ટેસ્લા અને Xના માલિક એલોન મસ્કે દાવો કર્યો છે કે AI 2028 સુધીમાં દુનિયાના તમામ ડિજિટલ ક્ષેત્રોમાં નિપુણતા મેળવી લેશે અને મનુષ્યોને પાછળ છોડી દેશે. મસ્કે આ નિવેદન લોકપ્રિય AI સંશોધક ફ્રાંસ્વા શોલેના એક સિદ્ધાંતના જવાબમાં આપ્યું છે.

શોલેએ 2021માં આગાહી કરી હતી કે આગામી 10થી 20 વર્ષોમાં દુનિયાની લગભગ દરેક વૈજ્ઞાનિક શાખા- ભૌતિકશાસ્ત્ર, રસાયણશાસ્ત્ર, જીવવિજ્ઞાન અને પુરાતત્વ- મૂળભૂત રીતે કમ્પ્યુટર સાયન્સની એક શાખા બની જશે.

શોલેએ તાજેતરમાં પોતાની જૂની પોસ્ટ શેર કરતાં લખ્યું કે તેમની આ આગાહી હવે સાચી સાબિત થતી દેખાઈ રહી છે. જોકે, એલોન મસ્કે આ સમયમર્યાદાને ધીમી ગણાવતાં કહ્યું કે AIની ગતિ તેનાથી ઘણી વધુ ઝડપી છે.

એલોન મસ્કે આ વાતો પણ કહી છે

1. ડિજિટલ કાર્યો: કોડિંગ, સંશોધન, લેખન, કાનૂની વિશ્લેષણ, એકાઉન્ટિંગ અને ડેટા વિશ્લેષણ જેવા કામો, જે ફક્ત ડેટા અને કમ્પ્યુટર પર આધારિત છે, તેમાં AI 2027-2028 સુધીમાં સંપૂર્ણપણે પ્રભુત્વ મેળવી લેશે.

મસ્કના મુજબ, આગામી વર્ષ સુધીમાં AI સોફ્ટવેર એન્જિનિયરિંગમાં ‘સ્ટોકફિશ’ (ચેસ એન્જિન)ના સ્તરે પહોંચી જશે, જેના કારણે માણસો કોડિંગમાં તેની સાથે સ્પર્ધા કરી શકશે નહીં.

2. ફિઝિકલ ટાસ્ક: માણસો જે કામ શારીરિક રીતે કરે છે, જેમ કે મેન્યુફેક્ચરિંગ અથવા કન્સ્ટ્રક્શન, તેમાં AIને માણસોની બરાબરી કરવામાં થોડો વધુ સમય લાગશે. જોકે, આ માટે મસ્ક પોતાની હ્યુમનોઇડ રોબોટ ‘ઓપ્ટિમસ’ સિરીઝ પર ઝડપથી કામ કરી રહ્યા છે.

શોલેનો દાવો: હવે દરેક વિજ્ઞાન કમ્પ્યુટર સાયન્સ છે

ફ્રાંસ્વા શોલેએ પોતાની થિયરી સમજાવવા માટે વર્ષ 2000નું ઉદાહરણ આપ્યું. તે સમયે જો કોઈ કહે કે ભવિષ્યમાં મોટાભાગની કંપનીઓ ટેક કંપનીઓ બની જશે, તો લોકો તેની મજાક ઉડાવતા.

જોકે, 20 વર્ષ પછી આજે વોલમાર્ટ અને ફેડેક્સ જેવી રિટેલ અને લોજિસ્ટિક્સ કંપનીઓ સોફ્ટવેરના આધારે જ ચાલી રહી છે. શોલે અનુસાર, આવો જ બદલાવ હવે વિજ્ઞાનના દરેક ક્ષેત્રમાં થઈ રહ્યો છે…

શોલેનું કહેવું હતું કે આ પરિવર્તનમાં 10-20 વર્ષ લાગશે, પરંતુ મસ્કનું માનવું છે કે આ કામ માત્ર આગામી 1થી 2 વર્ષમાં પૂર્ણ થઈ જશે.

2017થી 2026 સુધી મસ્કે AI વિશે શું-શું કહ્યું?

મસ્ક ઘણીવાર AI વિશે ચોંકાવનારા દાવા કરવા માટે જાણીતા છે. છેલ્લા કેટલાક વર્ષોમાં તેમની સમયમર્યાદા સતત ઘટતી ગઈ છે…

ભારત પર શું અસર થશે?

મસ્કની આગાહીનો 50% હિસ્સો પણ સાચો સાબિત થાય, તો ભારતના આઈટી અને નોલેજ સેક્ટર પર તેની મોટી અસર પડશે…

—————————-

આ સમાચાર પણ વાંચો:

હવે મુકેશ અંબાણી નહીં, ગૌતમ અદાણી દેશના સૌથી અમીર:હુરુન ઇન્ડિયા રિચ લિસ્ટના ટોપ-10મા 5 ગુજરાતી, ટોરેન્ટ ફાર્માના સમીર મહેતા પહેલી વખત સામેલ

ગૌતમ અદાણી અને તેમનો પરિવાર દેશના સૌથી અમીર બની ગયા છે. એમ3એમ હુરુન ઇન્ડિયા રિચ લિસ્ટ 2026 અનુસાર અદાણી પરિવારે રિલાયન્સ ઇન્ડસ્ટ્રીઝના ચેરમેન મુકેશ અંબાણી અને તેમના પરિવારને પાછળ છોડી દીધા છે.

23 સપ્ટેમ્બરે જાહેર થયેલા અહેવાલ અનુસાર, ગૌતમ અદાણીની કુલ સંપત્તિ 13% વધીને 9.23 લાખ કરોડ રૂપિયા થઈ ગઈ છે. બીજી તરફ, મુકેશ અંબાણીની સંપત્તિમાં 10%નો ઘટાડો નોંધાયો છે અને તેઓ 8.63 લાખ કરોડ રૂપિયાની સંપત્તિ સાથે બીજા સ્થાને ખસી ગયા છે. વાંચો સંપૂર્ણ સમાચાર…

દિવ્ય ભાસ્કરને Google પર મનપસંદ સોર્સ બનાવો