હરિયાણાના ફરીદાબાદમાં એક કોચ પર સગીર શૂટર સાથે બળાત્કારનો આરોપ લાગ્યો છે. શૂટરનું કહેવું છે કે કોચે તેના પર્ફોર્મન્સ પર વાત કરવાના બહાને ફરીદાબાદની ફાઇવ સ્ટાર હોટલના રૂમમાં બોલાવીને તેની સાથે બળાત્કાર કર્યો. આ ઘટના વિશે કોઈને જણાવવા પર તેનું કરિયર ખતમ કરવાની પણ ધમકી આપી.

સગીરા લગભગ 20 દિવસ સુધી આઘાતમાં રહી. ત્યાર બાદ તેણે હિંમત ભેગી કરીને તેની માતાને આખી ઘટના જણાવી. 6 જાન્યુઆરીએ પોલીસમાં ફરિયાદ નોંધાવી. ફરીદાબાદ પોલીસે પોક્સો એક્ટ હેઠળ કેસ નોંધી તપાસ શરૂ કરી દીધી છે. પોલીસ અધિકારીઓનું કહેવું છે કે આ મામલે હોટલના સ્ટાફની પણ પૂછપરછ કરવામાં આવી રહી છે.

બીજી તરફ, આ મામલે સંજ્ઞાન લેતા નેશનલ રાઇફલ એસોસિયેશન ઓફ ઇન્ડિયાએ આરોપી કોચ અંકુશ ભારદ્વાજને સસ્પેન્ડ કરી દીધા છે. એસોસિયેશનનું કહેવું છે કે જ્યાં સુધી તપાસ પૂરી નહીં થાય ત્યાં સુધી અંકુશ સસ્પેન્ડ રહેશે.

ફરીદાબાદમાં કોચે સગીર શૂટર સાથે હોટલના રૂમમાં દુષ્કર્મ આચર્યું. (AI જનરેટેડ ફોટો)

હવે ક્રમબદ્ધ રીતે જાણો આખો મામલો…

દિલ્હીની ડૉ. કરણી સિંહ શૂટિંગ રેન્જમાં નિશાન સાધતા શૂટર્સ. (ફાઇલ ફોટો)

20 દિવસ સુધી આઘાતમાં રહી ખેલાડી પરિવારનું કહેવું છે કે આ ઘટના પછી તેની દીકરી કોઈની સાથે વાત કરતી ન હતી. તે પોતાની પ્રેક્ટિસ પર પણ ધ્યાન આપી શકતી ન હતી. લગભગ 20 દિવસ સુધી તેણે પરિવારથી આ વાત છુપાવી રાખી. માતાએ જણાવ્યું કે હિંમત કરીને તેણે મને બધી વાત કહી.

પીડિતા 2017થી શૂટિંગની પ્રેક્ટિસ કરી રહી છે, જ્યારે જુલાઈ 2025થી જ કોચ અંકુશ પાસે તાલીમ શરૂ કરી હતી.

કેસની તપાસ કરી રહી પોલીસ ફરીદાબાદ પોલીસ પ્રવક્તા યશપાલ યાદવે જણાવ્યું હતું કે છોકરીની માતાની ફરિયાદ પર કેસ નોંધવામાં આવ્યો છે. હોટલમાંથી સીસીટીવી ફૂટેજ એકત્ર કરવામાં આવી રહ્યા છે. હોટલના કર્મચારીઓનાં નિવેદનો પણ નોંધવામાં આવી રહ્યા છે. છોકરીની કાઉન્સેલિંગ પણ કરાવવામાં આવશે.

ભિવાનીની શૂટર સાથે પણ બની ચૂકી છે ઘટના…

ફરીદાબાદની આ સગીર શૂટર સાથે ઘટના બનતાં પહેલાં આવો જ એક મામલો ભિવાનીની શૂટર સાથે પણ બની ચૂક્યો છે. ફરીદાબાદની હોટલમાં ભિવાનીની 22 વર્ષીય લેડી શૂટર સાથે પણ બળાત્કાર થયો હતો. જે હોટલમાં શૂટર સાથે બળાત્કાર થયો ત્યાં પહેલાં પાર્ટી થઈ હતી, જેમાં રાજસ્થાનની એક મહિલા શૂટર જ્યોતિ, તેનો હરિયાણવી બોયફ્રેન્ડ ગૌરવ અને તેનો મિત્ર સત્યેન્દ્ર પણ હતા. આ દરમિયાન ભિવાનીની શૂટરને કોઈ નશીલો પદાર્થ પિવડાવવામાં આવ્યો હતો.

દારૂની પાર્ટી લગભગ 9 વાગ્યે થઈ હતી, જ્યારે સ્થાનિક પોલીસને વહેલી સવારે 3 વાગ્યે ફોન કરવામાં આવ્યો હતો. આ કોલ પીડિતાએ જ કર્યો હતો. આવી સ્થિતિમાં અંદાજ છે કે લગભગ 6 કલાક બેભાન રહ્યા પછી જ્યારે તેને ભાન આવ્યું ત્યારે તેણે પોલીસ કંટ્રોલ રૂમને જાણ કરી.

એટલું જ નહીં, તેણે હિંમત બતાવીને સહેલી શૂટર સહિત ત્રણેય આરોપીને હોટલના રૂમમાં જ લોક કરી દીધા. જેમને બાદમાં પોલીસને સોંપી દેવામાં આવ્યા. સરાય ખ્વાજા પોલીસે હોટલના સીસીટીવી ફૂટેજ અને રેકોર્ડ પણ ચેક કર્યા છે, જેમાં સામે આવ્યું છે કે ચારેય એક કારમાં હોટલમાં પહોંચ્યા હતા.

ફરીદાબાદના સરાય ખ્વાજા વિસ્તારની હોટલ ગ્રાન્ડ, જ્યાં ભિવાનીની શૂટર પર રેપ થયો હતો.

કેસ મુજબ આ રીતે ઘટના બની હતી…