ક્રિકેટ ડિરેક્ટરે કહ્યું- બંનેને સમજાવવા જરૂરી હતા ઇંગ્લેન્ડ એન્ડ વેલ્સ ક્રિકેટ બોર્ડ (ECB) એ જણાવ્યું- ‘આ ઘટનાને ઔપચારિક અને ગુપ્ત શિસ્તભંગની પ્રક્રિયા હેઠળ પતાવી દેવામાં આવી છે અને ખેલાડીએ સ્વીકાર્યું છે કે તેનું વર્તન ધોરણો મુજબનું નહોતું.’ ECB ના ક્રિકેટ ડિરેક્ટર રોબ કી એ જણાવ્યું કે તેમણે ન્યૂઝીલેન્ડમાં બ્રુક અને બેથેલના વર્તનને લઈને તેમની સાથે વાત કરી હતી. તેમણે કહ્યું કે આ ઔપચારિક ચેતવણી આપવા જેવું નહોતું, પરંતુ અનૌપચારિક રીતે સમજાવવું જરૂરી હતું.

ઇંગ્લિશ ખેલાડીઓએ એશિઝ સિરીઝ દરમિયાન પણ દારૂ પીધો હતો ECBના મુખ્ય કાર્યકારી રિચાર્ડ ગોલ્ડે કહ્યું કે એશિઝ સિરીઝમાં ટીમના ‘વર્તન’ની પણ તપાસ થશે. BBC અનુસાર, ઇંગ્લિશ ખેલાડીઓએ બીજી અને ત્રીજી ટેસ્ટ વચ્ચે મળેલા બ્રેકમાં વધુ પડતો દારૂ પીધો હતો. જણાવવામાં આવ્યું કે ખેલાડીઓએ કથિત રીતે 6 દિવસ (2 દિવસ બ્રિસ્બેનમાં અને ત્યારબાદ 4 દિવસ ક્વીન્સલેન્ડના શહેર નૂસામાં) દારૂ પીવામાં વિતાવ્યા. આ પછી ECBના મેનેજિંગ ડિરેક્ટર રોબ કીએ તપાસ કરાવવાની વાત કહી હતી.

બ્રુક એશિઝમાં કોઈ સદી ફટકારી શક્યો નહીં એશિઝ સિરીઝમાં બ્રુકે 10 ઇનિંગ્સમાં 358 રન બનાવ્યા, પરંતુ એક પણ સદી લગાવી શક્યા નહીં.