ડેનિયલ વ્યાટ ઇંગ્લેન્ડની ટૉપ સ્કોરર

આ વર્લ્ડ કપમાં ઇંગ્લેન્ડ માટે ડેનિયલ વ્યાટ હોજે સૌથી વધુ રન બનાવ્યા છે. તેણે 3 મેચમાં 143.82ની સ્ટ્રાઇક રેટથી 128 રન બનાવ્યા છે. તેનો શ્રેષ્ઠ સ્કોર અણનમ 105* રન છે.

જ્યારે બોલિંગમાં સોફી એક્લેસ્ટને શાનદાર પ્રદર્શન કર્યું છે. તેણે 3 મેચમાં 6.00ની ઇકોનોમીથી રન આપીને 7 વિકેટ ઝડપી છે. તેનું શ્રેષ્ઠ પ્રદર્શન 22 રન આપીને 3 વિકેટ છે.

આલિયા અલીને 8 વિકેટ લીધી

વેસ્ટ ઇન્ડીઝ માટે આ ટુર્નામેન્ટમાં શેમાઈન કેમ્પબેલ સૌથી સફળ બેટર રહી છે. તેણે 3 મેચમાં 130.00ના સ્ટ્રાઈક રેટથી 130 રન બનાવ્યા છે. તેનો સર્વશ્રેષ્ઠ સ્કોર અણનમ 90* રન રહ્યો છે.

બોલિંગમાં આલિયા અલીને શાનદાર પ્રદર્શન કર્યું છે. તેણે 3 મેચમાં 6.62ની ઇકોનોમીથી 8 વિકેટ લીધી છે. તે ટુર્નામેન્ટની બીજી ટૉપ વિકેટ ટેકર છે. તેનું સર્વશ્રેષ્ઠ પ્રદર્શન 27 રન આપીને 4 વિકેટ છે.

પીચ રિપોર્ટ અને હવામાનની સ્થિતિ

લોર્ડ્સની પીચ ઝડપી બોલરોને મદદ કરે છે. શરૂઆતમાં ઝડપી બોલરોને સારી સ્વિંગ અને મૂવમેન્ટ મળશે.

લંડનમાં તાપમાન 17°C થી 19°C ની વચ્ચે રહેશે. આકાશમાં હળવા વાદળો રહેશે, પરંતુ વરસાદની શક્યતા નહિવત્ છે.

બન્ને ટીમની સંભવિત પ્લેઇંગ-11

ઇંગ્લેન્ડ: એમી જોન્સ (વિકેટકીપર), ડેની વ્યાટ-હોજ, સોફિયા ડંકલી, એલિસ કેપ્સ, હીથર નાઈટ, ફ્રેયા કેમ્પ, ડેની ગિબ્સન, ચાર્લી ડીન (કેપ્ટન), સોફી એક્લેસ્ટન, લિન્સે સ્મિથ, લોરેન બેલ.

વેસ્ટ ઇન્ડીઝ: હેલી મેથ્યુઝ (કેપ્ટન), ડેન્ડ્રા ડોટિન, શેમાઈન કેમ્પબેલ (વિકેટકીપર), સ્ટેફની ટેલર, જહઝારા ક્લેક્સટન, ચિનેલ હેનરી, જેનિલીયા ગ્લાસગો, આલિયા અલીન, અફી ફ્લેચર, કરિશ્મા રામહરક, અશ્મિની મુનિસર.

દિવ્ય ભાસ્કરને Google પર મનપસંદ સોર્સ બનાવો