ડાયાબિટીસ એ માત્ર એક બીમારી નથી, પરંતુ એક જીવનશૈલી સંબંધિત પડકાર છે. જ્યારે શરીરમાં સુગરનું સ્તર સતત વધતું રહે છે, ત્યારે તે હૃદય, કિડની અને આંખો જેવા નાજુક અંગોને નુકસાન પહોંચાડી શકે છે. નિષ્ણાતો માને છે કે જો તમે તમારા આહારમાં સાત ખાસ ખોરાકનો સમાવેશ કરો, તો માત્ર 7 દિવસમાં શરીરમાં ઇન્સ્યુલિનમાં સુધારો એટલે બ્લડ સુગર નિયંત્રણમાં કરી શકો છો. 

બ્લડ સુગરને કુદરતી રીતે કંટ્રોલ કરનાર ખોરાક

ભીંડા: ભીંડા ડાયાબિટીસના દર્દીઓ માટે વરદાન છે. તેમાં ભરપૂર માત્રામાં ફાઇબર હોય છે, જે ખાધા પછી ખાંડને ધીમે ધીમે લોહીમાં મુક્ત થવા દે છે. આનાથી ખાંડમાં અચાનક વધારો થવાનું જોખમ ઓછું થાય છે. ભીંડા શરીરમાં ઇન્સ્યુલિનનું ઉત્પાદન સુધારે છે, જેનાથી યોગ્ય કામગીરી સુનિશ્ચિત થાય છે. 

એવોકાડો : એવોકાડો થોડા મોંઘા હોય છે, પરંતુ તેના ફાયદા ખૂબ જ છે. તેમાં સારી માત્રામાં ફાઇબર અને સ્વસ્થ ચરબી હોય છે. આ બધા સાથે મળીને પાચન પ્રક્રિયાને ધીમી કરે છે અને બ્લડ સુગરને સ્થિર રાખે છે. એવોકાડો ખાવાથી તમે લાંબા સમય સુધી પેટ ભરેલું રહે છે, જે વારંવાર ભૂખ લાગતી અટકાવવામાં મદદ કરે છે અને વધુ પડતું ખાવાનું અટકાવે છે. 

મેથીના દાણા : મેથીમાં ફાઈબર ભરપૂર હોય છે જે પાચનને ધીમું કરે છે અને સુગરના શોષણને અટકાવે છે. રાત્રે મેથી પલાળીને સવારે તેનું પાણી પીવાથી બ્લડ સુગરમાં ચમત્કારીક ઘટાડો થાય છે.

કારેલા : કારેલામાં ‘પોલીપેપ્ટાઈડ-પી’ (Polypeptide-p) નામનું ઇન્સ્યુલિન જેવું સંયોજન હોય છે. તે શરીરમાં કુદરતી ઇન્સ્યુલિનની જેમ કામ કરીને ગ્લુકોઝ લેવલ ઘટાડવામાં મદદ કરે છે.

લીલા પાંદડાવાળા શાકભાજી : પાલક, મેથી અને તાંદળજો જેવા શાકભાજીમાં મેગ્નેશિયમ અને ફાઈબર પુષ્કળ હોય છે. તેમાં કેલરી ઓછી હોવાથી તે સુગર વધવા દેતા નથી અને શરીરને પોષણ આપે છે

ગ્રીન ટી  : ગ્રીન ટીમાં રહેલા કેટેચિન શરીરના ગ્લુકોઝ ચયાપચયને સુધારે છે. તે ચરબી બર્ન કરવામાં પણ મદદ કરે છે, જે વજનને નિયંત્રિત કરવામાં મદદ કરે છે અને ડાયાબિટીસનું સંચાલન સરળ બનાવે છે. દરરોજ 1-2 કપ ગ્રીન ટી પીવાથી બ્લડ સુગર લેવલ નિયંત્રિત કરવામાં મદદ મળી શકે છે.

જવ  : જવ એ આખા અનાજમાં ભરપૂર ફાઇબર છે. તે આંતરડાના સ્વાસ્થ્યમાં સુધારો કરે છે અને બ્લડ સુગરને ધીમે ધીમે વધવા દે છે. જવનું સેવન કરવાથી ખાંડના અચાનક વધઘટને રોકવામાં અને લાંબા સમય સુધી ઉર્જા જાળવવામાં મદદ મળે છે. તમે જવની બ્રેડ ખાવાનો અથવા જવનું પાણી પીવાનો પ્રયાસ કરી શકો છો.

નિષ્ણાતનું સૂચન

બ્લડ સુગરને નિયંત્રિત ન કરવાથી હૃદય, કિડની, આંખ અને ચેતા સંબંધિત ગંભીર સમસ્યાઓ થઈ શકે છે. એટલે ડાયાબિટીસના દર્દીઓએ આહારમાં ફેરફાર કરવો જરૂરી છે. સાથે – સાથે દિવસમાં 30 મિનિટ ચાલવું પણ જરૂરી છે. નિયમિત હળવી કસરત અને પૂરતું પાણી પીવું પણ એટલું જ અનિવાર્ય છે. જો તમે ડાયાબિટીસની દવા લેતા હોવ, તો આહારમાં મોટા ફેરફારો કરતા પહેલા તમારા ડોક્ટરની સલાહ જરૂર લેવી.

આ પણ વાંચો : Typhoid Diseas : જાણો ટાઈફોઇડ બીમારીમાં કયો ખોરાક લેવો જોઈએ

(Disclaimer: આ માહિતી વાચકોને વધારે વિગતો પુરી પાડવા માટે છે અને આ સંદર્ભમાં વધારે જાણકારી મેળવવા માટે આપ તજજ્ઞોનો સંપર્ક સાધી શકશો. )