FIFA વર્લ્ડ કપ 2026માં આજે રાત્રે જર્મનીનો સામનો ઇક્વાડોર સામે થશે. ઇક્વાડોર ઇન્ટરનેશનલ ફૂટબોલમાં જર્મનીને ક્યારેય હરાવી શક્યું નથી. મેચ રાત્રે 1:30 વાગ્યાથી ન્યૂ જર્સી સ્ટેડિયમમાં રમાશે.

જ્યારે તુર્કીનો મુકાબલો અમેરિકા સામે સવારે 7:30 વાગ્યાથી થશે. તુર્કી આ ટુર્નામેન્ટમાં અત્યાર સુધી એક પણ ગોલ કરી શક્યું નથી.

કુલ 6 મેચ રમાશે. આ તમામ મેચ ભારતીય સમય અનુસાર 26 જૂને રમાશે.

મેચ-55: આઇવરી કોસ્ટને નોકઆઉટ માટે માત્ર ડ્રોની જરૂર

ગ્રુપ-Eમાં સામેલ કોટે ડી આઇવર 3 પોઇન્ટ્સ સાથે બીજા સ્થાને છે. તેને આગલા રાઉન્ડમાં પહોંચવા માટે માત્ર એક ડ્રોની જરૂર છે. જ્યારે 1 પોઇન્ટ્સ સાથે ટેબલમાં સૌથી નીચે ચાલી રહેલા કુરાસાઓને કોઈપણ ભોગે આ મેચ જીતવી પડશે. બંને દેશો વચ્ચે આ પ્રથમ ઇન્ટરનેશનલ મુકાબલો હશે.

કુરાસાઓને મિડફિલ્ડર તાહિત ચોંગ પાસેથી ચમત્કારની અપેક્ષા હશે. જ્યારે આઇવરી કોસ્ટની ટીમ અનુભવી મિડફિલ્ડર ફ્રેન્ક કેસીના પ્રદર્શન પર નિર્ભર રહેશે.

બંને ટીમની સંભવિત સ્ટાર્ટિંગ-11:

કુરાકાઓ: રૂમ, બ્રીનત, ફ્લોરાનસ, ગારી, ઓબિસ્પો, ફોનવિલે, ચોંગ, કોમેનેન્સિયા, એલ બાકુના, જે બાકુના, લોકાડિયા.

આઇવરી કોસ્ટ: વાય ફોફાના, જી દોઉ, કોસોનોઉ, અગ્બાદૌ, કોનાન, સંગારે, કેસી, ઔલાઈ, ડિયાલો, બોની, ડિયોમંડે.

મેચ-56: જર્મની સામે ઇક્વાડોરને જીતવું જ પડશે

સુપર-32માં સ્થાન મેળવી ચૂકેલી જર્મનીનો મુકાબલો ઇક્વાડોર સામે થશે. જર્મની 2 મેચમાં 6 પોઇન્ટ્સ સાથે ગ્રુપ-Eમાં ટોચ પર છે. જ્યારે ઇક્વાડોર માત્ર 1 પોઇન્ટ્સ સાથે ત્રીજા સ્થાને છે. તેને નોકઆઉટની આશાઓ જીવંત રાખવા માટે કોઈપણ ભોગે આ મેચ જીતવી પડશે.

બંને દેશો વચ્ચે 2 ઈન્ટરનેશનલ મેચ રમાઈ છે. બંને વખત જર્મનીએ જીત મેળવી છે. વર્લ્ડ કપના ઇતિહાસમાં આ બંનેની બીજી ટક્કર હશે. 2006ના વર્લ્ડ કપમાં જર્મનીએ ઇક્વાડોરને 3-0થી હરાવ્યું હતું.

ઇક્વાડોરને તેના સ્ટાર ફોરવર્ડ એનર વેલેન્સિયા પાસેથી ગોલની અપેક્ષા હશે. જ્યારે જર્મની માટે ફોર્મમાં ચાલી રહેલા વિંગર જમાલ મુસિયાલા આક્રમક રમત બતાવી શકે છે.

બંને ટીમની સંભવિત સ્ટાર્ટિંગ-11:

ઇક્વાડોર: ડોમિંગ્યુએઝ, પ્રેસિયાડો, ટોરેસ, પેચો, હિંકાપી, ફ્રેન્કો, ગ્રુએજો, એમ કેસિડો, પાઝ, વેલેન્સિયા, રોડ્રિગ્ઝ.

જર્મની: ન્યુઅર, કિમિચ, રુડિગર, તાહ, મિત્તલસ્ટેટ, એન્ડ્રિચ, ક્રૂસ, સાને, મુસિયાલા, વિર્ટ્ઝ, હાવર્ટ્ઝ.

મેચ-57: સ્વીડન સામે ડ્રો રમતા જ જાપાન નોકઆઉટમાં પહોંચશે

ગ્રુપ-Fમાં સામેલ જાપાન 4 પોઇન્ટ્સ સાથે બીજા સ્થાને છે. જ્યારે સ્વીડન 3 પોઇન્ટ્સ સાથે ત્રીજા સ્થાને છે. જાપાનની ટીમ જો આ મેચ ડ્રો પણ રમી લે છે તો તે નોકઆઉટમાં પહોંચી જશે. જ્યારે સ્વીડનને આગળ વધવા માટે જીતની જરૂર છે.

વર્લ્ડ કપમાં બંને દેશો વચ્ચે આ પહેલી ટક્કર હશે. બંને વચ્ચે અત્યાર સુધી 2 આંતરરાષ્ટ્રીય મેચ રમાઈ છે. જાપાને 1 મેચ જીતી છે, જ્યારે 1 મેચ ડ્રો રહી છે.

જાપાનને તેના સ્ટાર સ્ટ્રાઈકર અયાસે ઉએડા પાસેથી સારા પ્રદર્શનની અપેક્ષા હશે. જ્યારે સ્વીડનની નજર ઇન-ફોર્મ ફોરવર્ડ એલેક્ઝાન્ડર ઇસાક પર રહેશે.

બંને ટીમની સંભવિત સ્ટાર્ટિંગ-11:

જાપાન: સુઝુકી, ઇતાકુરા, તાનિગુચી, માચિડા, ડોઆન, એન્ડો, મોરીતા, મિનામિનો, કામાડા, કુબો, ઉએડા.

સ્વીડન: ઓલ્સેન, લિન્ડેલોફ, Hઇએન, લેગરબીલકે, ગુદમુન્ડસન, અયારી, નિગ્રેન, કાર્લસ્ટ્રોમ, બર્નહાર્ડસન, ગ્યોકેરેસ, ઇસાક.

મેચ-58: ટુર્નામેન્ટમાંથી બહાર થઈ ચૂકેલા ટ્યુનિશિયાનો નેધરલેન્ડ્સ સામે મેચ

નેધરલેન્ડ્સ અને ટ્યુનિશિયા ગ્રુપ-Fમાં સામેલ છે. સતત બે હાર સાથે ટ્યુનિશિયા ટુર્નામેન્ટમાંથી પહેલા જ બહાર થઈ ચૂક્યું છે. બીજી તરફ નેધરલેન્ડ્સ 4 પોઇન્ટ્સ સાથે ટોચ પર છે.

બંને દેશો વચ્ચે કુલ 3 ઈન્ટરનેશનલ મેચ રમાઈ છે. નેધરલેન્ડ્સે 1 મેચ જીતી છે. જ્યારે 2 મુકાબલા ડ્રો રહ્યા છે. વર્લ્ડ કપમાં બંનેની આ પહેલી ટક્કર હશે.

નેધરલેન્ડ્સની આશાઓ તેના સ્ટાર ફોરવર્ડ મેમ્ફિસ ડેપે પર ટકેલી હશે. જ્યારે ટ્યુનિશિયાને કેપ્ટન યુસુફ મષાકની પાસેથી સારા પ્રદર્શનની અપેક્ષા હશે.

બંને ટીમની સંભવિત સ્ટાર્ટિંગ-11:

ટ્યુનિશિયા: બેન સઈદ, વાલરી, મેરિયાહ, તલ્બી, અબ્દી, સ્કેરી, લૈદૌની, રફિયા, બેન રમાને, અચૌરી, મષાકની.

નેધરલેન્ડ: વર્બ્રુગન, ડમફ્રીઝ, ડી વિલેજ, વાન ડિઝ્ક, એકે, શાઉટન, રીજેન્ડર્સ, સિમન્સ, વિજનલ્ડમ, ગાકપો, ડેપે

મેચ-59: યજમાન અમેરિકાને પડકારશે તુર્કી

ગ્રુપ-Dમાં સામેલ અમેરિકા સતત 2 જીત સાથે નોકઆઉટમાં સ્થાન બનાવી ચૂક્યું છે. તે 6 પોઇન્ટ્સ સાથે ગ્રુપમાં પહેલા સ્થાને છે. જ્યારે તુર્કી સતત 2 હાર સાથે બહાર થઈ ચૂક્યું છે. તે ટુર્નામેન્ટમાં એક પણ ગોલ કરી શક્યું નથી.

બંને વચ્ચે માત્ર 1 ઈન્ટરનેશનલ મેચ રમાઈ છે. જેમાં તુર્કીએ 2-1થી જીત મેળવી હતી. વર્લ્ડ કપમાં બંને ટીમની આ પ્રથમ ટક્કર હશે.

અમેરિકાને મુખ્ય સ્ટ્રાઈકર ફોલારિન બાલોગુન પાસેથી ગોલની અપેક્ષા હશે. જ્યારે તુર્કી તેના યુવા સ્ટાર અરદા ગુલર પર નિર્ભર છે.

બંને ટીમની સંભવિત સ્ટાર્ટિંગ-11:

તુર્કી: ઓઝર, ચેલિક, સોયુનકુ, ડેમિરલ, એલમાલી, યુક્સેક, કોકચુ, ગુલર, અકટુરકોગ્લુ, યિલ્ડિઝ, યિલ્માઝ.

અમેરિકા: ટર્નર, સ્કાલી, રિચાર્ડ્સ, રીમ, રોબિન્સન, મેકેની, એડમ્સ, મુસાહ, પુલિસિક, બાલોગુન, વેઆ.

મેચ-60: પેરાગ્વે અને ઓસ્ટ્રેલિયામાં જીતનારી ટીમ નોકઆઉટ રમશે

ગ્રુપ-Dમાં પેરાગ્વે અને ઓસ્ટ્રેલિયા વચ્ચે મહત્વપૂર્ણ મુકાબલો રમાશે. બંને ટીમ પાસે નોકઆઉટમાં પહોંચવાનો આ છેલ્લો મોકો છે. બંને ટીમ હાલમાં 3-3 પોઇન્ટ્સ પર છે. આ મેચ જીતનારી ટીમ સીધા નોકઆઉટ માટે ક્વોલિફાય કરી જશે.

બંને દેશો વચ્ચે અત્યાર સુધી કુલ 5 આંતરરાષ્ટ્રીય મેચ રમાઈ છે, જેમાંથી ઓસ્ટ્રેલિયાએ 2 જીતી છે અને 3 મેચ ડ્રો રહી છે. વર્લ્ડ કપના ઇતિહાસમાં આ બંનેની પ્રથમ ટક્કર હશે.

પેરાગ્વેને યુવા ફોરવર્ડ જુલિયો એન્સિસો પાસેથી મોટી અપેક્ષાઓ હશે. જ્યારે ઓસ્ટ્રેલિયાને તેના કેપ્ટન અને અનુભવી ગોલકીપર મેથ્યુ રાયન પાસેથી શ્રેષ્ઠ પ્રદર્શનની જરૂર પડશે.

બંને ટીમની સંભવિત સ્ટાર્ટિંગ-11:

પેરાગ્વે: મોરિનીગો, વેલાસ્કેઝ, બાલ્બુએના, અલ્ડરેટે, એસ્પિનોઝા, ક્યુબાસ, વિલાસાંતી, રોમેરો, અલ્મિરોન, એન્સિસો, સાનાબ્રિયા.

ઓસ્ટ્રેલિયા: રાયન, એટકિન્સન, સુતાર, બર્ગસ, રોલ્સ, બકસ, ઇરવિન, મેટકાફ, ગુડવિન, યેંગી, બોરેલ.

દિવ્ય ભાસ્કરને Google પર મનપસંદ સોર્સ બનાવો