પોતાના ભવિષ્ય માટે એક અવાજમાં બોલે છે, ત્યારે તેમને સાંભળવું એ અહેસાન નથી, આપણી ફરજ છે. આપણા બાળકો આપણને જોઈ રહ્યા છે. તેઓ આવતીકાલની તૈયારી નથી કરી રહ્યા, પરંતુ તેઓ જ આપણું આવતીકાલ છે.” વધુ વાંચો….